عيد الحب النهاردة يا جماعة...

يا استاذ حماده انا تقريبا وضحت كلامي كويس وقولت انا مبكلمش عن حب واحد لواحده انا بتكلم عن حب الاسره الوطن الشغل اللي بتشتغله كده يعني ومن خلال حبك ليهم هتقدر تحقق كل حاجه بتتمناها يعني بتكلم ان الحب هو اساس كل حياة ومن غير ما تحب اهلك او الحاجه اللي بتعملها مش هتقدر تبقي ناجح في حياتك. وجرب حب اسرتك اوي هتلاقي كل حاجه حواليك كويسه.لو كنت بتتفرج علي برنامج الجنه في بيوتنا بتاع الاستاذ عمرو خالد كنت هتعرف معني كلامي كويس.كان بيناقش كل مشاكل الحياة والاسره من خلال هدفه الاساسي في الحياة وهو الحب.علي فكره الحب مش هو الحب بس الرومانسي بين ولد وبنت.انا هنا بتكلم عن الحب بمعناه الاشمل .

علي فكرة مين اللي قال ان العلاقات الاسرية مبتندرجش تحت مسمي الحب اومال زي ما بتقول حضرتك بتندرج تحت واجبات بتقوم بيها. لا طبعا الكلام ده غلط. لان العلاقه بينك وبين اولادك او زوجتك او بينك وبين الاسره ككل لو اندرجت تحت مسمي واجبات بتقوم بيها هتتحول كل حاجه لاله وهتبقي العلاقات الاسريه فيها فتور وجمود وهتبقي مجرد روتين حياة الواحد عايشه. بتبقي عايش عشان تلبي الواجبات وخلاص. لكن لو اندرجت تحت مسمي حب هتلاقي الامور اختلفت. حتي لو الحياة كانت فيها مشقة وتعب وكانت متطلبات الحياه صعبه هتلاقي الحب اللي بينك وبين اسرتك بيهون حاجات كتيره صعبه .ربنا سبحانه وتعالي في بادئ خلقه كان عارف ان الحياة صعبه وعشان كده خلي كل انسان عنده اسره مكونه من اب وام واخوات وزوجه وابناء عشان يقفوا جنبه ويعينوه علي الحياة الصعبه دي بالحب والموده والرحمه. ده اذا كان شرط الجواز يبقي فيه حب ومودة ورحمه.الحياة مش مجرد واجبات بتنفذذها وروتين حياة وبس لا طبعا الحب اسمي علاقة موجوده في الوجود.

شكرا يا محمود لمرورك الكريم.

ميرا كتب:علي فكرة مين اللي قال ان العلاقات الاسرية مبتندرجش تحت مسمي الحب اومال زي ما بتقول حضرتك بتندرج تحت واجبات بتقوم بيها. لا طبعا الكلام ده غلط. لان العلاقه بينك وبين اولادك او زوجتك او بينك وبين الاسره ككل لو اندرجت تحت مسمي واجبات بتقوم بيها هتتحول كل حاجه لاله وهتبقي العلاقات الاسريه فيها فتور وجمود وهتبقي مجرد روتين حياة الواحد عايشه. بتبقي عايش عشان تلبي الواجبات وخلاص. لكن لو اندرجت تحت مسمي حب هتلاقي الامور اختلفت. حتي لو الحياة كانت فيها مشقة وتعب وكانت متطلبات الحياه صعبه هتلاقي الحب اللي بينك وبين اسرتك بيهون حاجات كتيره صعبه .ربنا سبحانه وتعالي في بادئ خلقه كان عارف ان الحياة صعبه وعشان كده خلي كل انسان عنده اسره مكونه من اب وام واخوات وزوجه وابناء عشان يقفوا جنبه ويعينوه علي الحياة الصعبه دي بالحب والموده والرحمه. ده اذا كان شرط الجواز يبقي فيه حب ومودة ورحمه.الحياة مش مجرد واجبات بتنفذذها وروتين حياة وبس لا طبعا الحب اسمي علاقة موجوده في الوجود.

هاتيلي مثال لواحد عايش في وقتنا الحالي حياتة مش عاملة زي الآله
الأنسان من ساعة ما بيصحى لحد ما بيدخل ينام عايش في طاحونة الحياة
ما بين عمل و مذاكرة و أداء واجبات إجتماعية و ضغط معيشة من مواصلات و أرتفاع أسعار السلع الأساسية
و دفع فواتير مياة و نور و إيجار و كروت شحن الموبيلات ... و دروس أولاد و مصاريف مدرسة و متابعتهم في الدراسة و مستلزمات الحياة الثانوية
تعتقدي بعد كل دا و الأنسان فيه جواه شئ متبقي للمشاعر اللي يديها لأسرته
تعتقدي بعد كل دة و الإنسان لسة ما أتحولشي لآلة؟؟؟؟

مش معني انك بتجري وتتعب وتشتغل وبتدور في طاحونه زي ما بتقول تبقي حياتك بالشكل الفظيع ده. اصل المشاعر والحب حاجات بتبقي نابعه من جواك وحاجه الواحد بيتولد بيها. بالعكس الحب موجود اصلا عشان يساعدك انك تكمل في حياتك في ظل الضغوط دي .لكن لو مفيش حب جوانا مش هنعرف نكمل هنطق ونموت. في حديث عن الرسول عليه الصلاه والسلام فيما معناه ان الواحد ثلث لطعامه وفي ثلث لبدنه كمان عشان بدنك ليه عليك حق. انا مش حافظه طبعا الحديث اوي. بس الواحد مش عايش في الحياة عشان يبقي زي الطاحونه وبس. ولو عايز مثال علي كلامي انا جيبتلك حد معروف ومشهور وكمان عليه اعباء كتيره في الحياة وهو الاستاذ عمرو خالد. وفي ناس كتيره حواليا بتعرف تدي بيتها حقه وعارفه واجباتها كويس وميمنعش ان يبقي فيه شويه حب تحرك المشاعر اللي جوانا عشان نقدر نكمل.

علشان تبقي صادق في اداء واجباتك لازم تؤديها بحب ومازلت انا موصره علي كلامي في موضوع الحب ده. اذا كان الواحد عشان يؤدي الواجبات تجاه الله سبحانه وتعالي من طاعه وصلاه وصوم وعباده لابد ان الواحد يحب الله سبحانه وتعالي ويخلص في عبادته بكل حب وتفاني منه .ولو معملش كده مستحيل يؤدي العبادات علي اكمل وجه ولو ادي جزء منها بيبقي اي كلام. يعني لو مصلتش بحب هتبقي بتصلي من غير خشوع .وده يعني مثال بسيط علي كلامي.

ملحوظه بسيطه بس لسه واخده بالي منها. مش عيب اني ابقي مش حافظه حديث معين وناسيه جزء منه. احسن ما اقعد ائلف في حديث من دماغي واقول اي كلام.

علي العموم يا اخ حماده شكرا علي ردك بموضوعي وانا فهمت قصدك كويس.وشكرا