موضوع مهم ارجو الكل يدخل ويشارك...

يا جماعة بجد في موضوع عايزه اناقشه معاكم وياريت تقدروا تفيدوني فيه.ازاي الواحد فينا يبقي من الكاظمين الغيظ والعافين عن الناس؟. يعني ازاي لو حد جرحني باي كلمه اتقبل الكلمه دي عادي ومنفعلش عليه ولا ازعل منه. ولو الكلام الجارح ده بقي كان من اقرب حد ليك سواء اختك مامتك باباك اخوك اي حد قريب اوي ليك. ازاي تقدر تنسي الكلام الوحش ده وازاي متحاولش تتضايق. والمصيبه بقي لو انت انسان حساس جدا ربنا خلقك بتحس هتقابل كل ده ازاي.ياريت تردوا عليا وتعرفوني المفروض الواحد يعمل ايه ومتقولوش اطنش عشان مينفعش اللي بيحس يطنش وميتاثرش بالكلام ده اللي هو كلام جارح اصلا.كمان فيه حاجه ساعات مواضيع كتيره بيبقي الواحد ليه راي فيها مختلف من اراء الاخرين. واهلك بيعتبروا ان رايك ده غلط وانهم هم الصح وبيبصوا ليك انك مجنون ومش واعي لكلام اللي حواليك.هو لازم كل واحد يعمل رقيب علي التاني ماكل واحد رقيب علي نفسه وعارف الصح من الغلط.ليه افرض رايي عليك وتفرض رايك عليا. ما انا بسمعك للاخر وانت كمان تسمعني للاخر وكل واحد بيتحمل نتيجة غلطة. ماهو لازم الواحد يغلط عشان يتعلم ولا انتوا رايكم ايه؟

شكرا يا حماده لمرورك الكريم.

و الله يا مروة انا مش عارف اقول ايه بس بجد انا لما حد بزعئلى فى البيت مش بعرف امسك نفسى و بتنرفز و دى حاجة فيا نفسى اغيرها بس مش عارف و سعات مش بحب اكلم عشان ببقا متاكد ان كلامى هينرفز اللى بيزعئلى بس برجع واقول عيب اللى انا بقوله
و انتى عندك حق كل واحد فينا عايز يفرض نفسه على التانى ودى حاجة فى طبيعة الانسان

ميرسي يا ميدو لردك علي موضوعي ويارب كلنا نبقي من الكاظمين الغيظ العافين عن الناس ونقدر بجد نسيطر علي عصبيتنا.