عارف ...؟؟, لو مش عارف .. هعرّفك

عارف أنا قولت إيه عشان تحس باللى جوايا
عارف أنا قولت إيه عشان يبانلك شوقى وهوايا
انا قولت إنى بموت فهواك . وبعيش من نظرة وانا وياك
وبدوب من لحظة أعيشها معاك . وأتمنى تفضل معايا

عارف أنا حاسة إيه دلوقتى وانت قصاد عنيا
عارف أنا شايفة ليه إن الدنيا دى بين إديا
علشان سنينى معاك عيشتها . وانا نفسى أعيشلك سنين بعدها
وتفوت سنين وسنين قدها . وتكون أجمل حكاية

عارف يا قلبى ليه كل الناس عينهم عليا
عشان أنا مخلوقه ليك وانت كمان مخلوق ليا
ولا بتغيب عن عينى ولا يوم . ولا يكون بينا عتاب ولا لوم
وبكلمة منك أنسى الهموم . ومافيش لغرامنا نهاية