علي منصة الاعتراف (حبيب المنتدى )

محمود ممدوح كتب:معلش يا دكتور
انا عارف اللى دى اول مرة
بتبق صعبة

هقولك الاسئلة
عايز رائيك
فى
محمد الاهلاوى ابو محمود
وحمادة البورسعيدى
ونهلة
واسد
ومحمود ممدوح
ودعاء دودو
وبسام
وجسى
كفاية وهناك تكملة ان شاء الله

magedelzamalkawy كتب:ياهلا ياهلا بالدكتور نور

اولا انت اهلاوي ولازملكاوي
ثانيا انت بتشغل اية

ثالثا انت ساكن فين

رابعا قول ايه اللي ناقص المنتدي

بس بعدين حبقي افكرلك في حاجة تانية دة انت لازم يتعمل معاك واجب جااااااااااااامد

الزعيم كتب:لالالا انا صدقت فعلا مدي حبك يا دلجموني ل دكتور نور

بس اسئلتك بسيطه وخفيفه مش كنت تزود شويه احنا قاعدين ورانا ايه يعني

noor1115 كتب:ربنا يوجع قلبك زى ما هتوجع ايدى من الكتابه يا دلجمونى

noor1115 كتب:

الزعيم كتب:لالالا انا صدقت فعلا مدي حبك يا دلجموني ل دكتور نور

بس اسئلتك بسيطه وخفيفه مش كنت تزود شويه احنا قاعدين ورانا ايه يعني

سيبه بس لما ربنا يكرمنى وارجعله

محمود ممدوح كتب:حرام عليك يا دلجمونى
انت عملت رقم قياسى فى الاسئلة
زمان الدكتور
بيدعى عالية
عشان انا السبب
هههههههههههههههه

احمد الدلجمونى كتب:-هل تستيطع أن تتخيل أن منتخب مصر يلعب في كأس العالم ألمانيا 2010 ، بمعني هل تتصورهم يعلبوا هناك؟
لالالالالالا منتخب مصر لن يصل الى كاس العالم احنا لنا فى كل قرن مريت كاس عالم فمش عاوزين نخلصهم بدرى خلى واحده فى النص وواحده فى الاخر

نشئه الدكتور محمود و هل كنت الأكبر أم الأوسط و هل هناك أشياء تتذكرها من فترات حياتك السابقه و المراهقه و الشباب حتي السن الحالي يعني فترات كنت بتعمل فيها روتين معين و اثر فيك لفتره ؟

انت عاوز تعرف قصه حياتى ارحمنى يا اخى كفايه اللى انت عارفه وببساطه انا ترتيبى التانى بين اخواتى والاول بين الذكور وانا اتذكر بالطبع كل حياتى المهم وغير المهم من اول ما وعيت على الدنيا وانا عموما كلاسيكى ونمطى فى حياتى

3نصيحه للشباب ...
اصعب سؤال
دائما تتذكر حقوقك وتنسى حقوق الله والغير لو تذكرتها فانت على الطريق الحق
الحياه بسيطه عيشها كما تحب ولكن تذكر ما عليك من حقوق

4 كتاب عادي قرائته و أثر فيك و هل تحب القراءه أساسا أم لا تجد الوقت أم لا تحبها أساسا
كان زماااااااااااااااااااااااان اما الان فلا اقرا الكتب واحب المقالات واحب انيس منصور ومصطفى محمود

5 ما رياك في نادر نور - حسني مبارك - عمرو موسي
ههههههههههههههههه مين نادر نور انا عن نفسى ثقافتى على ادى يا ريت تعرفنى مين
وبما انك بتتكلم فى السياسه وانا مش بحب السياسه وهعتبر انك تقصد ايمن نور (انا حر بقى اختار اللى انا عاوزه)
ايمن نور ارى انه يستحق كل ما هو فيه الان
حسنى مبارك ذكى وعارف هو بيعمل ايه ومش هيسيب الحكم الا بموته والوضع مش هيتحسن لا بيه ولا بغيره
عمرو موسى احسه ابن بلد وجدع وشهم يستاهل دور اكبر من كدا فى مصر
صحيح لقيت فيه ملحن اسمه نادر نور بيقولو عليه كويس احتمال يكون قصدك يمكن

