يا خبر اسود ... مصر في التصنيف الثالث في تصفيات المرحلة الت

من طرف حازم امام-14 الإثنين ديسمبر 03, 2007 6:57 pm

الناس عمالة تتكلم عن ال12 مجموعة بتاعة تصفيات أفريقيا في كاس العالم

ولا اعتقد ان حد مش متوقع ان مصر توصل للعشرين اللي في التصفية النهائية

المشكلة اللي عمال اسال عنها كل الناس من ساعة اعلان القرعة هي :

على اساس هيتم تصنيف المنتخبات في المرحلة التانية ؟ ...

مرحلة الخمس مجموعات

المعروف تاريخيا ان التقسيم بيتم على اساس النتائج في كاس العالم

مع وضع الفرق اللي شاركت في اخر بطولة رؤساء مجموعات

يعني كالتالي :

الفرق اللي شاركوا ف كاس العالم اللي فات 2006 مستوى اول :

كوتديفوار - غانا - تونس - توجو - انجولا

الفرق شاركوا من الاحدث لللاقدم 2002-1994 مستوى تاني :

نيجيريا - الكاميرون - المغرب - السنغال - جنوب افريقيا

يعني احنا ح نبقى مستوى تالت لاننا لم نشارك في كاس العالم من سنة 1990 ومعانا الجزائر والكونغو اللي شاركوا قبل كدا

تخيل نفسك ان مصر تقع تني في مجموعة فيها كوتديفوار والكاميرون والا نيجيريا وغانا والا المغرب وتونس

والا يبقى حظنا مية مية ونلاقي نفسنا في مجموعة فيها توجو وجنوب افريقيا والا انجولا وجنوب افريقيا ونصعد تاني مع جنوب افريقيا