علي منصة الاعتراف (حبيب المنتدى )

محمود ممدوح كتب:

الله يكرمك يا خالد شكر على الكلام الجميل دة
وربنا يكرمك ويسعدك ان شاء الله
وربنا يرحم اخوك وللدك ان شاء الله
وفاتحة لكل اموات المسلمين
وانا فى حتة ضحكت فيها جامد
اللى هى
موقف محرج صادفك في احد المطاعم ؟؟

كنت بنادى على االشيف بقولة بس بس فقالى انتا بتنادى على قطة

جامدة شكلك كان وحش اوى
ههههههههههههههههههههه

1. هل انت احببت بجد
   
2. هل انت صديق في مشعرك
   
3. ما هو العضو الي بتستريحلوا
   
4. ما هي العضوة التي احببتها في صمت وممكن مش لازم عضوة اي واحداه مش لازم من المنتدي يعني
   
5. ما هو شعورك عندما رائيت ولديتك تبكي
   
6. ما هو شعورك عندم ولدك ضربك
   
7. ما هو شعورك بالنجاح
   
8. ما هو شعورك اذا فشلت في شئ
   
9. هل احببت 20 مرة او اقل او اكثر
   
10. هل كذبت
    
11. هل هل هل هل ارجو اني مكنش تقيلي في اسئلتي وان اكون مزعلتكش في اسئلتي
    
12. اهو حاجة خفيفي بقة علي قدي معلش نعمل ايه شكرا والسلام عليكم ورحمة الله وبركاتة
    

نور الاسلام كتب:اجمل حاجه يا خالد
القدوه الرسول عليه الصلاه والسلام

lovly girl كتب:هاي يا خالد انا هسال اسئلتي وابقي رد عليها لما تفضي اوكي نبدأ بقا
1/ اول مرة حبيت كان عندك كام سنة؟
2/ اول بنت حبيتها كانت قدك ولا اكبر ولا اصغر منك؟
3/ الحب بالنسبة لخالد اية؟
4/ هل حصل انك عكست بنت مرة في الشارع وهزأتك؟
5/ بنت حبيتها وعمرك ماتنساها كان عندك كام سنة لما حبيتها ؟
6/ بنت اتمنيت تقولها بحبك ومقدرتش وفضل حبك دا مكتوم جواك؟
7/شفت قبل كدا البنت اللي حبيتها وانفصلتوا ماشية مع ولد تاني في الشارع؟
8/ عمرك قابلت بنت كنت بتحبها في الشارع ومشت وعملت ولا تعرفك؟
9/ اكتر بنت حبيتها تتمني ترجعلها تعيش معاها اللي فاضل من عمرك؟
معلش طولت عليك شوية وممكن اسئلتي تكون غلسة بس معلش عايزين نعرف خالد العاطفي اكتر وياريت يا خالودة تجاوب بصراحة متناهية مش بتحوير زي اللي فات

rana كتب:

1. هل انت احببت بجد
   
2. هل انت صديق في مشعرك
   
3. ما هو العضو الي بتستريحلوا
   
4. ما هي العضوة التي احببتها في صمت وممكن مش لازم عضوة اي واحداه مش لازم من المنتدي يعني
   
5. ما هو شعورك عندما رائيت ولديتك تبكي
   
6. ما هو شعورك عندم ولدك ضربك
   
7. ما هو شعورك بالنجاح
   
8. ما هو شعورك اذا فشلت في شئ
   
9. هل احببت 20 مرة او اقل او اكثر
   
10. هل كذبت
    
11. هل هل هل هل ارجو اني مكنش تقيلي في اسئلتي وان اكون مزعلتكش في اسئلتي
    
12. اهو حاجة خفيفي بقة علي قدي معلش نعمل ايه شكرا والسلام عليكم ورحمة الله وبركاتة
    

محمد الجندى كتب:هل انت تفعل ما تقوله هنا بالمنتدى ؟

) والله يا راندا أنا لسه ملحقتش أقول أى حاجه فى المنتدى زى ما انتى عارفه المنتدى لسه جديد بس عادتاً انا بنفز الى بقوله فى اى حته واى مكان ولو مش مصدقه جربينى )



