علي منصة الاعتراف (حبيب المنتدى )

بس الله الرحمن الرحيم يارب يا كريم
نبداء ان شاء الله العبه دي محدش قادر يبعد عنها ورني ورني وان شاء الله لو حولتو تنسوها فا انا ها افكركم :D احنا عارفين العبه طبعا بنحت واحد او واحده علي الكرسي و بنهريه اسئاله
وطبعا شوفتو مين الي علي الكرسي طبعا الشعر الكبير حبيب الكل طبعا الاستاذ الكبير الاستاذ المشهور محمد الجندي فلا يتفضل :cheers: :cheers:
يله يا بطال ها اهريك بسم الله هبداء ان شاء الله
انا يله بيني
1_ هل انت تفعل ما تقوله هنا بالمنتدى ؟




2_ ما ردة فعلك عندما يقول لك حبيبك : أحبك نعم أتزوجك لا ؟




3_ ماذا ستكتب لنا لتعبر عن حياتك التي عشتها الى الان في كلمات قليله ؟




4_ اذا اردت ان تبكي الان , فعلى من تبكي؟




5_ من ستختار ليمسح دموعك ؟




6_ماهو تقييمك لهذا المنتدى بصراحه ؟




7_ هل هزمك حزنك في يوما من الايام؟




8_ (( انت كل شيء بحياتي )) لمن تقولها ؟




9_ ((مستحيل انساك)) لمن تقولها ؟




10_ اغمض عينيك دقيقه لو سمحت, ماذا خطر على بالك وانت مغمض العينين ؟




12_هل تؤيد الزواج العاطفي ام الزواج التقليدي ؟ ولماذا ؟




13_ايهما اهم شهادتك الجامعيه أم الزواج ممن تحب ؟




14_ حكمة تؤمن بها جدا؟؟




15_ عاده تفعلها دائما تتمنى ان تتركها ؟؟

حلم دايما بتحلم بيه؟؟؟؟
ليه سيبت الحب الاول يضيع منك؟؟؟
لو رجع بيك الزمن كنت تتمنى تغير ايه فى حياتك؟؟؟
لو حبيبك الاول رجع توافق؟؟؟؟
غلطه عملتها وتتمنى تنساها؟؟؟؟
اكتر موقف محرج اتعرضت ليه؟؟؟؟
لو من الازمنه اللى فاتت خترت زمن تعيش فيه تختار انهى زمن؟؟؟

سؤال بتساله لنفسك ومش لاقيله أجابه ؟ ايه هو ؟

لو عندك تايم ماشين ( اله زمن يعني ) تتمنى ترجع انهي فتره في حياتك ؟


امته حسيت انك غبي جدا؟

وامته كنت مبسوط من نفسك قوي ؟

اكبر فرحه فرحتها كانت ايه ؟

اكتر مره حزنت وزعلت كانت بسبب ايه ؟


هل دموعك سهل نزولها ؟ وايه اكتر حاجه بتنزل دموعك ؟

اكتر حاجه بتهز محمد الجندي من جوه ايه هييييييييييي؟

يله يا نجم جواب اعبال ما اجيلك تاني

ههههههههههههههههههههههههههههههههههههههههههههه

انا تعبت بس لغايت ما اقريت الاسئله

أمال هرد عليها ازاى

هههههههههههههههههههههههه


أنشاء الله هرد عليها

ده وعد

بس أنام الأول على شان أفوق وأعرف أجاوب


ياله سلام مؤقتاً

هههههههههههههههههههههههههههههههههه
ماااااااااشي نام برحتك بس رد علينا مش تسبني كدا وانا حتاتك علي الكرسي
علشان انت بجد تستحقه بقالك كتير غايب فا عايزينك تعترف قتلت مين يا خاين
ههههههههههههههههههههههههههههههههههههههههههههههههههههههههههه
يله شد حيالك يا بطال
علشان اجبلك تاني بس رد الاول يله يا بابا ههههههههههه

ANGEL

هرد عليكى بس لما أخد ريست من اساله راندا وهرجعلك تانى

منور يا جندى

براحتك يا جندي بس مش تطول
عشان في اسئلة تانية
ههههههههههههههههههههههههههههههههههه

- أقدم لك في بداية هذا اللقاء كأس من عصير الليمون لتهدئة أعصابك

( ممكن فروله)