6 الخيال العلمي هل تؤمن به و هل تعتقد أنه قد يأتي اليوم الذي تظفي في الاله فعلا و تتطبق نظريه ما بعد المحرقه ، و ما أول تصور سيصل لذهنك أذا شاهدت مجموعه من الكائانات الفضائيه تخطف أحد الأشخاص :هيكون تفكيرك ..
1- فيلم يتم تصويره
2- مجموعه من الشباب تروش قليلا
3- أشخاص ذاهبه لحفله تنكريه و تريد أن تداعب أحد الماره
4- مجموعه فعلا من الكائنات الفضائيه
5- لن تهتم ، أو أي شيء أخر
ايه الكلام الكبير دا انا بحب جدا الخيال العلمى واتمنى انه يتقدم اكتر واكتر
وايه دا وايه نظريه ما بعد المحرقه يا عمى خلتنى ابحث وملقتش غير محرقه اليهود الاول عرفنى هى ايه نظريه المحرقه علشان اكمل جوابى على النقطه دى وكمان لو شاهدت كائنات فضائيه اتمنى انهم حقيقين و ياخدونى انا علشان استريح منك


7- الجانب الرومانسي و العاطفي في الدكتور محمود، نبذه تفصليه عنه و هل تؤمن بالحب من أول نظره و هذه الحورات و هل تؤمن بالحب أساسا
انا مش رومانسى خالص ولا اؤمن بالحب من اول نظره وان كنت اؤمن بالاعجاب من اول لمحه
الحب طبعا اؤمن بيه بس بشروط

8- النشئه و الترعرع أين ؟؟؟

ههههههههههههههههههههههالقد نشئت وترعرترعرتعرعت فى بلدى كفور بلشاى كفر الزيات غربيه
وكفايه كدا بلاش اكتر من كدا يخرب عقلك

9- موقف معين تتذكره بشده من طفولتك
مش هقولك ومش هعرفك اى حاجه عن حياتى بعدي عن شنبك

10- هل تستخدم الماسنجر كثيرا و سرعتك علي الكتابه ما هيا و هل يشعر من يكلمك بالممل
اه استخدمه كثيرا وسرعتى معقوله واعتقد ان من يحدثنى يصاب بالملل
11- كيف تحكم علي الأشخاص
المواقف الكثيره والمتكرره واحب اعطاء الناس فرص كثيره لعل وعسى

12- أكله تكرها و لا تحبها
العدس والسبانخ

13- لو جاتلك فرصه و فلوس أنك تسافراوروبا فأني بلد في العالم تختار أنك تروح و لماذا ؟
اسبانيا والبرازيل ومعرفشى ليه

14- لماذا تشاهد كره القدم
لانى اعشقها

15- سؤال سياسي : السادات و جمال عبد الناصر ما رأيك فيهم بغير ايجاز ( عني بالتفصيل )
انت رخم وهرد بايجاز انا موريش غيرك ولا ايه
عبد الناصر افضل شخصيه حكمت مصر من وجهه نظرى بس كان محتاج شويه من السادات
السادات ذكى ومكاروعنده نظريه مستقبليه كويسه
كان نفسى الاتنين بصفاتهم يجتمعوا فى شخص واحد

16 - ما هي أفضل مهنه تخدم و تفيد المجتمع في رأيك و ما المهنه التي كنت تتمناها
كل المهن تخدم المجتمع لا فضل لمهنه على اخرى نحتاج بعضنا البعض
المهنه اللى تمنيتها مدرس رياضيات
17- هل تعتقد أننا في يوم من الأيام سنشاهد فريق المصري بلا متولي و كيف
يحدث هذا الحلم المستحيل في رأيك
طبعا وجد المصرى بلا متولى ولكنه فاشل من غيره
متولى هو افضل شخص للمصرى

18- ما رأيك في مدرب أنجلترا
اللى راح ولا اللى جاى
19- تجربه السويد و هيا الترجبه الوحيده في العالم باتنين مديرين فنين
ما رأيك بها و هل تعتقد أنه يمكن أن تفذ و تنتشر رغم المثل المعروف " المركب إلي ليه ريسين يغرق"
انا معاها فى حاله واحد لو كل مدير منهم اصبح مسئول عن تحركات فريقه فى نص الملعب

