علي منصة الاعتراف (حبيب المنتدى )

ههههههههههههههههههههههههههههههههههه
بلطجه يعنى

خلاص يا جماعه انا موافقه اتحط علي الكرسي

بس يا ريت الاسئله تبقي ظريفة ولطيفة هههههههههههه

من عنيا
ايناس اللى عندها اسئله جميله
هههههههههههههههههههه

نهلة دي حبيبة قلبي بجد وربنا يخليها ليا.بعتبرها اختي بجد

ميرا كتب:نهلة دي حبيبة قلبي بجد وربنا يخليها ليا.بعتبرها اختي بجد

ربنا يخليكى يا قمر

ايمان انسانه محترمه ومهذبه .

ايناس اخلاقها عاليه جدا

الجندي بقي شاعر المنتدي الجميل جداااااااااا وبجد بني ادم اوي من جوه.ومش هلاقي وصف اوصفهوله اكتر من انه ملااااااااااااااااااك.
محمود انسان محترم وكل الناس بتحبه وبتحترمه.
بطاطس العضو النشيط جدا في المنتدي
راندا بقي معرفهاش اوي بس اكيد انسانه كويسه بردو زيكم.

ههههههههههههههههههههههههههههه
طب كويس اللى انا نشيط فى حاجه
عشان انا فى العاده كسلان جدا
هههههههههههههه

فين الاسئله يا جماعه

شوفتي يا نهله مفيش حد عايز يسالني شكلهم خايفين مني ههههههههههه

ميرا كتب:ايمان انسانه محترمه ومهذبه .

ايناس اخلاقها عاليه جدا

الجندي بقي شاعر المنتدي الجميل جداااااااااا وبجد بني ادم اوي من جوه.ومش هلاقي وصف اوصفهوله اكتر من انه ملااااااااااااااااااك.
محمود انسان محترم وكل الناس بتحبه وبتحترمه.
بطاطس العضو النشيط جدا في المنتدي
راندا بقي معرفهاش اوي بس اكيد انسانه كويسه بردو زيكم.

ميرسي يا ميرا يا عسل
علي الكلام الجميل زيك

ممكن انا ابدأ واسأل يا عسل
1/ اول مرة حبيتي كان عندك كام سنة؟
2/ اكتر امنية بتتمني تحققيها؟
3/اية اكتر موقف احرجك قوليلنا علية؟
4/ احلي معاكسة اتقالتلك؟
5/لو رجع بيكي الزمن اية الحاجة اللي عملتيها وتتمني انك مكنتيش تعمليها ؟
6/واية الحاجة اللي معملتهاش وتتمني انك كنتي تعمليها؟
7/اية الحاجة اللي عملتيها وندمتي عليها بعد كدا؟
كفاية عليكي كدا يا عسل
ردي علي دول وانا رجعالك تاني

ايه ده بجد مش مصدقه اني هتسال اخيرا وعلي العموم اوعد اي حد سالني سؤال انا اجاوبه بصراحه وبدون لف ولا دوران

/ اول مرة حبيتي كان عندك كام سنة؟
2/ اكتر امنية بتتمني تحققيها؟
3/اية اكتر موقف احرجك قوليلنا علية؟
4/ احلي معاكسة اتقالتلك؟
5/لو رجع بيكي الزمن اية الحاجة اللي عملتيها وتتمني انك مكنتيش تعمليها ؟
6/واية الحاجة اللي معملتهاش وتتمني انك كنتي تعمليها؟
7/اية الحاجة اللي عملتيها وندمتي عليها بعد كدا؟
كفاية عليكي كدا يا عسل
ردي علي دول وانا رجعالك تاني

ا- اول مرة احب كان عندي 18 سنة .وكنت ساعتها في الكلية.

2-في امنيات عندي كتيرة جدا بس اكترهم يعني دلوقتي واللي بجد لو اتحققت ليا ابقي ملكت الدنيا كلها هي اني اتجوز البني ادم الوحيد اللي حبيته.