/ ماهو شعورك وانت في كرسي الاعتراف ؟ مع الشرح
بالتفصيل؟؟؟؟؟

والله لحد دلوقتى مستريح ومعنديش أى مشكله
رابنا يسهل فى اللى جى وما غيرش رأيي

/ كل انسان لابد وان يمر بعدد من المواقف منها الطريف
والمؤلم وغيرها اذكريلنا
بعد اذنك يعني
موقف طريف وموقف مؤلم واسف على تقليب الماجع وموقف محرج

حصل لكي واتمنيت انه الارض انشقت وبلعتك خخخخخخخ؟؟؟



موقف طريف: كان فى يوم من الايام عندنا تصوير أعلان خارجى لشركه أتصالات عراقيه
وانا كنت نازل كالعاده فى قسم الانتاج ومفروض أنى شغال مع مدير أنتاج لسه ما تعرفتش عليه
أول منزلت اللكيشن بسلم على الناس وبضحك معاهم عادى جدا

وبسأل مساعد مدير التصوير وبقوله أمال فين مدير الانتاج أكيد الشركه جايبه مدير شينف من
الى هى دايما ترزينه بيهم وهو عمال يغمزلى
وأنا مش واخد بالى خالص
فجه واحد من ورايه واقلى أنا أحمد الدبركى
الشينف اللى بعتاه الشركه
هههههههههههههههه
طبعاً انا أتكتمت خالص ومكنتش عارف أنطق بكلمه وحده
الظريف بقى فى الموضوع أننا بقينه صحاب جدا
وانى أشتغلت معاه بعد كده اكتر من أعلان

موقف مؤلم : كنت فى شرم الشيخ وقت الأنفجرات الى حصلت هناك
مش أقدر أوصفلك كم الرعب والخوف الى حسينه بيه سعتها
ما كناش خيفين على نفسنه اقد ما كنه خايفين على بلدنه

والله العظيم والله العظيم مش مجرد شعرات
لما تشوفى كم الدمار بعنيكى وعربيات الأسعاف شايله المصابين
والناس بتجرى فى كل حته من الرعب الى حصل هتعرفى معنى الكلام الى أنا بقوله

لما يكون مكان شيفينه الصبح سليم وزى الفل
ونرجع نشوفه بليل مدمر بجد هتعرفى معنى الكلام الى انا بقوله

كان موقف عمرى ما هنساه فى حياتى

موقف محرج: كنت فى بلد فلاحين بزور أحد الاقارب وخرجت اتمشى شويه مع ولاد خالى فى
الغيطان طبعا انا كنت مبهور بالخضره والجمال الربانى اللى الواحد مش بيشوفه كتير فى القاهره
وهما كانو عايزين يسبتولى بأى شكل ان أنا مقدرش أعيش حيتهم وأنا كنت عايز أسبتلهم
العكس أنى اقدر أعمل اى حاجه هما بيعملوها
أتحدونى أنى أقدر اشرب من حوض كده
فشربت منه وأتحدونى أنى أقدر أركب الحمار وأخليه يمشى بيه
ركبت الحمار والحمار مرضاش يمشى بيه واكتر من كده أن الحمار نام على الأرض على شان
ينزلنى من فوقه
الى أكتشفته بعد كده أن الحماره دى بالزات بتاعت خالى
وأن مافيش حد بيعرف يركبها غير خالى بس
وأن الحوض الى انا شربت منه ده الحوض الى بيشرب منه البهايم
ههههههههههههههههههههههه

الفلاحين دولت عليهم حركات والله العظيم لأمه جدا
وأنا كنت عامل فيها عنتره
مافيش حد اللى ما ضحك عليه
هههههههه

/ كيف تشوف المنتدى ؟؟ بكل صراحه وبدون مجاملات ؟

بكل صراحه وبدون مجمله شايف أنه هيكون حلو جدا
لأنى كنت بحلم ان يكون فى مكان فى كم كبير جدا من الصراحه والحريه وبتمنى أنى اقدر احقق ده فى المنتدى ده
ويا مساهل يا رب

من اول قلم اعجبك في المنتدى ؟

هو المنتدى لسه ما فهوش ناس كتير وأقلام كتير
بس بجد كنت سعيد جدا لما شوفت عضويتك

1_طمـوحـك لمستقبـل المنتدى ,,,,؟؟

بتمنى أنه يكون علامه برزه وانو ميكنش مجرد منتدى زى غيره
وانه يكون فى كم من الصراحه والشفافيه والدمقراطيه
مش موجوده فى اى حته تانيه
بتمنى أنى أشوفه علامه فارقه فى أى مكان واى حته
بتمنى أن يكون فى اعضاء كتير جدا
وأن كل عضو من الاعضاء يشارك بموضيع تكون فعلا قيمه