2_ ما ردة فعلك عندما يقول لك حبيبك : أحبك نعم أتزوجك لا ؟

( ده مفروض أنه هو الى هيقولى الكلام ده ...........
أمممممممممممممم مش عارف والله هو أنا متحطتش فى الموقف ده أقبل كده بس متهيقلى لو أتحطيت فيه هكون سعيد جدا بالكلام ده
ههههههههههههههههههههه )




3_ ماذا ستكتب لنا لتعبر عن حياتك التي عشتها الى الان في كلمات قليله ؟

( عشت حياه عديه مليانه بالتجارب وأتمنى من كل قلبى أنى اكون اتعلمت منها اى حاجه ....................... وده كام بيت شعر كده على الماشى

أنا المصرى والدنيه عرفانى
واللى اقوله مرجعش فيه تانى
الدنيه يامه كتير جرحت فيه
والجرح الى مكسرنيش أقوانى
وأسأل عليه فى أى حته وأى مكان
يقلولك أنى سابق عصرى وأوانى




4_ اذا اردت ان تبكي الان , فعلى من تبكي؟

ياااااااااا على حجات كتير أوى
على حلم حلمت بيه من وأنا صغير ومأقدرتش أحققه
على صديق كان كل ما ليه فى الحياه ومات بين أديه
على أخ عاش حياته تعبان ومات اقبل ما أودعه
على حق بحاول أخده من الدنيه ومش عارف

على حجات كتير أوى فيها الى ممكن احاول على شان أحققها
وفيها الى مهما عملت مش ممكن اقدر ارجعها




5_ من ستختار ليمسح دموعك ؟

مش هبكى أقدام حد
ممكن أستخدم منديل أمسح بيه دموعى




6_ماهو تقييمك لهذا المنتدى بصراحه ؟

والله هو لسه جديد انا بتمنى أنه ينجح وطبعا ده شىء مش بأيدى أنا لوحدى

وعلى العموم الى هيحدد ده الايام اللى جيه

وربنا يسهل




7_ هل هزمك حزنك في يوما من الايام؟

الحزن مبيهزمش غير الانسان البأس
الحياه عمرها ما بتقوف على حد ولا على اى حاجه
دايما بتستمر بيك أو من غيرك لازم تحاول أنك تلاقى لنفسك فيها مكان




8_ (( انت كل شيء بحياتي )) لمن تقولها ؟

ممكن أقول الكلمه دى لأمى على التعب الى تعبته طول حيتها على شان تشفنى فى أحسن صوره
واللى مهما عملت ليها مش هيرد أى حاجه من جميلها عليه ربنا يخليها يا رب






9_ ((مستحيل انساك)) لمن تقولها ؟

لأخويه أسلام الله يرحمه كان بيحبنى أوى
وكان أمنيت حياته أنه يكبر ويبقى زيى ...............





10_ اغمض عينيك دقيقه لو سمحت, ماذا خطر على بالك وانت مغمض العينين ؟

أفتكرت حجات وزكريات كانت بتجمعنى مع ناس الأيام فرقت ما بينه




12_هل تؤيد الزواج العاطفي ام الزواج التقليدي ؟ ولماذا ؟

والله انا مش عارف انا خطبت مرتين اقبل كده وكان عن حب وأقتناع بس فى كل مره كنت بكتشف أن فى حاجه مش صح وانى مش هقدر أكمل
وحالياً انا خاطب بردو عن حب وعن أقتناع والله اعلم اى الى هيحصل
واضح أن العيب فيه انا

بجد مش عارف




13_ايهما اهم شهادتك الجامعيه أم الزواج ممن تحب ؟

طبعاً طبعاً طبعاً الشهاده الجامعيه
ومن غير اى تفكير
واللى يقول غير كده يبقى مش فاهم حاجه

فى حجات فى الدنيه مش سهل أنك تعوضها وفى حجات فى الدنيه لو فاتتك ممكن ترجعها




14_ حكمة تؤمن بها جدا؟؟

كن كما تحب وليس كما يحب الاخرون




15_ عاده تفعلها دائما تتمنى ان تتركها ؟؟

التدخين ...........................