20- ( أنا كنت ناوي أقف في السؤال إلي فات بس لقيته رقم نحس فقلت بلاش ) هل تؤمن بالنحس و القطط السوداء و الأشياء المشابهه و التفاؤل ........ إلخ
اه

21- ما رأيك في البورجوازين و هل تري أنهم ظلموا ؟
كما راى فيك

22- سؤال تاريخي : شارلمان هل تري أنه فعلا مؤسس فرنسا
معرفشى لما اروح فرنسا ابقى اقولك

23 - أسم بنتك مين اللى اختاره ؟ اوعى يكون الواد الاهبل اللى كان بيجى عندكم دايما
انا اخترت اول حرف والمدام اختارت الباقى

24 - مواصفات تتمنها فى بنتك لما تكبر
التدين الذكاء الشجاعه وطاعه زوجها
25 - أفضل ممثل أجنبي في رأيك و افضل ممثله أجنبيه و لماذا تحبهم و أيضا العرب و المصريين
كثيرون وانا لا احب الممثل بقدر ما احب الفيلم

26- هل تري أنه هناك أمل في السينما المصريه أن تنافس الأمريكيه في يوم من الأيام
انت عسل

27 - السينما الهنديه و باقه كله في شيء واحد ( يعني فيلم واحد و فيه حب و أكشن و رومانسي و كوميدي ) أيه رأيك فيها
بحبها وممكن اتابعها بس الفيلم على شهر ونص

28- هل تسمع أغاني و ماذا تفضل من المغنين و الألبومات المفضله و هل هناك أغنيه تمثل لك شيء معين أو ذكري معنيه
قليل جدا لكن زمان كنت احب اسمع جورج وسوف بس برده مليش نجم او نجمه مفضله اللى يهمنى الاغنيه الحلوه مش بيغنيها ممكن اسمه شعبان لو قال اغنيه حلوه وليه كتيييييييييييير حلو

29 - ما الشيء الذي لا تستيطع أن تعيش من غيره و لماذا
حب الناس
وجودى وسط ناس بحبهم ويحبونى بيحسسنى بالامان ويخلينى اقدر ابدع واطلع كل امكانياتى

30- هل تحب المسلسلات و ما هو مسلسلك المفضل و هل هناك مشهد شاهدته في فيلم أو مسلسل سواء عربي أو أجنبي علق بذاكرتك و لم تنساه و من هم الأبطال و لماذا اثر فيك
لالالالالالالالالالالالالالالالالا

31 - علل ما هو سبب هزيمه الاسماعيلي دائما من الزمالك ؟ و ما هو السبب الرئيسي و أهم سبب في رأيك
انا اؤمن بتفوق فرق على اخرى وهذا معروف عاليما وهو ما يحدث معكم وكله بيعرف دا ويمكن احساس الااعبين بكدا بيكون له دور فى النتيجه لكن دا ما يمنعشى انه مش اساس

32 - هل تجلس علي االنت و هل تحب الجلوس عليه أساسا و ماذا تفعل و ما هي لعبتك المفضله علي الكمبيوتر أذا كنت تلعب اساسا
طبعا
احب المنتديات والاخبار والتقارير
متابعه كل ما هو جديد فى عالم الطب
اما اللعب احب البلاى ستيشن وكره القدم
33 - هل تعلق بوسترات علي الحائط لديك و ما هو أعز بوستر لديك لو كنت تعلق
لالالالالالالالالالالالالالالالالالالا
34- نغمه علي الموبيال ما هي و ما الرساله التي لم تمسحا و تحبها علي الموبيال
نغمتى هى امين يا رب العالمين وهى معى فتره طويله ولم اغيرها لانى احبها
انا احتفظ بكل الرسايل واحبها جميعا لانها كلها بتمثل ذكرى اتمنى ان لا انساها بحلوها ومرها

35- ما أفضل نوع سياره في رأيك و ما السياره التي تتمني أن تملكها و لماذا
ماليش فى العربيات وعمرى ما فكرت يكون لى عربيه بس احتمال ابدا اغير راى لانى محتاجها هنا اوى
اما فى مصر انت عارف كنت بعمل ايه ولا افكرك

