المرتزقة أعداء النجاح

ماهذه الحملة المجنونة على الاهلى ورموزه والعاملين فيه ؟؟ماسرتلك الهجمة الشرسة علينا ؟ مادخل أعراض الناس فيما تكتبون يامن ظلما وعدوانا تنسبون انفسكم للصحافة وهى منكم بريئة واحد فى الاهرام موش عارف اسمه ؟ حاجة كده صبرى من يوم مانش ليبيا وهو مشمع الفتلة على جوزيه ليه ياخينا ؟ اصله ما خللاناش نشوف التدريب هو انت فاكر مهنة الصحافة دى أيه؟ أحشر مناخيرى فى اللى ماافهمش فيه مالك انت ومال التدريب ده انت مراسل بس يعنى مخبر يعنى توصل وبس لانه انت لسه مالكش فى ابداء الرأى يعنى ماتعرفش لسه ده سببه اللى قاله والسبب الحقيقى تعرفه ادارة الاهلى المحترمة ولم تذيعه احتراما لمجتمع وقيم تربى عليها كل اهلاوى أصيل ابوه وأمه ربّوه وعلموه الاخلاق والنزاهة وانه مايجيبش سيرة الزوجات بالباطل أو حتى بالحق مالها مرات جوزيه كمان يامحترم ياابن المحترمين هى كانت قالت لك واللاقصدك ايه ؟ وهل من مبادئ ديننا الحنيف تتبع العورات يا أخى ده النبى صلّى الله عليه وسلّم توعد من يفعل ذلك فى عقر داره ده لو كان له دار!! اوحريم يخاف عليها ثم فى النهاية وبعد الشراء واللى واللى النتيجة ايه موش ميزانية الله اكبر فى عنين الحاسدين 202مليون السنة اللى فاتت ودى أرقام قالها ناس أقل مايقال عنهم أنهم رجال صادقين وناجحين ومخلصين معلهش دى صفات بتجيب حساسية للبعض وأنصحهم بالعلاج وهو حاجة ببلاش كده ومتوفر يعنى مكسب مادى فلوووووووس( شاخد بالك ) ومكسب معنوى بطولات الله اكبر تسد عين البعده والسبب التانى يعرفه اللى زقوه لهذه الهجمة الخايبة لعل وعسى الكراسى تتهز لكن ده ايه ده الاهلى تحكمه مبادئ يطول شرحها فما بالك فهمها ؟ هو انت وسعد بتاع المطبوعة ديكهية ما خدتوش بالكوا ايه اللى حصل مع الاعلامى ديكهوه مع انه اشهر منك لما حاول يلعب بديله ويلبس الادارة فى الخواجة ويقوللك دا انا ابن الاهلى وووو وعمل اللى مايعمل فى قناته الملاكى السابقة؟فاشووووووووش!!! ليه ؟ ده الاهلى العظيم تحكمه مبادئ واصول متعارفه ومتداولةجيلا بعدجيل يرأسه أفاضل الرجال ويستوى الجميع فيه فى درجه الاحترام والمسئولية وشرف المهنة يا اخ نمرة 2 كان فين لما سافرت على حساب جريدتك القومية لتغطى رحلة للاهلى لحساب جريدتك الشخصية ناس غرقانة فى الخطايا ويعيبوا على الشرفاء اين انت يا حمرة الخجل من هؤلاء؟ اين انت يانقابة قبل ان يتضاعف امثال هؤلاء ؟أين أنت يامجلس أعلى الصحافة ؟ وكالعادة لامجيب ويبقى الحال على ماهو عليه وعلى اللى يزعل من كلام الناس دولهمه وقذفهم للشرفاء بالباطل ان يخبط دماغه فى الحيط ويطق ليييييييييه أصلها ديمقراطية وسلطة رابعة!!!! وكم من الجرائم ترتكب باسمك ايتها الديمقرطيه ولاعزاء للسلطه الميه وخمسين بعد الالف مليون (اللى هو احنا ) وللحديث بقية مادام فى العمر بقية