سجن الاحزان

الدنيا في عيني غدت سجن الأحـزان
سجن الأسى سجن الشقا والغرابيـل

ياعيشتي فـي دنيتـي شبـه جثمـان
حامل هموم الكون واشكي من الويل

عايش بهالدنيا بـلا أرض وعنـوان
هايم في أرض الله وانا فاقـد الحيـل

عند الأهل إسمي غدى شبـه نسيـان
وانا أشوف الكون في ناظـري ليـل

أنا سجيـن الهـم والوقـت سجـان
والليل ,, طاوينـي بثـوب البهاذيـل

يالله ياخالـق بنـي الإنـس والجـان
حلـل زمانـن مالقـي لـه تحاليـل

الدنيا في عيني سجن وسـط بركـان
وانا وسط سجنـي أجـر المواويـل

موال حزني يشتكـي فقـد الأخـوان
ياحيثهم صاروا في عيني ( تماثيل ) ؟

مامنهم واحد مسـح دمـع الأعيـان
راحوا وخلوني بعـد نجمـة سهيـل

أهلي اسمعوا فيني حكي فلان وفـلان
أهلي اتركوا دمعي على الخد كالسيل

يااهل الزمن عجلوا وجيبولي أكفان ؟
أحس ,, كن الموت ياكل من الحيل ؟؟

إن مت قولوا مات من جور الأحزان
مات ودموعه باقيه فى المناديل ؟؟؟!!

شكرا يا محمد