16_حلم دايما بتحلم بيه؟؟؟؟
أحلامى كتير جدا لدرجت أنى مش أقدر أقولك أى اهم حلم فى حياتى
فى كل لحظه بحلم وعاندى طموح أنى أكون احسن انسان فى العالم فى اى حاجه انا بعملها وفى أى شغلانه بشتغلها وفى أى مجال موجود على وجه الارض

بس بردو عاندى حلم صغير كده بتمناه من كل قلبى لو أتحقق أكون مش عايز أى حاجه تانيه

أنى فى يوم من الأيام يكون ليه أبن أو أبنه على شان أخليهم احسن ناس فى الدنيه وأحقق ليهم كل اللى ممكن يحلمه بيه وكل الى انا مقدرتش أنى احققه فى حياتى




17_ ليه سيبت الحب الاول يضيع منك؟؟؟

أنتى عارفه ليه الحب الاول أسمه الحب الأول
على شان دايما يكون فى حب تانى وتالت

الحب الأول بنتعلم منه معنى كلمه حب بكل ما تحمله هذه الكلمه من معنى بياخد مننا كل أندفاعنه ومشاعرنه الطايشه وبيدينه لزت التجربه وخبرت الحياه

الحب الاول مش الهدف منه أن نرتبط بالى بنحبه
الهدف الأساسى ليه أن نتعلم أزاى نقدر نرتبط بألى هنحبه

أصدى من كده ان احنه بنتعلم من الحب الاول أزاى نحب فى التانى أو التالت لغايت ما فى يوم نرطبت بلى فيه القسمه



18_لو رجع بيك الزمن كنت تتمنى تغير ايه فى حياتك؟؟؟

مش هقدر أجوبك على السؤال ده دلوقتى على شان انا لسه مش كبير أوى على شان أعرف ومعنديش الغلطات البشعه الى أتمنى لو الزمان رجع بيه أنى اغيرها

يمكن بعد 10 20 سنه أغير رأي بس دلوقتى بجد مش عارف




19_ لو حبيبك الاول رجع توافق؟؟؟؟

فى أغنيه جمده أوى لأم كلثوم بتقول

عايزنه نرجع زى زمان أقول لزمان أرجع يا زمان




20_ غلطه عملتها وتتمنى تنساها؟؟؟؟

هو فى فعلاً غلطه بتمنى أنى أنساها

ويارب أنساها طبعا عايزه تعرفى أى هى
7
7
7
7
7
7
7
7
7
7
7
7
7
مش هقولك

21_ اكتر موقف محرج اتعرضت ليه؟؟؟؟

لاء كتير متعديش

ممكن أفتكرلك موقف منهم
مره كنت خارج مع بنت وكانت دى اول مره اخرج معاها فيها
وأعدنه فى كافيه وأنا جاي أحاسب أكتشفت أنى نسيت المحفظه بالفلوس بكل حاجه
طبعا كان شكلى وحش أوى وأنا بقلها أنى نسيت وبطلب منها أن هى تحاسب

الظريف فى الموضوع بقى ان هى كمان مكنش معاها فلوس
حولت اكلم حد من صحابى يكون أقريب منى يجى يحاسب
مكنش فى حد خالص
أقلتلها تستنانى وانا ربع ساعه بكتير أكون رجعت البيت جبت الفلوس وأرجع تانى
طبعا ما كنش فى حل اقدمها غير أنها تستنى
خرجت من الكافيه سايق بسرعه جدا على شان الحق البنت الى مستنيه دى خبط فى عربيه كرووو

