سر جنون البقر ... !!!!

من طرف محمد الجندى الإثنين نوفمبر 05, 2007 5:45 pm

سر جنون البقر ... !!!!

صعبان عليا البقر بيغير من الأنسان
نفسه يبقى سياسى نفسه يكون فنان
قلد سلوك البشر فى معظم الأحيان
وأكل لحم أخوه من معشر الحيوان
واللى بياكل أخوه لازم يجيله جنان
***
البقر عمل معارضة واشتكى منى
لأنى شبّهته ببشر فـ كلام صدر عنى
وإن غيرة البشر من لحمى او دمى
مالهاش مكان عندهم .. واللى زاد همى
انه قال: البشر م البقر غيران
***
قلت: هات الدليل وبلاش كلام يجرح
قال: ... فى ساقيته داير صابر ولا بنطح
وجه فى لحظة غدر خدنى على المدبح
عمل جلودنا جزم ... وبلحمنا بيفرح
حتى ابننا الوليد بيشاركه فى الألبان
***
عارف ايه السبب فى الغيرة والعدوان؟
ان عيون البقر فيها جمال وحنان
إتقال فى شِعر البشر لما يكون ولهان
لا عمر البقر قتل ولا سرق أرض جيران
ولا مرة شفت بقر فى العيد دبح إنسان
***
خجلان انا من جنسى انا خجلان
صدق حكيم البقر فى رأيه عالإنسان
كل البقر اتعاملوا مع بعض كالأخوان
اما اخلاق البشر بعدت عن الإحسان
ياريتنى كنت صخر احسن م اكون انسان
***

ياااااااااااه على الروعه

بجد انت فنان

من طرف محمد الجندى الإثنين نوفمبر 05, 2007 5:56 pm

ميرسى أوى على ذوقك

من طرف ميرا الثلاثاء نوفمبر 06, 2007 12:05 am

خجلان انا من جنسى انا خجلان
صدق حكيم البقر فى رأيه عالإنسان
كل البقر اتعاملوا مع بعض كالأخوان
اما اخلاق البشر بعدت عن الإحسان
ياريتنى كنت صخر احسن م اكون انسان