يا لها من ذكريات ..

من طرف MASTER الأربعاء فبراير 20, 2008 9:37 am

آه من الذكريات

حكاوى نعيشها . لحظات تمر علينا نظن أنها دقائق أو سويعات سوف تمر مرور الكرام ، وتمر الأيام والسنين وتداعبنا ذكرياتنا ، ما أجمل الذكريات وما أجملها عندما يفتح عقلنا ألبوم الصور وتتناقل بسرعة أمام أعيننا هذه اللحظات . أحداث جميلة وأحداث ، أو حتى نتمنى نسيانها المهم إنها أمست ذكريات . آه مما فات .

أصدقائى ..
ذكرياتنا هى كتابنا الملازم لنا أينما ذهبنا . ( ليس هناك كلمة أسف أصل أنا نسيته فى البيت )
حدثنا عن ذكرى أو كما تريد أن تكلمنا عن ذكرياتك كلما أتيحت لك فرصة التحدث . اشركنا معك ذكرياتك .
هل تتذكر طفولتك . سن مراهقتك . فترة شبابك . دراستك . عملك . حتى لو كنت فاكر نفسك عجوز ( دى تبقى احلى ذكريات ) فحدثونا وأشركونا ذكرياتكم الجميلة أو حتى التى نتعلم منها .

من طرف **الدوحة** الأربعاء فبراير 20, 2008 9:40 am

موضوع رائع وفكرة جميلة يا ماستر
تتذكر طفولتك . سن مراهقتك . فترة شبابك . دراستك . عملك .
اكيد طبعا فاكر
ولكن فى حجات حلوة وفى حجات وحشة
وان شاء الله هكتب بعض الحجات

من طرف ™MR.Spider الأربعاء فبراير 20, 2008 9:46 am

جميل جدا يا مان فى حاجات حلوة ووحشة

من طرف hoss65 الأربعاء فبراير 20, 2008 9:58 am

جميل الموضوع ياماستر
الذكريات هى التى تبعث الأمل للمستقبل
اتذكرها واتمنى ان تعود مرة اخرى ( الجميل منها )
اتذكرها وأحمد الله على انها مرت بسلام ( السيئ منها )
ذكريات عبرت أفق خيالى
اشكرك مرة اخرى على اثارتك لمواضيع جميلة

طيب هبتدي بحاجة طريفة جدا
انا اتعودت في بيت والدي اكل وبس و اتشرط في الاكل
اول ايام الجواز روحت لبيت حماتي طلبو مني اطبخ لهم
يارب اعمل ايه ايه الحوسة دي وانا متعودة اكل بس
بس عندي فكرة في اساسيات المطبخ قولتلهم بشرط محدش يدخل ورايا المطبخ
دخلت جبت كل الخضار حطيتها قصادي وكل التوابل و قعدت ابص ليها يا ترى هعمل ايه و لا ايه
قطعت كل الخضر و حطيتها في طنجرة استوت دقتها ياخبر لو حد داقها بعدي هيهرب
حطيتها في كيس بلاستيك و رميتها
وبعدها قعدت افكر قولت مبدهاش اروح من الباب الوراني للمطبخ عملت طلبية بعدد الاشخاص و جبتها. يعني انقدت الموقف و مانكسفتش قدام الضيوف
بعدها اشتريت كتب طبخ و قعدت كل مرة اجرب حاجة دي الوقت انا يعتمد عليا في العزايم
بس يارب ميعيدو يوم