ههههههههههههههههههههههههه

كانت نقصه هى بقى هههههههههههههه

وطبعا هى كل شويه تكلمنى تقولى أنت فين وانا أقلها 10 دقايق وأكون عاندك

وفعلا وصلت عندها بس بعد سعتين كانت هى كلمت وحده صحبتها جت حسبت ومشيو مع بعض

وطبعا كان صعب أنها تبص فى وشى تانى

يالله أعمل اى بقى نصبها كده


22_ لو من الازمنه اللى فاتت خترت زمن تعيش فيه تختار انهى زمن؟؟؟

كنت اتحب أعيش فى الزمن اللى فيه روميو وجليت

23_سؤال بتساله لنفسك ومش لاقيله أجابه ؟ ايه هو ؟

أمتى هيجى الفرج ؟؟؟؟؟

24_ لو عندك تايم ماشين ( اله زمن يعني ) تتمنى ترجع انهي فتره في حياتك ؟

فى حياتى انا ........

أمممممممممممممم

كنت اسلفهالك على شان ترجعى تانى لبطن مامتك
وتبطلى رخامه
ههههههههههههههه



25_ امته حسيت انك غبي جدا؟

لما رديت على السؤال الى فات ههههههههههههه

26_ وامته كنت مبسوط من نفسك قوي ؟

لما اسبت للى أقدامى أنى انا صح وهو غلط بكون سعيد جدا

27_ اكبر فرحه فرحتها كانت ايه ؟

يوم ما خت شهاده التخرج حسيت ان كل التعب الى انا تعبته السنين اللى فاتت جيه بفيده

28_اكتر مره حزنت وزعلت كانت بسبب ايه ؟

يوم ما اعز صديق ليه مات أقدامى لدرجه أنى من كتر الحزن معرفتش أخد نفسى ورحت المستشفى




29_هل دموعك سهل نزولها ؟ وايه اكتر حاجه بتنزل دموعك ؟

لاء مش سهله خالص وبزات اقدام الناس لدرجت يوم ما مات اخويه ما بكتش و مسكت نفسى على أقد ماقدر على شان
أمى وابويه ميشفوش دموعى

اكتر حاجه بتهز محمد الجندي من جوه ايه هييييييييييي؟

(بكاء طفل ___ أحساس بالظلم ___ موت شخص أحبه )

يله يا نجم جواب اعبال ما اجيلك تاني

أعبال اى يا راندا اسمها عقبال هههههههههههههه

محمد الجندى كتب:- أقدم لك في بداية هذا اللقاء كأس من عصير الليمون لتهدئة أعصابك

( ممكن فروله)



/ ماهو شعورك وانت في كرسي الاعتراف ؟ مع الشرح
بالتفصيل؟؟؟؟؟

والله لحد دلوقتى مستريح ومعنديش أى مشكله
رابنا يسهل فى اللى جى وما غيرش رأيي

/ كل انسان لابد وان يمر بعدد من المواقف منها الطريف
والمؤلم وغيرها اذكريلنا
بعد اذنك يعني
موقف طريف وموقف مؤلم واسف على تقليب الماجع وموقف محرج

حصل لكي واتمنيت انه الارض انشقت وبلعتك خخخخخخخ؟؟؟



موقف طريف: كان فى يوم من الايام عندنا تصوير أعلان خارجى لشركه أتصالات عراقيه
وانا كنت نازل كالعاده فى قسم الانتاج ومفروض أنى شغال مع مدير أنتاج لسه ما تعرفتش عليه
أول منزلت اللكيشن بسلم على الناس وبضحك معاهم عادى جدا

وبسأل مساعد مدير التصوير وبقوله أمال فين مدير الانتاج أكيد الشركه جايبه مدير شينف من
الى هى دايما ترزينه بيهم وهو عمال يغمزلى
وأنا مش واخد بالى خالص
فجه واحد من ورايه واقلى أنا أحمد الدبركى
الشينف اللى بعتاه الشركه
هههههههههههههههه
طبعاً انا أتكتمت خالص ومكنتش عارف أنطق بكلمه وحده
الظريف بقى فى الموضوع أننا بقينه صحاب جدا
وانى أشتغلت معاه بعد كده اكتر من أعلان

