عارف أنى بحلم

من طرف محمد الجندى الخميس أكتوبر 11, 2007 12:52 am

امبارح وحدي بالمدى سارِح

بالسما ولونها الحزين

بالغيوم والعيون الدبلانين
بالمطر وهو نازل
يغسِل سطُوح المنازل
ويروِي اوراق الشجر
كان عندي احساس اكيد
اني في الدنيا وحيدمن غير بشر
احساس غريب
احساس رهيب
كل شيء كان كئيب
نظرتي, بسمتي
دنيــتي
حتى فنجان قهوتي
حتى الساعة وصوت عقاربها المُمِل
فجأة وفوسطِ ده كُله
شفت شيئ عمال يِهِل
ابتدى يقرب كمان
وابتدى اكتر يِبان
انتفض قلبي في ضلوعي
والكلام ضاع من لِساني
كل شيئ من جنبي راح
وبقيت واقف مكاني
مش سامع حواليه شيء
الا صوتِك لي ناداني
شفتك انتي زي ما انتي
لبسه توبك الابيضاني
وابتسامة فوق شفايفك
مليانه سحر واماني
شفتك انتي ايوى انتي
انــتي..مش حد تاني
احترت اضمك او اشوفك
او اقلك
اد ايه انتي وحشاني
او احكيلك عن احزاني
من يوم غيابك
او اعتبك واسألك ايه الي جابك
على اد فرحي بلقاكي
على اد ما انا عاوز انساكي
لاني عارف اني بحلم
وعارف اني مش معاكي
وبعد ثانيةالحلم يخلص
وتختفي من على شباكي
وترجع الغيمة الكئيبة
وارجع تاني استناكي
اصلك رحتي لمكان بعيد
وبس رب الكون الي يعرف
امتى يجي اليوم والقاكي