رد: عفوا عمرو زكي اخطيء

من طرف mahmoudhamdy الأحد سبتمبر 09, 2007 7:03 am

للمرة الالف انا لم اهن الاهلوية ومنتظر الاخت نور تقولي فين الجملة اللي هنت بيها حد
لاني مش بحب حد يتهمني بحاجة لم افعلها
فين التجريح
يا ريت اول ما تدخلي تقوليلي حضرتك

من طرف **الدوحة** الأحد سبتمبر 09, 2007 8:29 am

الموضوع خلاص حصل خير

ورمضان كريم

من طرف mahmoudhamdy الأحد سبتمبر 09, 2007 8:35 am

ماشي يا عم محمود بس كده محدش جاب حقي

من طرف **الدوحة** الأحد سبتمبر 09, 2007 8:38 am

مفيش مشاكل الموضوع كدة يبق تمام احنا كلنا اخوت

وجيراد هو السبب فى المشكلة وانسحب يبق احنا لية ندايق نفسنا

رمضان كريم

وكل سنة وانتو بخير

من طرف mahmoudhamdy الأحد سبتمبر 09, 2007 9:20 am

وانت بالصحة والسلامة وعايزينك تعزمنا علي خشاف بقي وكنافة وقطايف
هههههههههههههههههههههههههههههههههههههههههههههه

من طرف **الدوحة** الأحد سبتمبر 09, 2007 9:51 am

mahmoudhamdy كتب:وانت بالصحة والسلامة وعايزينك تعزمنا علي خشاف بقي وكنافة وقطايف
هههههههههههههههههههههههههههههههههههههههههههههه

ههههههههههههههههههه

حاضر

من عنية

هههههههههههه

من طرف **نور الاسلام** الأحد سبتمبر 09, 2007 9:55 am

وحتلاقيهم في السجن تاني يوم
مش ده كلامك

يعنى شايفهم بلطجيه هيخشوا السجن
دافع براحتك عن ناديك دون ان تمس النادى الاهلى

مهما كانوا دول اللى وصلوا مصر اليابان

من طرف hamada066 الأحد سبتمبر 09, 2007 9:58 am

سيبك بقى يا نهلة

الموضوع خلص خلاص زي ما قال محمود

خلونا في الخشاف و الكنافة و القطايف و لقمة القاضي و بلح الشام

جريتوا ريقنا ... حاولوا تحافظوا على الحاجات دي لأني محروم منها لما أرجع مصر تبقوا تقدموهالي

ههههههههههههههههههههه

من طرف **نور الاسلام** الأحد سبتمبر 09, 2007 10:01 am

مش هوا اللى بيتكلم الاول

من طرف hamada066 الأحد سبتمبر 09, 2007 10:03 am

هو كان بيرد على كلام جيرارد

و بعدين الموضوع أنتهى

من طرف **نور الاسلام** الأحد سبتمبر 09, 2007 10:06 am

لا اللى كان بيرد محمود الدغيدى وقولتله جيرارد اتوقف
يعنى عرف انه توقف
وطلب حد يرد على كلام

من طرف **نور الاسلام** الأحد سبتمبر 09, 2007 10:07 am

وادى محمود كمان
بص التوقيع بتاعه

من طرف hamada066 الأحد سبتمبر 09, 2007 10:32 am

هههههههههههههههه

هو أنت أساسا ما تعرفيش الضغوط اللي بيشوفها محمود في منتدى أخبارك

يا جماعة أحنا مش صغيرين علشان الحركات دي

و لازم نلتمس أن أحب الناس ألينا بيشجعوا فرق منافسة

أناشد محمود الدغيدي في طلب خاص جدا أنك تغير التوقيع لكي تسود روح الاخوة ما بينا

و أنت من الناس اللي بحترمهم و بقدرهم جدا

على فكرة انا من أكثر من شجع نادي الزمالك ... و لما كنت عايش في القاهرة كنت بحضرله ماتشات في الأستاد

لكن عمري ما تشاحنت مع أي أهلاوي علشان الكورة .....

و لما كنت في بورسعيد كنت بحضر مباريات المصري في الأستاد

و كان بيدخل الأستاد أصحابي الأهلاوية ... و كانوا بيقعدوا في مدرجات المصري و كنا بنهزر و نتفرج مع بعض