موقف مؤلم : كنت فى شرم الشيخ وقت الأنفجرات الى حصلت هناك
مش أقدر أوصفلك كم الرعب والخوف الى حسينه بيه سعتها
ما كناش خيفين على نفسنه اقد ما كنه خايفين على بلدنه

والله العظيم والله العظيم مش مجرد شعرات
لما تشوفى كم الدمار بعنيكى وعربيات الأسعاف شايله المصابين
والناس بتجرى فى كل حته من الرعب الى حصل هتعرفى معنى الكلام الى أنا بقوله

لما يكون مكان شيفينه الصبح سليم وزى الفل
ونرجع نشوفه بليل مدمر بجد هتعرفى معنى الكلام الى انا بقوله

كان موقف عمرى ما هنساه فى حياتى

موقف محرج: كنت فى بلد فلاحين بزور أحد الاقارب وخرجت اتمشى شويه مع ولاد خالى فى
الغيطان طبعا انا كنت مبهور بالخضره والجمال الربانى اللى الواحد مش بيشوفه كتير فى القاهره
وهما كانو عايزين يسبتولى بأى شكل ان أنا مقدرش أعيش حيتهم وأنا كنت عايز أسبتلهم
العكس أنى اقدر أعمل اى حاجه هما بيعملوها
أتحدونى أنى أقدر اشرب من حوض كده
فشربت منه وأتحدونى أنى أقدر أركب الحمار وأخليه يمشى بيه
ركبت الحمار والحمار مرضاش يمشى بيه واكتر من كده أن الحمار نام على الأرض على شان
ينزلنى من فوقه
الى أكتشفته بعد كده أن الحماره دى بالزات بتاعت خالى
وأن مافيش حد بيعرف يركبها غير خالى بس
وأن الحوض الى انا شربت منه ده الحوض الى بيشرب منه البهايم
ههههههههههههههههههههههه

الفلاحين دولت عليهم حركات والله العظيم لأمه جدا
وأنا كنت عامل فيها عنتره
مافيش حد اللى ما ضحك عليه
هههههههه

/ كيف تشوف المنتدى ؟؟ بكل صراحه وبدون مجاملات ؟

بكل صراحه وبدون مجمله شايف أنه هيكون حلو جدا
لأنى كنت بحلم ان يكون فى مكان فى كم كبير جدا من الصراحه والحريه وبتمنى أنى اقدر احقق ده فى المنتدى ده
ويا مساهل يا رب

من اول قلم اعجبك في المنتدى ؟

هو المنتدى لسه ما فهوش ناس كتير وأقلام كتير
بس بجد كنت سعيد جدا لما شوفت عضويتك

1_طمـوحـك لمستقبـل المنتدى ,,,,؟؟

بتمنى أنه يكون علامه برزه وانو ميكنش مجرد منتدى زى غيره
وانه يكون فى كم من الصراحه والشفافيه والدمقراطيه
مش موجوده فى اى حته تانيه
بتمنى أنى أشوفه علامه فارقه فى أى مكان واى حته
بتمنى أن يكون فى اعضاء كتير جدا
وأن كل عضو من الاعضاء يشارك بموضيع تكون فعلا قيمه

بتمنى حجات كتير جدا
وطموحى ملهوش نهايه وعاندى الامل أن حلمى وطموحى للمنتدى هيتحقق

بس أقول يا رب 2_

متـى كـان تعـرفك علـى النـت,,,؟؟

كان من 6 سنين
وكنت سعتها لسه فى الثانويه العامه 3_

مالذي رأيتـه من النـت >ايجـابي وسلبـي<,,؟؟
نسفيـد من خبـرتك

والله كل تجربه فى الحياه لها أيجابيات ولها سلبيات
أنا عن نفسى استفت كتير من النت
وأتعلمت حجات كنت عمرى ما اتخيل انى أعرفه فى يوم من الأيام
وعرفت ناس وكونت صدقات وسعدنى كتير أوى فى تحضير مشروع التخرج بتاعى
وأستفت كتير من خبرات ناس تانيه كانو بينشروها على النت بجد أتعلمت منه كتير وكان علامه فرقه فى حياتى