بتمنى حجات كتير جدا
وطموحى ملهوش نهايه وعاندى الامل أن حلمى وطموحى للمنتدى هيتحقق

بس أقول يا رب 2_

متـى كـان تعـرفك علـى النـت,,,؟؟

كان من 6 سنين
وكنت سعتها لسه فى الثانويه العامه 3_

مالذي رأيتـه من النـت >ايجـابي وسلبـي<,,؟؟
نسفيـد من خبـرتك

والله كل تجربه فى الحياه لها أيجابيات ولها سلبيات
أنا عن نفسى استفت كتير من النت
وأتعلمت حجات كنت عمرى ما اتخيل انى أعرفه فى يوم من الأيام
وعرفت ناس وكونت صدقات وسعدنى كتير أوى فى تحضير مشروع التخرج بتاعى
وأستفت كتير من خبرات ناس تانيه كانو بينشروها على النت بجد أتعلمت منه كتير وكان علامه فرقه فى حياتى


أما عن السلبيات الى انا شفتها فبردو كانت كتير بس كانت لا تقاراً بالمزايه
من السلبيات دى كم البجاحه والانحطات الأخلاقى لبعض الناس على النت والمواقع الى انا شفتها
بجد فى أوقات كان عمرى ما اتخيل ان فى ناس كده فى الحياه
بس بردو أهو الواحد بيكتسب خبره من المساوء
وبيتعلم انه أزاى يبعد عنها

_مـن هـو قدوتـك بالحيـاة ,,؟؟

والله هو فى مقوله انا بحبها اوى
بتقول اى
(صاحب السعيد تسعد )
أنا أى حد ناجح فى حياته وأقدر يحقق الى محدش وصل ليه بخده قدوه

لان أحلامى وأهدافى ملهاش نهايه

يعنى مثلاً فى مجال السياسه
بعشق حاجه اسمها ( محمد أنور السادات )
أقد أى بجد الراجل ده كان عظيم
وعنده عقليه جباره
وكفايه أنه عرف يرجع كرامه أمه بحلها
ولحبى الشديد فيه قرأت له كتاب

( أيام السادات )

فى مجال الأدب فى كتير

يعنى فى القصيده الشعبيه
(صلاح جاهين )

وفى الروايه

(توفيق الحكيم )

ومن أجمل القصص اللى قرأتها لتوفيق الحكيم كانت
سليمان الحكيم

وفى مقوله حلوه اوى أقلها عنه الشيخ الشعراوى

معلش هطول عليكم وأحكلكلم الموقف الى أقال فيه الشعراوى عن توفيق الحكيم هذه المقوله

فى يوم من الايام قرر توفيق الحكيم انه يفسر القرأن
وكل الجرايد والصحف والمجلات كتبت الخبر

فجيه أحد الصحفين وسأل الشعراوى عن رأيه فى تفسير توفيق الحكيم للقرأن

فرد عليه رد جميل جدا
أقله
( جانب التوفيق وليسه به حكمه )

وفى مجال البيزنس

بحب عقليت
( رجل الاعمال نجيب سويرس )
( والمنتج الفنى نصر محروس )

من هو محمد الجندي؟

شاب مصرى عادى جدا مؤمن برابنا
طموح جدا جدا جدا
وعارف أنه فى يوم من الايام هيوصل للى هو عايزه -

حكمة تتخذهاشعارا لك في الحياة .؟

(كن كما تحب وليس كما يحب الأخرون )

(صاحب السعيد تسعد )

(من هان عليه المال توجهت أليه الأمال)

(كلام الرجل ميزان عقله )