كنا بنحتد أثناء اللعب كل واحد لفريقه لكن في النهاية كلنا أخوات

و يا ريت ما نردش الإسائة بأساءة مثلها

و بالفعل تم إيقاف جيرارد نهائي بسبب ما فعله

من طرف magedelzamalkawy الأحد سبتمبر 09, 2007 10:53 am

ريحوا اعصابكم يارجالة احنا داخلين علي رمضان
رمضان كريم

من طرف mahmoudhamdy الأحد سبتمبر 09, 2007 11:28 am

بصي يا اخت نور
انا لما كنت بقول حيدخلوا السجن كنت باحاول تضخيم العقوبة وذلك علي فلافيو وجوزيه والمقصود انهم بيشتموا الحكام بطريقة مستفزة
ومش حقولك اني بعرف برتغالي ولكن بيبقي واضح من النرفزة واسلوب الكلام
وكان قصدي ان بضخامة اللفظ اللي بيقولوا عليه حتبقي عقوبتهم الدخول للسجن وكانت مداعبة طبعا
لان لو مبارك دخل السجن جوزيه ميدخلوش
بلاش تحاولي تخلقي مشاكل من غير مشاكل
هو الدغيدي عمل التوقيع ليع
مش جيرارد هو اللي سبقه
هو المطلوب مننا ان نادينا يتهان ونقول متشكرين كمان والنبي
كل فعل له رد فعل مساوي له في المقدار ومضاد له في الاتجاه
شكراً

من طرف **نور الاسلام** الأحد سبتمبر 09, 2007 11:33 am

وانا بخلق مشاكل اوكى
طيب التوقيع يتشال
وانا مصره بقه
ولو محدش هيجيب حقى
انا اعرف اخده

من طرف mahmoudhamdy الأحد سبتمبر 09, 2007 11:42 am

انتي بتتكلمي علي توقيع مين انا معنديش توقيع

من طرف **نور الاسلام** الأحد سبتمبر 09, 2007 11:46 am

توقيع محمود الدغيدى
يتشال
زاى ما انطرد جيرارد بسبب الزمالك
وقولنا الاحترام
يبقه لازم تحترمونا احنا كمان

من طرف mahmoudhamdy الأحد سبتمبر 09, 2007 11:49 am

اعتقد اني وضعت احسن توقيع لاني مكنش عندي اساسا توقيع وعموما انا كمان بقول ان توقيع الدغيدي يتشال
بس يا نور حطي نفسك مكان زملكاوي والنادي بتاعه بيتهان بالله عليكي هتعملي ايه
شكرا

من طرف **نور الاسلام** الأحد سبتمبر 09, 2007 11:50 am

انطرد انطرد
جيرارد اللى هانكوا انطرد
وانا طالبت بوقفه
خلاص

من طرف mahmoudhamdy الأحد سبتمبر 09, 2007 11:51 am

طيب انت عايزة ايه

من طرف **نور الاسلام** الأحد سبتمبر 09, 2007 11:58 am

التوقيع يتشال
ومحدش يقول حاجه عن الاهلى
زاى ما احنا مش بنقول
واللى قال انطرد

من طرف hamada066 الأحد سبتمبر 09, 2007 12:14 pm

يا نهلة أكيد لما محمود يرجع هيشيل التوقيع

بس خليكي أكبر من كدا

جيرارد أتطرد مش بسبب التوقيع بس و لا الغلط بس في الزمالك و لا بس الغلط في الأعضاء

و لا بس الغلط في مشجعي الزمالك على الإطلاق .. كان طردة بعد حدوث حادث الصور اللي

نشرها و لم يراعي فيها أي شئ من الأدب

عموما مفيش حد بيقبل بالغلط و انا واثق أن محمود لما هيرجع هيستجيب لمناشداتنا ليه و هيشيل

التوقيع ... و لن نقارن بينه و بين جيرارد كأشخاص فشتان بين الأثنين

و انا لا أتحدث من منطلق أهلاوي و زمالكاوي فقط لأننا أخوان و لا يجب أن يحدث ما يعكر

صفو العلاقة التي بيننا ... و بالفعل جميعنا يعامل بعض بأحترام و لا يوجد بيننا من هو غير ذلك

و انا واثق أن محمود شخص محترم وواعي و هيقدٌر و هيشيل التوقيع .... لأنه كان توقيعه عبارة

عن رد فعل أستفزة من قبل جيرارد و بما أنه تم إيقاف جيرارد فلا داعي لهذا التوقيع الآن

و أعلموا أخواني جميعا أني منذ أن دخلت المنتدى و أشعر بأني صاحب للمنتدى و لست مجرد

عضو فيه و يجب أن نشعر كلنا بهذا و يجب أن نحافظ عليه كبيتنا و أن نسموا و نرتقي بداخله

لأسلوب حوار راقي حضاري ينم عن أنفسنا بالفعل .....

تقبلوا تحياتي

من طرف **نور الاسلام** الأحد سبتمبر 09, 2007 12:43 pm

بص لاول مره اتعصب كده عشان انا اضايقت اوى
يعنى نطرد واحد نلاقى التانى قلده
ومفيش احترام لمشاعر الاخرين
وكلام وتهزيق فى فلافيو وجوزيه
بجد حاجه تزهق

من طرف hamada066 الأحد سبتمبر 09, 2007 12:48 pm

خلاص يا نهلة و أنت المفروض مشرفة يعني المفروض تكوني أكتر واحدة هادية

و لازم تملكي نفسك عند الغضب

و لازم تفصلي تعصبك عن ردودك