أما عن السلبيات الى انا شفتها فبردو كانت كتير بس كانت لا تقاراً بالمزايه
من السلبيات دى كم البجاحه والانحطات الأخلاقى لبعض الناس على النت والمواقع الى انا شفتها
بجد فى أوقات كان عمرى ما اتخيل ان فى ناس كده فى الحياه
بس بردو أهو الواحد بيكتسب خبره من المساوء
وبيتعلم انه أزاى يبعد عنها

_مـن هـو قدوتـك بالحيـاة ,,؟؟

والله هو فى مقوله انا بحبها اوى
بتقول اى
(صاحب السعيد تسعد )
أنا أى حد ناجح فى حياته وأقدر يحقق الى محدش وصل ليه بخده قدوه

لان أحلامى وأهدافى ملهاش نهايه

يعنى مثلاً فى مجال السياسه
بعشق حاجه اسمها ( محمد أنور السادات )
أقد أى بجد الراجل ده كان عظيم
وعنده عقليه جباره
وكفايه أنه عرف يرجع كرامه أمه بحلها
ولحبى الشديد فيه قرأت له كتاب

( أيام السادات )

فى مجال الأدب فى كتير

يعنى فى القصيده الشعبيه
(صلاح جاهين )

وفى الروايه

(توفيق الحكيم )

ومن أجمل القصص اللى قرأتها لتوفيق الحكيم كانت
سليمان الحكيم

وفى مقوله حلوه اوى أقلها عنه الشيخ الشعراوى

معلش هطول عليكم وأحكلكلم الموقف الى أقال فيه الشعراوى عن توفيق الحكيم هذه المقوله

فى يوم من الايام قرر توفيق الحكيم انه يفسر القرأن
وكل الجرايد والصحف والمجلات كتبت الخبر

فجيه أحد الصحفين وسأل الشعراوى عن رأيه فى تفسير توفيق الحكيم للقرأن

فرد عليه رد جميل جدا
أقله
( جانب التوفيق وليسه به حكمه )

وفى مجال البيزنس

بحب عقليت
( رجل الاعمال نجيب سويرس )
( والمنتج الفنى نصر محروس )

من هو محمد الجندي؟

شاب مصرى عادى جدا مؤمن برابنا
طموح جدا جدا جدا
وعارف أنه فى يوم من الايام هيوصل للى هو عايزه -

حكمة تتخذهاشعارا لك في الحياة .؟

(كن كما تحب وليس كما يحب الأخرون )

(صاحب السعيد تسعد )

(من هان عليه المال توجهت أليه الأمال)

(كلام الرجل ميزان عقله )

من الذي يثير دموووعك؟

أنا دموعى صعبه جدا مش من السهل أنها تنزل

لكن لو شفت حد مظلوم بتعب جدا
بكاء الأطفال
الموت

ماهى اصعب ذكرى بقلبك؟؟

21/9/2004
موت أعز صديق ليه

28/10/2004
موت أحد أصدقائى فى الكليه فى حادثت سياره

31/12/2004
موت عمى وهو ساجد فى يوم الجمعه فى وقت الصلاه

28 رمضان الى فات

موت أخويا أسلام

دعوه صادقه لمن تهديها؟

لكل واحد فاكر أنه خالد فى الحياه
أحب أقوله

لو كانت دامت لغيرك هدملك

ايجابيات وسلبيات منتديات الفنان ؟

لسه ملحقش يا ساره
أقدام شويه أقدر اقولك عليها

ماذا تعــــني لك الحـيـاه؟

الحياه يعنى الأمل
وطول ما الأنسان بيتنفس يبقى فى أمل

ماهــــو الامتحـان الاصـــعب في الحـيـاه بالنسـبه لك؟

الثبات فى الأمر
ده أصعب أمتحان ممكن يقابل أى أنسان

ماذا تـمثــــل لك الاســـــــــره؟

شىء مهم جدا لا يمكن الأستغناء عنه

ده كفايه العزوه لوحدها
ما هو طموحك؟ وهل حققت جزء منه ؟ ام انك تسير لتحقيقه؟

طموحى كبير وملهوش نهايه وفى مجلات كتير مش مجال واحد بس
والحمد لله حققت منه حجات بسيطه
وأنشاء الله مستمر لغايت ماأستطيع تحقيق كل احلامى