من الذي يثير دموووعك؟

أنا دموعى صعبه جدا مش من السهل أنها تنزل

لكن لو شفت حد مظلوم بتعب جدا
بكاء الأطفال
الموت

ماهى اصعب ذكرى بقلبك؟؟

21/9/2004
موت أعز صديق ليه

28/10/2004
موت أحد أصدقائى فى الكليه فى حادثت سياره

31/12/2004
موت عمى وهو ساجد فى يوم الجمعه فى وقت الصلاه

28 رمضان الى فات

موت أخويا أسلام

دعوه صادقه لمن تهديها؟

لكل واحد فاكر أنه خالد فى الحياه
أحب أقوله

لو كانت دامت لغيرك هدملك

ايجابيات وسلبيات منتديات الفنان ؟

لسه ملحقش يا ساره
أقدام شويه أقدر اقولك عليها

ماذا تعــــني لك الحـيـاه؟

الحياه يعنى الأمل
وطول ما الأنسان بيتنفس يبقى فى أمل

ماهــــو الامتحـان الاصـــعب في الحـيـاه بالنسـبه لك؟

الثبات فى الأمر
ده أصعب أمتحان ممكن يقابل أى أنسان

ماذا تـمثــــل لك الاســـــــــره؟

شىء مهم جدا لا يمكن الأستغناء عنه

ده كفايه العزوه لوحدها
ما هو طموحك؟ وهل حققت جزء منه ؟ ام انك تسير لتحقيقه؟

طموحى كبير وملهوش نهايه وفى مجلات كتير مش مجال واحد بس
والحمد لله حققت منه حجات بسيطه
وأنشاء الله مستمر لغايت ماأستطيع تحقيق كل احلامى

هل تصف نفسكِ بأنكِ صريح ؟

أكيد

كيف ترى الحياة هذه الايام ؟

زى الحياه اول أمبارح
وزى الحياه من 10 سنين فاتو
وزى الحياه بعد 20 سنه جيه
هتفضل فيها مميزات وهتفضل فيها عيوب

وهتفضل تتطور الى ما لا نهايه

عضو مميز بالنسبه لك؟؟ + عضوه مميزه بالنسبه لك ؟؟

لسه بردو الكلام ده سابق لأوانه شويه

شو الشي اللي بتسويه لو جتك صدمه من أقرب الناس لك ؟؟

هتقبل الصدمه وهكمل حياتى



لمن تهدي هالعبارات وبصراحه .. "مابدي جواب (لا احد ) "

* تدري اني موت احبك ؟؟

لأجمل ما خلق الله على وجه الأرض
واطييب قلب فى الدنيه (أمى)

* والله ما يسوى اعيش الدنيا دونك ؟؟

للمجنونه اللى قلبه حياتى ومخليانى مش عارف أفكر فى أى وحده غيرها (جاينا )

* أنا عملتك شي وانت ولا شي ؟؟

لا ء بجد مش لحد

* لو بغيت الروح ما تغلى عليك؟؟

أممممممممممم
لولدى

وش لقبك بين اخواتك ؟؟

هههههههههه

القرد
ههههههههههه
ده على شان بتنطط كتير ومبهداش
يعنى شقى شويه


شو هو اكبر جرح في حياتك ؟؟

كتير بس الى فات مات واحنه ولاد النهارده

متى تذرف دموعك ؟؟

جوبت على السؤال ده قبل كده

شو يعنيلك البحر ؟؟

بحبو جدا وبزات بليل

شو احلى كتاب او قصه قريته ؟؟

ديوان نزار قبانى
سليمان الحكيم
مذكرات أنسان ( لمصطفى محمود )