من طرف MASTER الأربعاء فبراير 20, 2008 10:25 am

عروسة الاطلس كتب:طيب هبتدي بحاجة طريفة جدا
انا اتعودت في بيت والدي اكل وبس و اتشرط في الاكل
اول ايام الجواز روحت لبيت حماتي طلبو مني اطبخ لهم
يارب اعمل ايه ايه الحوسة دي وانا متعودة اكل بس
بس عندي فكرة في اساسيات المطبخ قولتلهم بشرط محدش يدخل ورايا المطبخ
دخلت جبت كل الخضار حطيتها قصادي وكل التوابل و قعدت ابص ليها يا ترى هعمل ايه و لا ايه
قطعت كل الخضر و حطيتها في طنجرة استوت دقتها ياخبر لو حد داقها بعدي هيهرب
حطيتها في كيس بلاستيك و رميتها
وبعدها قعدت افكر قولت مبدهاش اروح من الباب الوراني للمطبخ عملت طلبية بعدد الاشخاص و جبتها. يعني انقدت الموقف و مانكسفتش قدام الضيوف
بعدها اشتريت كتب طبخ و قعدت كل مرة اجرب حاجة دي الوقت انا يعتمد عليا في العزايم
بس يارب ميعيدو يوم

والله انا بأكتب الرد وانا عمال اضحك من هذه الذكرى
كلامك جميل ويدخل القلب
ننتظر باقة من ذكرياتك سيدتى عروسة الاطلس
تقبلى تحياتى .

من طرف MASTER الأربعاء فبراير 20, 2008 11:28 am

محمود ممدوح كتب:
موضوع رائع وفكرة جميلة يا ماستر

تتذكر طفولتك . سن مراهقتك . فترة شبابك . دراستك . عملك .

اكيد طبعا فاكر

ولكن فى حجات حلوة وفى حجات وحشة

وان شاء الله هكتب بعض الحجات

انا فى انتظار حكاياتك وشاكر على المرور بس أوعى تهرب

من طرف MASTER الأربعاء فبراير 20, 2008 11:30 am

حبيب المنتدى كتب:جميل جدا يا مان فى حاجات حلوة ووحشة

ماشى يا أبو حميد
عرفنا انه فيه الحلو والوش شكرا يا سيدى
يا عمونا احنا عاوزين نقرأ عن جمالك وانت صغير وشقاوتك والحركات دى يعنى

من طرف MASTER الأربعاء فبراير 20, 2008 11:35 am

hoss65 كتب:
جميل الموضوع ياماستر

الذكريات هى التى تبعث الأمل للمستقبل

اتذكرها واتمنى ان تعود مرة اخرى ( الجميل منها )

اتذكرها وأحمد الله على انها مرت بسلام ( السيئ منها )

ذكريات عبرت أفق خيالى

اشكرك مرة اخرى على اثارتك لمواضيع جميلة

يا حاج حسام أنا زعلان

من طرف hoss65 الأربعاء فبراير 20, 2008 1:33 pm

لا مش اقدر ازعلك ياماستر

نبتدى الزكريات من وانا عندى 14 سنة
كنت بالعب مصارعة رومانى وفى بطولة منطقة القاهرة ( كنت نفس العام تالت الجمهورية )
وكانت الجوائز فيها طقم تدريب كامل فطبعا بالنسبة لى سهلة وقلت لاصدقائى فى نفس اليوم للبطولة انا رايح اجيب الطقم وراجع على طول .
ورحت البطولة وفى التصفيات الاولى لعبت مع واحد ضعيف جدا وكان فية ريحة سجائر وبعد نصف دقيقة اغمى على ووقعت على الارض وطبعا خسرت المباراة والبطولة من اول نصف دقيقة