3-اكتر موقف احرجني بجد هقولكم عليه بس متضحكوش عليا هههههه
كنت في ثانويه عامه وكان عندي درس انجليزي الساعه 6 الصبح وكنت مستعجله اوي وبعدين وانا ماشيه لاقيت واحده ست تخينه اوي ماشاء الله عليها يعني وراحت خبطاني حتة خبطة في دراعي المهم فضلت ماشيه ورحت الدرس وفجاه وانا في نص الحصه كده لاقيت دراعي بدء يوجعني اووووي ولاقيت نفسي مش قادره استحمل الوجع. فزعقت بصوت عالي اوي وقعدت اعيط لدرجة ان المدرس واصحابي اتخضوا جدا. ولاقيته بيقولي مالك فرحت قايلاله وانا بعيط بجد اصل دراعي بيوجعني عشان وانا جايه واحده ست تخينه خبطت فيا فلاقيت الولاد والبنات كلهم والمدرس ماتوا علي روحهم من كتر الضحك وفجاه اتكسفت جدا وحسيت اني هبله وبقيت كل مرة ادخل الدرس الاقيهم بيبصوا ليا ويضحكوا فبقيت بتحرج كل مرة اروح الدرس ورحت رايحه مجموعه تانيه وغيرت المعاد خالص ههههه.

4-هم 3 معاكسات بحبهم اوي اولهم واحد قالي يا فروته يا اناناس وانا طبعا بموت في الاناناس
تاني معاكسه يا حلو انت يا ماشي ومتئمع فافتكرت ساعتها اني بامية هههههه
وتالت معاكسه واحد مشي ورايا وقالي انا اسمي احمد وعندي بنطلونين وتشيرت وقميص وساعه لونها ازرق ومحفظه لونها اسود ههههههه .علي فكره للعلم يعني انا مبحبش اتعاكس.

5-الحاجه اللي عملتها وندمت عليها بعد كده هي اني وثقت في ناس وطلعوا مش اهل للثقه وصعبوا عليا ورجعت وثقت فيهم تاني وخانوا الثقه للمره التانيه.
والحاجه اللي معملتهاش واتمني اني اعملها هي اني اعمل كنترول علي مشاعري شويه ومبقاش حساسه اوي واتاثر بكل حاجه.
والحاجه اللي لو رجع بيا الزمن اتمني مكنتش عملتها اتمني مكنتش حبيت قبل كده لاني بجد اكتشفت لما نضجت وكبرت انه كان هبل ومكنش حب بمعني الحب اللي بنسمع عنه ونعرفه.وعرفت الفرق دلوقتي لما حبيت فعلا واكتشفت جوايا حاجات كتيره مكنتش اعرفها واهمها اني بعرف احب بجد وجوايا مشاعر واحاسيس كانت مدفونه ومكنتش اعرفها اصلا واكتشفت انها طلعت وحسيت ساعتها اني فرحانه اوي وطايره مع اني ساعات بستغرب نفسي اني بحب بالشكل ده بس لما سالت ناس اكبر مني عرفت ان هو ده بجد الحب وفرحت بجد عشان فعلا هو ده الحب اللي كنت بتمناه ومستنياه طول عمري.

عسل يا مروه

ميرسي يا نهله يا حبيبتي وانا مستنيه بقيت الاسئله بقي

ميرسي يا ميرا يا قمر علي الاجابات الجامدة دي

1- اكتر موقف فرحني لما اخويا الكبير اتجوز انتيمتي اللي بحبها جدا .

2-اكتر موقف زعلني بصي هي مواقف كتير زعلتني بس اللي فكراها لما قطعت علاقتي بواحده صاحبتي كنت بحبها جدا لكن هي مطلعتش تستاهل حبي ده وكان في ناس كتيره بتلومني علي صداقتي بيها بس انا كنت بحبها جدا ومكنتش بهتم بكلامهم .

3-اللي بيضايقني بجد الظلم سواء انا المظلومة او حواليا حد شايفاه مظلوم واللي يخنقني اكتر اني معرفش اساعده بحس ساعتها اني حزينه جدا من جوايا.