بصرااااحه .. عضو تتمنى تحذفه اسمه من المنتدى ؟؟ وليش ؟؟

لاء ما فيش


لو عطوك ورقه وقلم .. وش ممكن تكتب عليها ؟؟

هكتب قصيده شعريه فى مصر وهقول فيها

أذكرينى حينما يأتى المساء
وتنظرى من حولك فلا تجيدينى

أذكرينى ولا تنسى أننى
من اقدم العشاق والمحبينى

أذكرينى كما أذكرك
فى كل مجلس وفى كل حينا

أذكرينى وأنسى أننى بشرا
فهل للبشر حقا فى حب الحورينا

يامن مهما وصفته فى حسنها
لن أستطيع وصف وصفها

وهل لعاشق فى حبها
غير التمادى فى عشقها

أذكرينى ياكل حياتى
أذكرينى يامولاتى

يا أجمل مانطق لسانى
يا حبى الماضى والأتى

يا نبض مشاعر وجدانى
يا نجما فوق السمواتى

ياصوت البحر فى أذانى
يانور الشمس فى أيامى

يامن وهبت لى أحزانى
وكثيرا من أدما أهاتى

يا كل ماورد فى زهنى
يا أجمل من اى كلامى

أذكرينى يأجمل أما فى الدنيه
يامصر ياوطنى السامى

ياوطنى يامن احببته
من قبل أن يأتى زمانى

أذكرينى يامصر بأننى
فى حبك عاشت أشجانى

. شو أخس عقاب عاقبوك اياه ايام المدارس ؟؟

انا كنت قرد فى المدرسه اى عقاب تتخيليه أتعمل فيه
بس مكنش فى فايده بردو
ههههههه

منو الشخص اللي تاخذ رايه في كل امورك الشخصيه ؟؟

ولدى بحب دايما استشيره وأخد من خبرته

شو أغلى شي عندك ؟؟

أمى وبفتخر بيها فى كل حته

شو هو التاريخ اللي له اهميه كبيره في حياتك.. وليش ؟؟

21/ 7 / 2006

حفلت التخرج من الجامعه

طبعا كل انسان له امنيات .. منها اللي اتحقق ومنها اللي ما اتحقق .. شو امنياتك اللي ما اتحققت ؟؟

أنى أكون شاعر معروف

لمنو تهدي هالاشيا "من المنتدى بس".. وبصراااحه .. محد بيزعل على مسؤوليتي

* ورده حمره ( angel ) وممكن اعتبره أختى الصغير لو ميديأكيش..
* قصايد ام كلثوم .. ( محمد سند)
* أغنية ((ااتحدي العالم)) (محمود )..
* تذكره حول العالم ( راندا ) يمكن حد يخطفها هناك ولا حاجه ونرتاح ههههههههه..
*لاب توب( بطاطس)..
* ابتسامه..( لكل الناس )

* كلمة شكرا.(لكل الأعضاء).
• قنبله ذريه( هديها لراندا تخدها معاها وهى مسفره على شان لو متخطفتش

يمسكوها بتهمت دعم الارهاب)

ما الفرق بين الشجاعه والجرأه والتهور!!! برااايك انت ؟؟

الشجاعه والجرأه هما الاتنين مفهوم لكلمه وهده
وبيشمل كل حاجه فى الحياه

أما التهور فهو أبن عمهم بس حرام
(ولا تلقو بأيديكم فى التهلكه)"

الصمت" هل هو فعلا القوه .. أم مجرد ضعف وحروف خرساء ؟؟

الصمت ضعف وقلت حيله

*عضو ما تعرف عنه شي .. *عضو لافت .. * عضو اتابع مواضيعه أول بأول .. * عضو بس يسولف .. * عضو ممل ..

بردو لسه شويه أقدام ممكن ارد على السؤال ده

شخص تتمنى تسمع صوته او كلمه منه وقت الضيق؟؟

خطبتى

. برايك منو أكثر عضو له شعبيه فالمنتدى ؟؟ ومنو أكثر عضوه لها شعبيه فالمنتدى ؟؟

بردو لسه شويه .

كلمـه أو جمله داايما تكررها لنفسك أو للاخرين يوم تصادفك بعض المواقف الصعبه ؟؟؟

فرجو قريب

حط كل كلمه في جمله من تأليفك
..
* الحزن .. ( الحزن مرض والأيام علاجه)
* حساس ( الأحساس نعمه عند البشر وقلتو نعمه عند البهايم) ..
* قلب .. ( القلب الصافى كتير بيأسى)
* خوف ( الخوف من بكره ملوش معنى اللى كتبه رابنا هيكون ) ..

لحظــــــه من حياتك تتمنى ان تعــــــــود..؟

نفسى أرجع لوره كام شهر على شان أودع أنسان عزيز على قلبى

لو قيل لك ارسم خارطة حياتكـ كما تتمنها فماذا سترسم.؟؟

أهو ده بجد اصعب سؤال
طب أقولك على حاجه من كل أجباتى السابقه
حولى تتخيلى الصوره هتشفيها كويس

موقف محرج صادفك في احد المطاعم ؟؟

انا جوبت على السؤال ده اقبل كده فى أسئلة راندا
هتلقيها موجوده

طيب وش رايك باسئلتي ؟؟ <<<<<<< الله يستر لاتتوقف عضويتي

ههههههههههههههه بس كانت كتير أوى حرام عليكى
هههههههه

هو شكلي اليوم مش حيعدي على خير

ليه هيعدى أنشاء الله

هههههههههههههههههههههههههههههههههههههههههههههههههه

واسفة على الاطالة>>>>>>>>>>>>>>>>>عارفة اني زوتها شوية

لاء ولا يهمك

ربنا يصبرك يا جندى باشا إنتا وقعت فى إيد ناس مبترحمش
لا يا باشا انا مليش فى نظام الاسئلة ولا كرسى الاعتراف
الله يكون فى عونك كل دى اسئله ربنا يسترها معاك فى الى لسا جاى منهم
مش منى انا مليش فى الكلام ده
كل الى اقدر اقلهولك ربنا معاك يا باشا

