الـــــــــــديـــــــــــــن!!!

اشوف لي ناس<ن>تهاون في الدين
وكبر مصيبه من رجال<ن> شيابه
يؤذن المؤذن ولا به مصلين
وبيتن بليا دين يصبح خرابه
متجاهلين الدين وتقول عاصين
ماهمهم هدي النبي والصحابه
مسكين ياللي تجهل الدين مسكين
احساب ربي ماانت قاوي حسابه
ايام معدودات وتباشر الطين
كم واحد<ن>فالوقت غره شبابه
من يتبع دروب الغواء والشياطين
لابد في وقته يحصل عقابه
يوم الحساب ويوم وزن الموازيين
وكل واحد ماله الا كتابه
ماينفعه لو كان عنده ملايين
احطام دنيا مايكفر عذابه
المال ما خلد ملوك وسلاطين
والحق سيف وثابت<ن> في نصابه
من يلتزم بالدين يلقاء براهيين
بييدين واحد مايخيب الرجا به
مكتوبه اعماله بوسط الدواوين
اتوضح اعماله خطاه وصوابه
والفايز اكتابه يجيله باليمين
وفي جنت الفردوس يلقاء ثوابه
ازواج حور العين وحلى بساتين
وفواكه<ن>تأتي بقرب وقرابه
واللي خسر عذابه احجار سجين
تصلاه نار ومن حميم<ن> شرابه
ابكل ماسواه تكتب دواوين
املوك تكتب كل شي برقابه
سبحان من قسم صحاح ومجانين
وبكل مايكتب لعبده رضا به
والله جعل فالناس ناس<ن> موامين
ناس<ن> لهم فالوقت قدر ومهابه
امهللين امكبرين وملبين
والخير لهل الخير مفتوح بابه
اقلوبهم تخشع وتدمع لها العين
متمسكين الدين عزم وصلابه
والله يوفق جمع الاسلام اميــــــن
وصلاة ربي عد وبل السحابه..............