4-ههههههههه انا شيلت كذا موبايل واغلبهم ضاع واتسرق وعشان كده شايله نوكيا 6070

5-انا بلبس كاجوال وكلاسيك يعني بلبس كل حاجه بس الاهم انها تبقي لايقه عليا وبردو اللي بفضله الكاجوال بحس اني علي راحتي جدا .

6-بصراحه يا نهله لا مبحبهاش خالص لاسباب احتفظ بيها لنفسي ههههههه ولا اقولك هقولك سبب واحد بس خلاني محبهاش ان كل واحد هنا بيحشر نفسه في خصوصيات اللي حواليه وبجد بقي دي حاجه بتخنقني اوي وعشان كده مبحبش اخرج كتير في البلد عشان بتخنق منها موت

7-انا مخلصة اداب اعلام قسم اذاعة وتلفزيون جامعة الزقازيق طبعا.

8-بصي انا عندي طموحات لمستقبلي كتيره جدا بس اهمها اني ابقي مذيعة مشهورة والناس كلها تحبني ويبقي وشي فيه قبول ومحبة عند الناس واقدر اوصل لعقلهم وقلبهم .

9-بصي مش هقولك المواصفات التقليدية بتاعت البنات انه يبقي راجل وطيب وبيحبني وحاجات تانيه لا انا هقولك صفة واحده بس احبها تبقي فيه وهي اهم صفة عندي هي وانا معاه احس انه ابويا وسندي في الدنيا ومن الاخر كده احس معاه بالاحتواء ويعاملني زي بنته اللي مخلفهاش ويدلعني بقي ويبقي حنين عليا وصدقيني كلمة بابايا دي شرحت كل الصفات اللي البنات عايزاها في فارس احلامها عشان الاب رجولة وحب وحنان واحتواء وامان وكل حاجه.

10-الحاجه اللي ندمت عليها اني وثقت في ناس كتيره جدا ده في حياتي كلها بقي وطلعت ثقتي مش في محلها واتاثرت جدا بكده وحزنت فتره كبيره جدا عشان اديتهم ثقه ميستهلوهاش.

11-لا الحمد لله لسه مفيش فرص ضاعت مني بس اللي متاكده منه ان لو الفرصه جاتلي بجد مش هضيعها مني اكيد وربنا ما يضيع لحد فرصه اكيد.

12-احلي ايام هي بجد الايام اللي عشتها وانا صغيره ومكنش عندي فيها اي مشاكل او بمعني اصح مكنتش ادركت الواقع بما فيه من مرارة وناس بتكره بعضها وعندها استعداد اصلا تدوس علي بعضها من غير ما يتاثروا بحاجه ولا تتحرك فيهم اي مشاعر وبالنسبه لايام الكليه اكيد قضيت فيها ايام حلوة بردو مع اصحابي اللي معرفش عن اغلبهم حاجه ههههههه بس والله كانت ايام حلوة.

13-يعني اداب بما تحمله من ذكريات مدرج ومحاضرات وكده وبردو كلية هندسه عشان كنا بنقعد فيها اغلب الاوقات.

14-طبعا موافقه جدا يابنتي كعب عالي يعني بنوته حلوة وفيها انوثه من الاخر كده قمر هههههه واللي يقول غير كده علي كلية اداب يبقي متغاظ.ههههههه

15-اغاني كتيره جدا يا نهله بس الاغنية اللي سمعتها وعلقت معايا اوي اغنية نانسي زعبلاوي مستحيل بجد بعشق الاغنية دي .

16-بحب طبعا عمرو دياب وبحب شيرين عبد الوهاب .

17-مبحبش الاكل خالص يعني اخر حاجه بفكر فيها بجد. بالنسبه للشرب بقي بحب حاجتين الميه جدا وعصير الاناناس.

18-احنا عددنا خمسة افراد وبس عاملين تنظيم اسرة ههههه

19-مامتي واختي والاخص اختي طبعا مبخبيش عليها حاجه

20-بص هم كتير جدا اللي بحبهم يعني ممكن تقولي ماشيه احب الناس كلها بما فيهم اصحابي .

ميرسي يا نهله انتي واميره علي الاسئله الجامده دي