هل تصف نفسكِ بأنكِ صريح ؟

أكيد

كيف ترى الحياة هذه الايام ؟

زى الحياه اول أمبارح
وزى الحياه من 10 سنين فاتو
وزى الحياه بعد 20 سنه جيه
هتفضل فيها مميزات وهتفضل فيها عيوب

وهتفضل تتطور الى ما لا نهايه

عضو مميز بالنسبه لك؟؟ + عضوه مميزه بالنسبه لك ؟؟

لسه بردو الكلام ده سابق لأوانه شويه

شو الشي اللي بتسويه لو جتك صدمه من أقرب الناس لك ؟؟

هتقبل الصدمه وهكمل حياتى



لمن تهدي هالعبارات وبصراحه .. "مابدي جواب (لا احد ) "

* تدري اني موت احبك ؟؟

لأجمل ما خلق الله على وجه الأرض
واطييب قلب فى الدنيه (أمى)

* والله ما يسوى اعيش الدنيا دونك ؟؟

للمجنونه اللى قلبه حياتى ومخليانى مش عارف أفكر فى أى وحده غيرها (جاينا )

* أنا عملتك شي وانت ولا شي ؟؟

لا ء بجد مش لحد

* لو بغيت الروح ما تغلى عليك؟؟

أممممممممممم
لولدى

وش لقبك بين اخواتك ؟؟

هههههههههه

القرد
ههههههههههه
ده على شان بتنطط كتير ومبهداش
يعنى شقى شويه


شو هو اكبر جرح في حياتك ؟؟

كتير بس الى فات مات واحنه ولاد النهارده

متى تذرف دموعك ؟؟

جوبت على السؤال ده قبل كده

شو يعنيلك البحر ؟؟

بحبو جدا وبزات بليل

شو احلى كتاب او قصه قريته ؟؟

ديوان نزار قبانى
سليمان الحكيم
مذكرات أنسان ( لمصطفى محمود )

بصرااااحه .. عضو تتمنى تحذفه اسمه من المنتدى ؟؟ وليش ؟؟

لاء ما فيش


لو عطوك ورقه وقلم .. وش ممكن تكتب عليها ؟؟

هكتب قصيده شعريه فى مصر وهقول فيها

أذكرينى حينما يأتى المساء
وتنظرى من حولك فلا تجيدينى

أذكرينى ولا تنسى أننى
من اقدم العشاق والمحبينى

أذكرينى كما أذكرك
فى كل مجلس وفى كل حينا

أذكرينى وأنسى أننى بشرا
فهل للبشر حقا فى حب الحورينا

يامن مهما وصفته فى حسنها
لن أستطيع وصف وصفها

وهل لعاشق فى حبها
غير التمادى فى عشقها

أذكرينى ياكل حياتى
أذكرينى يامولاتى

يا أجمل مانطق لسانى
يا حبى الماضى والأتى

يا نبض مشاعر وجدانى
يا نجما فوق السمواتى

ياصوت البحر فى أذانى
يانور الشمس فى أيامى

يامن وهبت لى أحزانى
وكثيرا من أدما أهاتى

يا كل ماورد فى زهنى
يا أجمل من اى كلامى

أذكرينى يأجمل أما فى الدنيه
يامصر ياوطنى السامى

ياوطنى يامن احببته
من قبل أن يأتى زمانى

أذكرينى يامصر بأننى
فى حبك عاشت أشجانى

. شو أخس عقاب عاقبوك اياه ايام المدارس ؟؟

انا كنت قرد فى المدرسه اى عقاب تتخيليه أتعمل فيه
بس مكنش فى فايده بردو
ههههههه

منو الشخص اللي تاخذ رايه في كل امورك الشخصيه ؟؟

ولدى بحب دايما استشيره وأخد من خبرته

شو أغلى شي عندك ؟؟

أمى وبفتخر بيها فى كل حته

شو هو التاريخ اللي له اهميه كبيره في حياتك.. وليش ؟؟

21/ 7 / 2006

حفلت التخرج من الجامعه

طبعا كل انسان له امنيات .. منها اللي اتحقق ومنها اللي ما اتحقق .. شو امنياتك اللي ما اتحققت ؟؟

