عنيا بتدور عليك ؟!!!!!!!!!!

من طرف KHALOUDA السبت فبراير 09, 2008 10:15 am

WHERE MY LOVE?
صحيح أنا لسه ماعرفكش .. بس دورت عليك كتير ولسه بدور عليك زي ما أنت بتدور أنت كمان... بس أنا مش قلقانة لاني عارفة إن الأوان اللي عينيا هتيجي في عينيك ربي وربك بس هو اللي كاتبه لينا..
تعرف ..أنا دورت عليك وسط كل الناس اللي عرفتهم ..وسط كل حد جديد بعرفه .. حتى وسط الناس اللي بمشي معاهم طريقي كل يوم.
عارف بدور علي إيه؟؟ ... بدور علي واحد بيدور في عيون الناس هو كمان، بس أنا متأكدة إن إحنا الاثنين عنينا هتقف في لحظة واحد عن توهانها ده.
أكيد بتسال واشمعني افتكرتيني دلوقتي؟؟
افتكرتك لاني محتاجلك ...محتاجة لحد أحس أنى اختياره اللي عمره ماهيندم عليه.
محتاجة لحد ارجع آخر يومي اشكي له كل اللي أنا حاسة بيه .
محتاجة لنظرتك القوية لعينيا وأنت بتقولي ماتخفيش.. أبدا ماتخافيش.
محتاجة لثقتك فيا وإحساسك بالفخر وأنت معايا لاني أنا كمان فخورة بيك قوي.
بس بص.... لو مش هتعمل كده يبقي احسن أنى افضل أدور عليك ومالقيكش أبدا.. يبقي الأحسن إننا نبعد حتى من قبل ما نقرب.
كمان أنا محتاجلك تقولي أنا صح ولا غلط... محتاجلك تضحك في وشي لما اعمل حاجة صح .. وتكشر وتقولي ماتعمليش كده تاني لما اغلط.
محتاجلك علشان أنا عارفة انك فاهمني قوي .. بس المشكلة أنى عمري ماهفهمك، أكيد عمري ماهفهم حد زيك .. أنت أروع من أنى أفهمك جثي.
محتاجلك مش عشان أحس انك بتحبني وبس.. لا .. أنا كمان مجتاجلك علشان أحس أنى بحبك.. أنت ماتعرفش أنى فقدت القدرة علي حب الأشياء.
عرفت أنا محتاجلك ليه؟!!
محتجالك علشان تضحك وأنت باصص في عيوني وتقولي لسه في آمل .. ماتخفيش.
محتاجلك علشان نفسي احسن في وقت انك أنت كمان محتاجلي.
محتجالك علشان تدندن معايا أغنيتنا اللي بنحبها إحنا الاتنين...أكيد هتبقي حاجة منير أو يمكن فيروز.
محتاجة لما أكون متخانقة من حد اجي واقعد ازعق واعلي صوتي وأنت باصص لي وعايز تضحك وفي الآخر تقولي يا مفترية خلاص اهدي مايستهلوش.
محتاجلك علشان لما اعيط قدامك تقولي ماتعودتش عليكي كده... اصل دموعي مش عايزة تنزل إلا قدامك أنت وبس.
محتاجة لقوتك وإصرارك إن عمر ماحد هيكسرنا .. وتقولي ازاي يكسرونا واحنا مع بعض.
عرفت أنا محتاجلك ليه؟؟
أقولك إيه تاني اكتر من كده.. أنا عارفة أن أنا لو محتاجة منك حاجة واحدة من دول عمرك ماهتسيبني أكملها حتى... اصل أنت حنيتك دي شئ خيالي.
بالله عليك لو كنت أنت سبقتني ولقيتني ماتحرمنيش من كل الحاجات دي .. علي الأقل ماتحرمنيش من إحساس انك موجود...
بس أنا إحساسي بيقولي انك لو كنت لقيتني فعلا أكيد كنت هحس بيك ... أكيد... مش أنا مخلوقة من ضلعك

ماءخوذ من كلام احدى الفتيات الرومانسيات الباحثات عن الحب فى كل مكان

من طرف **سندريلا** السبت فبراير 09, 2008 9:40 pm

رائح ياخالد الى الامام دائما

من طرف **thequeen** الأحد فبراير 10, 2008 9:35 am

من طرف hoss65 الأحد فبراير 10, 2008 9:58 am

شكرا خلودا
ربنا يوفك وتلاقى إلى بتدور علية
ومتطولش فى التدوير

من طرف KHALOUDA الأحد فبراير 10, 2008 2:06 pm

شكرا سندريلا وكوين وشكرا ياحسام على الشعور النبيل دة

من طرف ahmed_alabd الأحد فبراير 10, 2008 8:12 pm

اذا كان للابداع اهل فا انت اهلة يا خلود

من طرف عروسة الاطلس الإثنين فبراير 11, 2008 4:36 pm

بص يا خالد لو دورت دور بكل حاجة فيك عقلك وقلبك الاتنين سوا عشان متندمش
ربنا يوفقك وتلاقي الي بتدور عليه
لو محتاجني ادور معاك انا تحت الخدمة
هههههههههههههههههه
بهزر معاك
بجد كلامك جميل جدا

من طرف KHALOUDA الإثنين فبراير 11, 2008 4:50 pm

شكرا احمد على كلامك المميز والجميل
وشكرا عروسة الاطلس بجد كلامك جميل ومميز وانا مش عاوز اتعبك معايا هههههههه

عنيا بتدور عليك ؟!!!!!!!!!!

عنيا بتدور عليك ؟!!!!!!!!!!

رد: عنيا بتدور عليك ؟!!!!!!!!!!

رد: عنيا بتدور عليك ؟!!!!!!!!!!

رد: عنيا بتدور عليك ؟!!!!!!!!!!

رد: عنيا بتدور عليك ؟!!!!!!!!!!

رد: عنيا بتدور عليك ؟!!!!!!!!!!

رد: عنيا بتدور عليك ؟!!!!!!!!!!

رد: عنيا بتدور عليك ؟!!!!!!!!!!