من حكاوى أصحابى الأنتيم .........

انا بقيت نمرة خمسة ....باركولى
صاحبى : صباح الخير
انا : صباح النور ... جيت متأخر النهاردة ليه
صاحبى : المدير جه
انا : لسه
صاحبى : انا منمتش طول الليل
انا : ليه فيه حاجة لسمح الله
صاحبى : المدام بتاعتى ولدت ولد الفجر وطول الليل صاحى
انا : مبروك يتربى فى عزك دة يبقى ولدك الثالث ربنا يبارك فيه ويخليه
صاحبى : الله يبارك فيك بس دلوقت انا بقيت مواطن نمره خمسه فى مملكتى
انا : يعنى إيه بقيت مواطن نمره خمسة
صاحبى : لا بقيت نمره خمسه فى البيت من نحية الفلوس والإهتمام
انا : المهم من ناحية الحب اكيد انت نمرة واحد
صاحبى : لا برضه نمرة خمسه
انا : لا إنت مزودها شويه عندك تلات ولاد وانت يبقى على الاقل فى الحب انت نمره اربعة
صاحبى : لا برضه نمرة خمسه
انا : ازاى بقى ؟؟
صاحبى : المدام بتحب الاولاد الثلاثة وبعديهم بتحب نفسها وآجى انا بعدهم وابقى نمره خمسة

ياترى ياقارئ هذه الكلمات إنت نمره كام فى مملكتك ؟؟؟؟؟؟؟؟؟؟؟؟؟؟؟

والله لسة يا استاذ حسام مجربتش
ولكن سؤال بجد جميل جدا

المنتدى هنا متوسط الأعمار فيه لسه صغيرة ولكن ممكن نغير السؤال
تحب تبقى نمرة كام فى مملكتك المستقبليه
شكرا على مرورك

hoss65 كتب:المنتدى هنا متوسط الأعمار فيه لسه صغيرة ولكن ممكن نغير السؤال
تحب تبقى نمرة كام فى مملكتك المستقبليه
شكرا على مرورك

يعنى متوسط العمر
حوالى
25 سنة
انا بالنسبة لية السؤال
يعنى ابق فى نفس المرتبة بتاعة الاولاد

سؤال غريب
بس انا مش معاكم بصراحة
لان حب الزوجة للزوج نوع
وحبها للاولاد نوع اخر
ولا يمكن المقارنة بينهم نهائيا
دة رايي المتواضع

محمد عادل كتب:سؤال غريب
بس انا مش معاكم بصراحة
لان حب الزوجة للزوج نوع
وحبها للاولاد نوع اخر
ولا يمكن المقارنة بينهم نهائيا
دة رايي المتواضع

اولا شكرا على مرورك
وفعلا كلامك ممكن يكون تمام أنهم نوعين مختلفين من أنواع الحب
ولكن يأتى حب الزوج هو النوع الأدنى فى المرتبه من حب الأولاد.

انا بالنسبة لية السؤال
يعنى ابق فى نفس المرتبة بتاعة الاولاد[/quote]

اتمنى ياأستاذ محمود ربنا يحقق لك حلمك وتبقى فى نفس المرتبه

معاكم حق

هو انا لحد دلوقتي بنافس على المركزين الأول و الثاني

بس كويس أن صاحبك رقم 5

أفضل من اللي ملهوش ترتيب أساسا

ههههههههههه

الزوجه لازم تحرص انها تكون نمره واحد عند زوجها
مهما كان عدد الاولاد
والعكس برده

انا مع الكلام اللي بيقول أنه لازم يكون فيه تفرقة في هملية الحب

الزوجة حاجة و الأولاد حاجة و الأم حاجة و الأهل حاجة

لكل كيانه الخاص .... و لا يجب أن يطغى هذا على ذاك

لكل وضعة الخاص .....

ما ينفعشي نهائي أني أقول بحب أولادي على أمي أو زوجتي أو أخواتي

كل حد و ليه مكانتة الخاصة في القلب

hamada066 كتب:هو انا لحد دلوقتي بنافس على المركزين الأول و الثاني

بس كويس أن صاحبك رقم 5

أفضل من اللي ملهوش ترتيب أساسا

ههههههههههه

شكرا على مرورك الكريم
وأتمنى تاخد المركز الثانى فى أقرب وقت

نور الاسلام كتب:الزوجه لازم تحرص انها تكون نمره واحد عند زوجها
مهما كان عدد الاولاد
والعكس برده

شكرا على المرور
ودى عمليه صعبة جدا محتاجه مهارات خاصة من الزوجين

العفريت كتب:انا مع الكلام اللي بيقول أنه لازم يكون فيه تفرقة في هملية الحب

الزوجة حاجة و الأولاد حاجة و الأم حاجة و الأهل حاجة

لكل كيانه الخاص .... و لا يجب أن يطغى هذا على ذاك

لكل وضعة الخاص .....

ما ينفعشي نهائي أني أقول بحب أولادي على أمي أو زوجتي أو أخواتي

كل حد و ليه مكانتة الخاصة في القلب

شكرا على المرور الكريم
وده المقصود طبعا بس تقدر ترتب أيهما افضل

سؤال جميل جدا بس بصراحة مش عارفة الاجابة
شكرا ليك على مجهودك الرائع يا حسام

hoss65 كتب:
شكرا على المرور الكريم
وده المقصود طبعا بس تقدر ترتب أيهما افضل

يَوْمَ يَفِرُّ الْمَرْءُ مِنْ أَخِيهِ{34} وَأُمِّهِ وَأَبِيهِ{35} وَصَاحِبَتِهِ وَبَنِيهِ{36}

هل تعتقد أن هذا الترتيب حسب القرب من القلب؟؟؟؟؟

يَوْمَ يَفِرُّ الْمَرْءُ مِنْ أَخِيهِ{34} وَأُمِّهِ وَأَبِيهِ{35} وَصَاحِبَتِهِ وَبَنِيهِ{36}

هل تعتقد أن هذا الترتيب حسب القرب من القلب؟؟؟؟؟

تمام الترتيب حسب القرب من القلب .
وهنا صاحبته وبنيه هما الأقرب وتم تأخيرهم فى الآيه للتفضيل .
شكرا ياباشا على هذه المشاركه الجميله

انا بالنسبه ليا احب ابقى رقم واحد فى البيت زوجى

jussylove كتب:انا بالنسبه ليا احب ابقى رقم واحد فى البيت زوجى

شكرا على المرور الكريم
أحنا ساعات بنحب حاجة لاكن الواقع وإلى بيحصل حاجه تانيه
تمنياتى بالتوفيق