أنى أكون شاعر معروف

لمنو تهدي هالاشيا "من المنتدى بس".. وبصراااحه .. محد بيزعل على مسؤوليتي

* ورده حمره ( angel ) وممكن اعتبره أختى الصغير لو ميديأكيش..
* قصايد ام كلثوم .. ( محمد سند)
* أغنية ((ااتحدي العالم)) (محمود )..
* تذكره حول العالم ( راندا ) يمكن حد يخطفها هناك ولا حاجه ونرتاح ههههههههه..
*لاب توب( بطاطس)..
* ابتسامه..( لكل الناس )

* كلمة شكرا.(لكل الأعضاء).
• قنبله ذريه( هديها لراندا تخدها معاها وهى مسفره على شان لو متخطفتش

يمسكوها بتهمت دعم الارهاب)

ما الفرق بين الشجاعه والجرأه والتهور!!! برااايك انت ؟؟

الشجاعه والجرأه هما الاتنين مفهوم لكلمه وهده
وبيشمل كل حاجه فى الحياه

أما التهور فهو أبن عمهم بس حرام
(ولا تلقو بأيديكم فى التهلكه)"

الصمت" هل هو فعلا القوه .. أم مجرد ضعف وحروف خرساء ؟؟

الصمت ضعف وقلت حيله

*عضو ما تعرف عنه شي .. *عضو لافت .. * عضو اتابع مواضيعه أول بأول .. * عضو بس يسولف .. * عضو ممل ..

بردو لسه شويه أقدام ممكن ارد على السؤال ده

شخص تتمنى تسمع صوته او كلمه منه وقت الضيق؟؟

خطبتى

. برايك منو أكثر عضو له شعبيه فالمنتدى ؟؟ ومنو أكثر عضوه لها شعبيه فالمنتدى ؟؟

بردو لسه شويه .

كلمـه أو جمله داايما تكررها لنفسك أو للاخرين يوم تصادفك بعض المواقف الصعبه ؟؟؟

فرجو قريب

حط كل كلمه في جمله من تأليفك
..
* الحزن .. ( الحزن مرض والأيام علاجه)
* حساس ( الأحساس نعمه عند البشر وقلتو نعمه عند البهايم) ..
* قلب .. ( القلب الصافى كتير بيأسى)
* خوف ( الخوف من بكره ملوش معنى اللى كتبه رابنا هيكون ) ..

لحظــــــه من حياتك تتمنى ان تعــــــــود..؟

نفسى أرجع لوره كام شهر على شان أودع أنسان عزيز على قلبى

لو قيل لك ارسم خارطة حياتكـ كما تتمنها فماذا سترسم.؟؟

أهو ده بجد اصعب سؤال
طب أقولك على حاجه من كل أجباتى السابقه
حولى تتخيلى الصوره هتشفيها كويس

موقف محرج صادفك في احد المطاعم ؟؟

انا جوبت على السؤال ده اقبل كده فى أسئلة راندا
هتلقيها موجوده

طيب وش رايك باسئلتي ؟؟ <<<<<<< الله يستر لاتتوقف عضويتي

ههههههههههههههه بس كانت كتير أوى حرام عليكى
هههههههه

هو شكلي اليوم مش حيعدي على خير

ليه هيعدى أنشاء الله

هههههههههههههههههههههههههههههههههههههههههههههههههه

واسفة على الاطالة>>>>>>>>>>>>>>>>>عارفة اني زوتها شوية

لاء ولا يهمك

محمد عادل كتب:ان شاء الله