مروحه لكل مواطن من حسن شحاته!!!

من طرف نبضات قلب الأربعاء أكتوبر 10, 2007 5:40 pm

مروحه لكل مواطن من شحاته

ترددت كثيرا قبل ان ابدا بالكتابه فى هذا الموضوع لماذا يظل حسن شحاته فى منصبه حتى الان كمدير فنى للمنتخب يكبس على انفاس 70 مليون من عاشقى الكرة

لو كان اى مدير فنى اجنبى فعل النتائج التى عملها حسن شحاته الان مع المنتخب لكان زمانه روح على بلدة من زمان

فاى مدير فنى محترم يجد نفسه يتعادل مع الكويت (رحله كل سنه) لانها مكتوب علينا اننا نروح هناك كل سنه

انا لم اجد فى تاريخى منتخب لاعبناه وديا اكثر من منتخب الكويت وخصوصا مع بركات ابو كريم اللى لعب هناك ولازم يرد الواجب الوطنى لابناء الكويت وعلى حسابنا وعلى حساب لاعبينا دون اخذ الاعتبار بمدى اهميه هذة المباراة فنيا او بدنيا حتى .

هل الكويت تتشابه مع موريتانيا او بوتسوانا او بوروندى تلك المجموعه الحديديه التى شاء حظنا العاثر دائما ان نقع فى اصعب مجموعه او مجموعه الموت كما يطلق عليها الاعلام

وكان المجموعه دائما لابد ان تكون اسمها مجموعه الموت بغض النظر ان كان المنافس هو الكاميرون او كوت دى فورا او سيشل وجزر البطيخ

اى واحد مصرى من يوم ما عرف المجموعه العبيطه دى قال دة لو مصر بعتت فرقه مركز شباب الحبانيه هنكسبهم هنا وهناك وهناكل الفرق دى رايح جاى ونصعد من الجوله التالته

لكن حسن بيه شحاته كان ليه راى تانة خالص

فهو فضل ان يعيش الجمهور لحظات الاثارة حتى الثوانى الاخيرة مع لعبه الكراسى الموسيقيه مع بوتسوانا الرهيبه وبوروندى المدججه بالمحترفين وموريتانيا التى لم يشفع لها تاريخها الطويل كرويا ان تحظى بشرف الصعود فى هذة المجموعه

فحسن شحاته اضاع على نفسه اكبر فرصه تاريخيه لتجربه عناصر جديدة للمنتخب بعيدا عن الاسماء المعتادة كل مباراة ودايما تجدة يتكلم ان قوام المنتخب 40 لاعب وانه باب المنتخب مفتوح لاى لاعب ولكن فى المباريات تجد نفس اللاعبين هما هما كل متش

فهل كانت المجموعه الحديديه ستكون صعبه على نجوم جدد لكورة المصريه تنتظر نصيبا من المنتخب لانها لا تلعب فى انديه القمه والشهرة فى الدورى ام لانها لا تجلس على الدكه فى اوروبا واللى بنقول عليهم محترفين

الم يكن محمد فضل وحمص ومحمد صبحى(الاسماعيلى) واحمد عيد عبد الملك واحمد سمير (الحرس) وعلاء ابراهيم رغم كبر سنه ولكنه لم ينال فرصته فى المنتخب من قبل كثيرا واسامه محمد ومحمود عبد الحكيم (بتروجيت ) ومحمد ابراهيم واحمد المحمدى (انبى) افرج عنهم مؤخرا للمنتخب و احمد حسن ومحمد عبد الشافى (المحله) ومحمود فتح الله قبل انضمامه للزمالك وغيرهم وغيرهم من اللاعبين المتميزين فى الدورى المصرى الذين يتمنون نظرة من حسن شحاته مش كل مرة فيهم ناس تتاخد معسكرات المنتخب ومبيلعبوش لان دة سبب ليهم احباط مما جعل محسن هنداوى السنه اللى فاتت مراحش المعسكر لانه عارف اللى هيتعمل كله ينضم للمعسكر ولكن ساعه المتش هتلاقى نفس الاسامى وكانها ممنوع الاقتراب من احمد حسن ومحمد شوقى وابو تريكه ومتعب ليه كده طيب

هل اللاعبين السابق ذكرهم تمت تجربتهم بشكل جدى ليتم الحكم على مستواهم ام ان هناك شئ خفى لا نعرفه

وطبعا التبريرات معروفه بأن اللاعب الدولى يحتاج الى خبرة والى حنكه لاتوجد ولا تتوافر فى الدورى المحلى

طب ممكن سؤال صغير

وهل اللاعبين اللى فى المنتخب دول كلهم اتولدوا لقوا نفسهم فى المنتخب ولا برضه مكنتش عندهم الخبرة واللى اكتسبوها بالوقت وبالتدريج

محمد ابو تريكه مكنش حد كتير يعرفه قبل انضمامه للاهلى ولكن بعد انضمامه للاهلى وارتفاع مستواة بشكل كبير انضم فورا للمتخب واصبح حسن شحاته بيلطم لما مكنش ابو تريكه موجود فى متش كوت دى فوار وغيرة

ناهيك عن اللعب بغير خطه وكل اللاعبين بيلعبوا زى اللى بيلعبوا فى الشارع مفيش خطه محددة كل واحد يلعب بمزاجه واخص بالذكر كابتن المنتخب احمد حسن اللى يعتبر اكتر واحد بيلعب بمزاجه فى المنتخب

حقول مثال صغير لابد من تجديد المنتخب كليه وضم عناصر جديدة لتكون فى التشكيل الاساسى مش بتتاخد وخلاص ومبتلعبش او اخرها احتياطى لاخر 10 دقايق فى المتش

يعنى فى غياب ابو تريكه مين يكون صانع العاب المنتخب

اكيد جمال حمزة وعمر جمال اذا استثنينا شيكابالا بسبب ايقافه لسوء السلوك المزمن

طب ان كان هؤلاء لم يلعبوا بشكل اساسى فى غياب ابو تريكه فكيف يلعبوا وهو موجود

هل لو لاقدر الله ابو تريكه اصيب سنصاب بالشلل ونسرح فريق الكورة فى المنتخب بتاعنا ولا لازم يكون فيه بديل

البرازيل يا سادة كل مرة بتلعب بطوله كوبا اميريكا بلاعبى الصف التانى والتالت كمان, بتلعب بدون لاعبى الصفوة المحترفين فى اوروبا محدش يقولى دى البرازيل وعندها لاعيبه كتير وكلام من دة البرازيل مطلوب منها كل متش من الجمهور المكسب والاداء الجميل ولو لم يتحقق الشرطين دول يبقى المنتخب يستحمل اللى يجراله من الجمهور

كلمه اخيرة لحسن شحاته

ان كانت علاقتك باتحاد البيزنس جيدة وتسمح لك حتى الان بان تكبس على مراوحنا فان الاتحاد دة مش هيستنى كتير ومش هيدوم لك

من طرف محمد عادل الأربعاء أكتوبر 10, 2007 7:09 pm

انا معاك
وحتى لما اخدنا امم افريقيا انا كنت بقول دة مينفعش مدرب واحنا اخدنا البطولة ببركة دعاء المصريين ومحدش صدقنى
انا من رايي ان اى مدرب تانى هيكون احسن منة
انا مش عارف اشمعنة هو اللى صبروا علية كدة

مروحه لكل مواطن من حسن شحاته!!!

مروحه لكل مواطن من حسن شحاته!!!

رد: مروحه لكل مواطن من حسن شحاته!!!