هل تبكي عند موت احد جرحك يوم ما..؟

بطاطس كتب:انا لسه مش متخيل الموقف
عشان الحمد لله انا لسه مفقدتش اى حد من اللى اعرفهم
الحمد لله

ميرا كتب:بصي يا نور انا الحمد لله متعرضتش للموقف ده ابدا. بس بحقيقي لو اتعرضت ليه في يوم اكيد هبكي طبعا لموته واصلا من البداية هسامحه حتي لو مقولتش ليه مباشره .بس هبقي من قلبي مسامحاه. عشان بجد قلبي مبيعرفش كره لحد خالص. ومبالك بقي بموضوع الموت ده.

omar tawfik كتب:بصراحه هازعل ودموعي هاتنزل انا بصراحه بطبيعتي انسان حساس قووي
وبصراحه يا نهلة انتي فكرتيني بإنسانه عزيزة قوووي علينا كلنا الله يرحمها ويسكنها فسيح جناته بجد انتي زعلتيني وخليتيني ادمع دلوقتي وانا بكتب كلامي ده
كانت الله يرحمها تمللي تقولي خلي بالك من نفسك ياعمر وشد حيلك في الثانويه وهات مجموع تشرفنا بيه
كان نفسي افرحها بالنتيجه بس للأسف سمعت خبر وفاتها ونزل عليا كالصاعقه بجد قبل النتيجه
يارب يارب يا رحمن يارحيم يارب اللهم اسكنها فسيح جناته يا أرحم الراحمين يارب ارحمها برحمتك يا ارحم الراحمين يا رب اغفر لها ذنوبها يا ارحم الراحمين
رحمك الله يا جنه
ياريت نقرأ الفاتحه على روحها

mido zamalek كتب:ايه ياعم صلى على النبى و ربنا يرحمها و هى عزيزة على قلوبنا جميعا

انا بقا لو فى الموقف ده انا اكيد هزعل زعل شديد مهما عمل فيا هو برده اسمه انسان و مات

أبو مهند كتب:لاشك ان للموت رهبه اخرى ولايتم حسابه بهذا الاسلوب ربما تكون ردة فعلك مختلفه عن الافتراضين يعنى لاتسامحيه ولاتقولى راح الشر انما تتذكرى انك ايضا ممكن تموتى فورا وتتحاسبى زيه وحتقولى ابه لله عز وجل (من لم يكن له فى الموت واعظ لاتنفعه المواعظ)
تحياتى

magedelzamalkawy كتب:عادي مش ححس بزعل بزعل ولا ححس بفرح مش غباء مني بس اعتقد اني حكدب لوقلتلكم حعيط وكدة لأني بجد مش بعيط كتير اصلا غير في حالات معينة

maxpayen كتب:ههههههههههههه انتى فكرتينى بحاجه حصلتلى وانا صغير .... كان جدى علطول بيضربنى هو انا اه كنت شقى حبتين بس هوا كان بيموتنى ضرب .المهم لما مات كان عندى 11 سنه رحت الصوان
ولميت ولاد عمتى وقدعنا نلعب كوره قدام الصوان ولا اكن حاجه حصلت بس دلوقتى بجد حاسس انى مفتقده اصله كان من المعمرين ف الارض مات وهو عنده 95 سنه بس ...........