36 - استايلك في اللبس هل تبح أن تلبس الكلاسك أم الكجوال أم أي حاجه شيك و السلام و لو في مركات عالميه بتحبها فأني مركات
اى حاجه والسلام المهم تكون بسيطه ومفيهاش نقش فراخ كتييييير

37 - تسريحه شعرك المفضل أي هيا
هههههههههههههههههههههههه
38 - موبيالك عندك من كام سنه و ليه جبته و هل تري أن الموبيال مفيد اساسا للشباب و من في رأيك أكثر حاجه استفادت من الموبيال في مصر : شركات الموبيال ، الناس إلي بتستخدم الموبيال من الشباب و الشابات ، المرضي ، الدكاتره ، المهندسين ........... إلخ

39- ما رقمك المفضل و الذي تشعر براحه له
5 و7 و11

40- لون غرفتك أيه و أيه أكتر شيء مهم ليك في غرفتك
معرفشى لونها ايه ومش فارقه معايا

41- أفضل شهور السنه بالنسبه ليك
احب الصيف جداااااا علشان بروح بلدى المفضل اسكندريه

42 - أفضل فصل تحبه هل هو الربيع أم الخريف أم الشتاء أم الصيف و لماذا
جاوبت عليه فوق انت ممل

43 - أكمل الجمله الأتيه
لو لم أكن اسمعلاويه لوودت أن أكون .............
دى تفضل زى ما هى نقط بلا معالم او حروف

44- لو بأمكانك تتجوز كاترين زيتا جونز هل هتتجوزها رغم أنها مسيحه و رغم أنك عارف أنها مستحيل تأسلم
بس ادينى فرصه وشوف واحكم بلاش استعجال وحكم قبل التجربه
45 - لعبي استراتجي تحبها
معرفشى

46 - أفضل مباره أوربيه شاهدتها علي الأطلاق و افضل مباره مصريه و لماذا ؟؟
مباريات كثيره متعتنى ولكن اكثر مباراه احزنتنى مباراه فرنسا وايطاليا فى نهائى اوروبا

47 - نظرك كام علي كام و لا متعرفش
كان سته على سته

48 - ما رأيك في الشباب المدخنين ( و حاسب و أنت بتتكلم علشان في ناس كتير مدخنه هنا و أحنا جايين نهدي النفوس )
هو حر واوعى تبطل تدخين التدخين حلو وعسل وسكره
واللى مش بيدخن وحش ويستاهل اللى يجرى للى بيدخن

49 - ماذا تمثل لك الكي بورد الخاصه بك و هل تشعر أنك غير مستريح أذا كتنت علي واحدها غيرها
عادى اى كى بورد والسلام بس باخد دقيقه على ما اتعود على الجديده
50- هل تجيد الأنجليزيه و أنت كنت لا تجيدها فهل تتمني أن تجيدها و ما اللغه الأخري غير الأنجليزي و العربيه التي تحوز علي أهتمامك

انا اجيد الانجليزيه ويعنى شويه الايطاليه اعرف بعض من كلمتها وجملها
ولكنى لا احب على الاطلاق التحدث باى منهما احب اللغه العربيه ولا غيرها

51كفايه كده عقبال لما افكرك تاني بس ياريت تجاوب على الكل ومتخرجش من الاسئله بدبلوماسيه كالعاده والا

احمد الدلجمونى كتب:

noor1115 كتب:

الزعيم كتب:لالالا انا صدقت فعلا مدي حبك يا دلجموني ل دكتور نور

بس اسئلتك بسيطه وخفيفه مش كنت تزود شويه احنا قاعدين ورانا ايه يعني

سيبه بس لما ربنا يكرمنى وارجعله

ههههههههههههههههههههههههههههه

والله وحشتنا يا باشا مستنينك


بس ابقى تقل الشنط
ههههههههههههههههههههههههه

محمود ممدوح كتب:حرام عليك يا دلجمونى
انت عملت رقم قياسى فى الاسئلة
زمان الدكتور
بيدعى عالية
عشان انا السبب
هههههههههههههههه

محمود ممدوح كتب:الصراحة يا دكتور نورتمائل انا تعبت وانا بقراء

بتعرف تلع تيشن يا دكتور
عايزن نجيب واحد ونلعب زوجى على المنتدى
هههههههههههههه