فزورة هديه منى ليكم

3راحوا يشتروا كاسيت من محل علي الناصية فلقوا الصبي بتاع المحل هناك وملقوش صاحب المحل فسالوا الصبي هو الكاسيت ده بكام فقالهم بـ30 جنية فقام كل واحد فيهم دافع 10 جنيه وخدوا الكاسيت ومشيوا لكن لما جه صاحب المحل وملقاش الكاسيت سال الصبي انت بعته بكام فقاله بـ 30 جنيه فصاحب المحل كان راجل تقيي زيي كده فقاله لا ده تمنه 25 جنيه بس روح رجع الخمسة جنية دي للي اشتره منك فالصبي خد الخمسة جنيه ومشي بس وهو ماشي قام واخد اتنين جنيه حاطتطهم في جيبة وادي كل واحد منهم جنيه فبقا يا شطار كل واحد دفع كام يبقي كل واحد دفع 9 جنيه وكلنا عارفين ان 3 في 9 = 27 جنيه ويبقي ده مجموع الي دفعوه ونضيف عليهم 2 جنيه حطهم الصبي في جيبه يبقي 29 جنيه فالسؤال بقي راح فين الجنية الباقي من 30 جنية ؟؟؟؟؟؟؟



وعايزه الحل

اوك يا بوب على العموم حاول انا كدة كدة مش هقول الاجابه انهاردة
علشان اسيب فرصة لباقى الاعضاء انهم يحاولوا

ماشى يا جسى دى فزوره قديمه وانا حليتها من اكتر من 10 سنين
شوفى انتى لما تيجى تضيفى 2 جنيه الى 27 جنيه اللى دفعوهم التلاته غلط لان الاتنين جنيه من ضمن 27 جنيه اللى اندفعوا وتحطى التلاته جنيه اللى اتوزعو عليهم التلاته على ال27 يبقى 30
صح ولالالالالالالالالالالالالالالالالالالالالالالالالالالالالالالا
صح

برافو يادكتور نور
انا صحيح مفكرتش فيها بس ده لانى مش بحب الفوازير
ههههههههههههههههههههههههههههههههههههههههههه
بس يارب تطلع الاجابة صح عشان معدش افكر فيها

لا غلط يا دوكتور نور

معلش فكر تانى

وانتى يا مرمر فكرى بلاش تقفلى مخك كدة

اقفل مخى
طب اجيبلك milk shake
هههههههههههههههههههههههههههههههههههه

اميرة كتب:اقفل مخى
طب اجيبلك milk shake
هههههههههههههههههههههههههههههههههههه

ايه يا زفته انتى هتكتبيه فى المواضيع كلها ولا ايه وربنا مهسيبك

ماشى سهلة
الله يرحم امبارح
كونتى ازاى
ههههههههههههههههههههههههههههههههههههه

jussylove كتب:لا غلط يا دوكتور نور

معلش فكر تانى

لالالا انا متاكد
انها صح ممكن تكون لها طريقه تانيه او تكون باسلوب تانى احسبيها كدا وانتى هتعرفى انى جاوبتها صح
وحطى اجابتك ونتكلم فيها

اوك

المفروض ان تمن الكاسيت الأصلي هو 25 جنيه ولما نقسمه علي التلاتة قبل الصبي ميديهم كل واحد جنية هو 8 جنية لكل واحد ويتبقي جنيه من الـ 25 جنيه وده هنخليه علي الرف ولما الول اداهم كل واحد جنيه بقي كل واحد دافع 9 جنيه يعني 27 جنية والأثنين جنيه الي خدهم الصبي يبقوا 29 جنية والجنية الي شيلناه علي الرف يبقوا 30 جنية

تمام والاجابه دى صح كمان بس احسبى وفكرى فى ردى هتلاقيه صح لان الخطا فى الفزوره انك بتحطى الاتنين جنيه اللى مع الصبى وهما اساسا من ضمن اللى ادافعوه يبقى انتى حسبتيهم مرتين يعنى
كل واحد دفع 9 جنيه يعنى 27 جنيه اللى هم تمن التلفزيون والاتنين جنيه بتوع الولد بمعنى كدا مش ينفع نجمع الاتنين جنيه مره تانيه
وعلى فكره اجابتك صح بس انت فردتيهم وطلعتى الاتنين جنيه بره السبعه وعشرين جنيه ودا نفس حلى
بمعنى انك قلتى 25 + 3 + 2 = 30
يعنى نفس الحل
انما الفزوره عملتيها
25 + 2+ 2
ان شاء الله تكون كدا صح

هههههههههههههههههههههههههههههههههه
انا مش فاهمة ى حاجة خاااااااااااااااااااااااااالص

ليه بس يا اميره اقرى شرحى وان شاء الله هتفهميها

ههههههههههههههههههههههه
حضرتك بتفكرنى بمستر الاحياء بتاعى
بس انا تعبت من الشروحات انا كل حياتى شروحات لسة هعد اقرا كل ده
وبعدين حاولت مفيش ملخص
بجد تعبت
هههههههههههههههههههههههههههه

اميرة كتب:ههههههههههههههههههههههه
حضرتك بتفكرنى بمستر الاحياء بتاعى
بس انا تعبت من الشروحات انا كل حياتى شروحات لسة هعد اقرا كل ده
وبعدين حاولت مفيش ملخص
بجد تعبت
هههههههههههههههههههههههههههه

ماهى الملخصات دى هى اللى نزلت مستوانا
الاعتماد على السهل
ههههههههههههههههههه
بصى وفرى تفكير احسن للكتب انت داخله هنا تفضى مخك وبس علشان ترجعى فريش للمذاكره مش قرف هنا وهناك
ربنا معاك
دا انا كنت بكره المذاكره كره مش عاوز اقولك لولا اخر ايام الدراسه والامتحانات كنت ضعت بس كان مفيش نوم خالص علشان الحق اخلص

صح يا دوك كلامك

بس انا كلامى صح
يبقى انت حليت بطريقة تانيه وهى كمان صحيحة مش غلط

شكرا ليك على اهتمامك

كل الشكر ليكى

ليا طلب يا دوك
انك تحط فوازير ونقعد نفكر فيها اوك

بس والله انا نسيت
كنت عارف فوازير كتييير
وكمان كنت فى مره عملت موضوع فى منتدى اخبارك اسمه
فوازير فوازير
بس اوكى احاول افتكر
وكمان ابو محمود حريف فوازير ممكن يساعدنا فى المواضيع دى

اوك وانا كمان هبقى اجيب فوازير