اتعلمت ان الغرور وحش اوى

ربنا يكفينا شر الغرور

المرة الجاية ذكريات وانا عندى 17 سنة
تمام

ميرسى جدا لموضوعك يا ماستر

انا هحكى وانا كنت صغيره فى ابتدائى

انا هقولك موقف مضحك انا حكيته قبل كده

كنت اول مره اركب العجله وقولت لنهى خليكى معايا وهيا عاوز تلعب

فراحت سيبانى عن المزلقان وانا ماسك وخايفه وراحا فى طريق

وراجل تانى جاى من بعيد وهو شيك كده وانا مش عرفه حودت ازاى

ودخلت فيه راح واقع والعجله فوقيه وانا فوقيه فالناس قعدت تضحك

وهو فضل يقولى الله يخرب بيتك وبقى كل شويه يشوفنى يضحكلى

كان منظرى وحش اوى

وموقف تانى انا مش عرفه عملت كده ازاى

كان فيه وحده عقلها خفيف عندها اعاقه يعنى

وهيا بتحبنى اوى وكل شويه تمسك فيا فآخر ما زهقت

رحت زقاها على كسر زجاج من الفايض من المحل

البنت اتعورت فى كل حته والدم نازل فبابا راح معالجها

وبرده تقولى مش زعلانه منك

انا استحقرت نفسى اوى

بجد زكرى كانت وحشه

من طرف MASTER الأربعاء فبراير 20, 2008 1:47 pm

hoss65 كتب:
لا مش اقدر ازعلك ياماستر

نبتدى الزكريات من وانا عندى 14 سنة

كنت بالعب مصارعة رومانى وفى بطولة منطقة القاهرة ( كنت نفس العام تالت الجمهورية )

وكانت الجوائز فيها طقم تدريب كامل فطبعا بالنسبة لى سهلة وقلت لاصدقائى فى نفس اليوم للبطولة انا رايح اجيب الطقم وراجع على طول .

ورحت البطولة وفى التصفيات الاولى لعبت مع واحد ضعيف جدا وكان فية ريحة سجائر وبعد نصف دقيقة اغمى على ووقعت على الارض وطبعا خسرت المباراة والبطولة من اول نصف دقيقة

اتعلمت ان الغرور وحش اوى

ربنا يكفينا شر الغرور

المرة الجاية ذكريات وانا عندى 17 سنة

تمام

مش بقولك انت حبيبى
الف شكر على استجابتك وهات اللى عندك
تقبل تحياتى

من طرف MASTER الأربعاء فبراير 20, 2008 1:52 pm

نور الاسلام كتب:
ميرسى جدا لموضوعك يا ماستر

انا هحكى وانا كنت صغيره فى ابتدائى

انا هقولك موقف مضحك انا حكيته قبل كده

كنت اول مره اركب العجله وقولت لنهى خليكى معايا وهيا عاوز تلعب

فراحت سيبانى عن المزلقان وانا ماسك وخايفه وراحا فى طريق

وراجل تانى جاى من بعيد وهو شيك كده وانا مش عرفه حودت ازاى

ودخلت فيه راح واقع والعجله فوقيه وانا فوقيه فالناس قعدت تضحك

وهو فضل يقولى الله يخرب بيتك وبقى كل شويه يشوفنى يضحكلى

كان منظرى وحش اوى

وموقف تانى انا مش عرفه عملت كده ازاى

كان فيه وحده عقلها خفيف عندها اعاقه يعنى

وهيا بتحبنى اوى وكل شويه تمسك فيا فآخر ما زهقت

رحت زقاها على كسر زجاج من الفايض من المحل

البنت اتعورت فى كل حته والدم نازل فبابا راح معالجها

وبرده تقولى مش زعلانه منك

انا استحقرت نفسى اوى

بجد زكرى كانت وحشه

هههههههههههههههههههههه
والله كان احساسى انك شقية فعلا
هل من مزيد

ايوه ده انا شقيه اوى

هحكيلك على كلوا بس استحملنى بقه

Shocked

من طرف MASTER الأربعاء فبراير 20, 2008 1:56 pm

نور الاسلام كتب:
ايوه ده انا شقيه اوى

هحكيلك على كلوا بس استحملنى بقه

انا معاك لحد ما تخلصى
كلى آذان صاغية

من طرف NOHO77 الأربعاء فبراير 20, 2008 2:06 pm

طيب ممكن نسمع منك احلى ذكرياتك يا ماستر واسوأ ذكراياتك

من طرف MASTER الأربعاء فبراير 20, 2008 2:14 pm

قديمة عملتيها قبل كده وانا هنا المعلق فقط
بس ان شاء الله بعدين
لما تفتكرى حاجة قوليها

