نفسى اقول ****************

نفسى اقول

أنا نفسي يا طير أغني
وأقول كلام متحني
بس ياطير ... الناس كتير
ومحدش راضي يسمعني
&&&&&&&&&&&&&&&&
نفسي أقول لكل روح
حرام تجرحي في روح
حني عليها ... ودفي إيديها
ودوايها من الجروح
&&&&&&&&&&&&&&&&
نفسي أقول لكل قلب
اروي نبضك بخير الحب
اتعلم أشعار ... غني أوتار
واقرأ أية الرب
&&&&&&&&&&&&&&&&&
نفسي أقول للحلم ارجع
ده واقعنا ممكن يسمع
مفيش مستحيل .. وقلوبنا دليل
ومفيش عيون بتخدع
&&&&&&&&&&&&&&&&
نفسي أقول للناس كفاية
لازم نبدأ من تاني بداية
نغير ملامح ... نرسم تسامح
وننسى ألآم الحكاية