الله أكبر يا عرب

من طرف محمد الجندى السبت سبتمبر 01, 2007 9:12 pm

يامهون هون يا مهون
ومسير الأيام تتلون
أى يعنى حروب مليه الكون
والذول وراك فين ماتكون
ممنوع ترفع راسك ابدا
ولى هيرفع نركبله قرون
يا مهون هون يا مهون
والزل علينه بيتلون
أمبارح ماتت مياده
على أيد ندل لبسلى بياده
كانت طفله عندها بس 3 أعوام
أعتبروها اخطر من صوريخ قسام
يمكن على شان جوه عيونها
صرخت شعب طول عمره جبان
ولا تكون بسمت شفيفها
كانت السبب فى حروب فتنام
أو مين عارف ممكن هى
الى فجرت ابراج العم سام
أو يمكن تكون مياده
من اسباب الفتنه فى لبنان
والمصيبه الاكبر لو كانت
عضو مؤسس فى جمعيه الرفق بالأنسان
مياده ماتت على أيدى
وعلى أيد كل عربى جبان
لما رضينه نكون عمله
وبعنه وطنه للأمريكان
مياده ماتت وخلاص
تقدر دلوقتى تنام
نام يا عربى أنت وهو
دى كانت طفله عيونها جنان
بعد ما متت يبقى خلاص
السلام فى كل مكان
وسلملى على أجدع امه
كانت رمز لزل والهوان
الله أكبر يا عرب وخمسه وخميسه
فى وش العدو كمان
وأهم حاجه تكونو ارتحتو
الدنيه صبحت فى أمان

كلمات : محمد الجندى