من طرف NOHO77 الأربعاء فبراير 20, 2008 6:40 pm

باين عليه فقدت الذاكرة
ههههههههههههههههه

من طرف **بطاطس** الأربعاء فبراير 20, 2008 10:52 pm

انا مش فاكر حاجه دلوقتى

بس الفكرة عاجبانى اوى

من طرف MASTER الخميس فبراير 21, 2008 12:10 am

بطاطس كتب:
انا مش فاكر حاجه دلوقتى

بس الفكرة عاجبانى اوى

شكرا يا بطاطس بس وحياتك يا شيخ افتكر كويس
انا وجميع المنتدى فى انتظار ذكرياتك يا جميل وعلى فكرة كل ما تفتكر ذكرى ادخل سجلها معنا

تقبل تحياتى

من طرف **نور الاسلام** الجمعة فبراير 22, 2008 5:35 pm

طبعا انا خوافه جدا
فكان وانا صغيره سهل ان حد يخضنى
فكان كل واحد عنده حكايه يدخل فيه كام عفريت كده
وانا اقعد مش على بعضى ومره واحده حد يعلى صوته
فكان ممكن يجيلى سكته قلبيه من الخضه
فكنا وافقين فى البلكونه باليل وفيه من على بعد كده
بيت اهله سافروا بره وسيبينه
فبيسموه البيت المهجور فلاقينا النور بيلعب فيه
انا كنت هقع من البلكونه من الرعب
ولازالت جبانه جدا وبخاف من اقل حاجه
ولما اروح الدرس الصبح بخدها جرى لحد ما اوصل
وخصوصا وشوش الناس الصبح بتبقى عسل ياخواتى

من طرف MASTER الجمعة فبراير 22, 2008 5:40 pm

هههههههههههههههه
يا خوافة
انا عندى بقى حكايات تخوف هبقى احكيها لك قبل النوم عشان تحلمى بيها باليل

شكرا نور
تقبلى تحياتى

من طرف **نور الاسلام** الجمعة فبراير 22, 2008 5:42 pm

ههههههههههههههههههههههههه

لا والنبى ربنا يخليك

من طرف **نور الاسلام** الجمعة فبراير 22, 2008 5:52 pm

هقول على ذكرى من 10 شهور تقريبا
كنت فى منتدى اخبارك اول منتدى ادخله
واول مره اتعرف على عالم المنتديات
واتكلم مع ناس تانيه فاتفاعلت معاهم ومكنتش بغيب عنهم
معانا واحده اسمها جنه عندها 22 سنه مصريه وعايشه فى السعوديه
زمالكاويه وبجد صديقه بمعنى الكلمه وانا احترمتها جدا
ومكنتش بتزعل من حد ودايما طرف محايد
جيت فى مره غبت فسالت عليا وبعتت ليا رساله وشكرتها وكده
وغبت تانى لامتحانات الثانويه فقولت ادخل اسلم واخرج
لاقيت توبيك بيقول ادعو لجنه عشان مريضه
دعيت لها وزعلت وغبت تانى
ودخلت لاقيت توبيك بيقول ادعولها بالرحمه
ماتت جنه
موصفلكش الصدمه اللى كنت فيها
ربنا يرحمك يا جنه

من طرف **Dr_Hazem** الجمعة فبراير 22, 2008 6:08 pm

توبيك جميل يا ماستر

اما انا بقى عندى ذكريات كتيييييييييير
اذكر لكم واحده دلوقتى والباقى بعدين

كنا فى اول سنه فى الكليه
فكان عندنا عملى تشريح (section anatomy)
فاول section دخلنا المشرحه فكنا اول مره نشوف
جثث فى حياتنا
فانا واقف جنب المعيد وهو عمال يشرح
وكل شويه الاقى واحد من زملائى
على الارض مغمى عليه
ونفضل نفوق فيه
وبعد شويه واحد يقع كمان
والمعيد يفوق
انا رحت سايبهم وماشى

وبعد كده عرفت ان الموضوع طبيعى

لغاية ما اتعودنا على الجثث
وما بقاش يفرق معانا

والى اللقاء فى ذكرى اخرى
ان شاء الله

يا لها من ذكريات ..

يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..

رد: يا لها من ذكريات ..