اوكي نرحم جندي شويتين ونرجعله تاني متخفش يا جندي انت مش ها تتشل من علي الكرسي لاء ها نجيب كرسي تاني ليك اوكي الكرسي ده ليك مخصوص لكن انا اشتريت كرسي تاني وها انزله وها احط عليه الي بيرحم استنوني خمس دقيق

امممممممممممممممممممممممممممممممممممم

مستنينك


متغبيش

االي ها يكون علي الكرسي التاني هو مدافع الحديدي وانت كدا تعبات يا جندي ومعلش استحملتني كتير ها نحط سارة علي الكرسي الاولني والكرسي التاني ها نحط مدافع يبقه الكرسيني سارة ومدافع اوكي يالي شدي حليك يا سارة

بسم الله الرحمن الرحيم

النهارده معانا عضوه على كرسى الاعتراف انا بعتز بيها جدا جدا جدا

وانا كمان عارفه انها بتعزنى جدا جدا جدا
هي انجل او سارة كل واحد زى ما بيحب يناديلها ممكن تقولو سارة انجلمش هو ده موضوعنا

احنا بقى يا جماعه لازم نعمل معاها الواجب والواجب هو ان نهريها اسئله اوكى
يا مرحبتين يا اهلين وسهلين
منوراااااااااااااااااااا ياقمر اعده معنا عشره ايام اوكي يالي استعدي
1- عرفينا سارة 3 صفات؟
2-احسن صفه ف سارة من رايك ؟
3-ايه اكتر حاجة ممكن تنرفزك؟
4- ايه اكتر حاجة بتسعدك؟
5- بيانات البطاقه؟
6- اكتر موقف محرج اترضتى ليك؟ وبالتفصيييييييييييييل
7- موقف من طفوله سارة ؟
8- امنيات سارة؟.
9- اكتر شخصيه اثرت فيكى؟
10-المطربه والمطربه والممثل والممثله والمفضلين والكلام ده؟
11- اسمك كامل او اسمك واسم باباكى ؟
12- كم سنه؟؟؟
13:وانا عارفه بس استعباط سارة مين؟؟؟
14:- اقرب 5 اعضاء فى منتدي فنان ؟.

6- امنياتك لحياتك و للمنتدى؟؟؟؟
7- تنصحى كل عضو جديد بايه ؟؟؟؟؟؟
8- اخر حاجه بئه اكتر موقف طريف حصلك ؟؟؟؟؟؟؟
طب ممكن اسئله تاني معلش :D
12_اكتر حاجه بتحسسك بالامان؟
_وايه اكتر حاجه بتشغل بالك وقلقاكى اوى؟
8_اسعد لحظات حياتك.؟
9_انتى من الناس اللى بتفكر كتير.؟
6_اخر مره بكيتى امتى؟وليه
طيب كفايه كدا وله ها تدعي عليا طب ونبي حبه كمان ده انا بحبيك والله يا سارة يا حببتي وكفايه عشان الكرسى موش يبوظ ولو باظ نجيب غيره يا قمر
:lol!: :lol!: :lol!:
:lol!: :lol!: :lol!: :lol!: :lol!:
كفايه كدا ورجعي تاني خالي بالك ونبي علي الكرسي

نشيل المدافع ونحط الاسطورى
ههههههههههههههههههههه

÷هههههههههههههههههههههههههههههههههههههههههههههههه

أنا شايف نحط ندى على كرسى الأعتراف


ياله ربنا معاها

انا مستغرب مين ربنا بيصبره على كل ده كل دى اسئلة

ههههههههههههههههههههههه
هههههههههههههههههههههههه
حببتي

ههههههههههههههههههههههه
هههههههههههههههههههههههه
حببتي

:affraid: :affraid: يالهوى انا انا ليه كده هو انا عملت حاجه وحشه فى حد:affraid: :affraid:
ماشى الي حطنى على الكرسى يومه هيقرب

ههههههههههههههه
لاء ما الي حطيك يومه خلص لمدة شهر والله تعب معنا الجندي ده اعدنا شهر ومعتقنهوش
هو عايز ينتقم بقة حرام
ههههههههههههههههه