رسالة مجهولة المصدر

من طرف MASTER الجمعة فبراير 22, 2008 2:09 pm

وصلنى هذه الكلمات فرفضت رفضا قاطعا ان يكون لى وحدى فكونوا معى

رسالة مبارك لشعب مصر 2008

يا شعبى يا حبيبى يا روحى يا بيبى
يا حاطك فجيبى يا ابن الحلال
يا واكل سمومك يا بايع هدومك
يا حامل همومك و شايل جبال
يا شعبى اللى نايم وسارح و هايم
وف الفقر عايم وحالو دا حال
احبك محشش مفرفش مطنش
ودايخ مدروخ و اخر انسطال
لكن لو تفكر تخطط تقرر
تشغللى مخك وتفتح جدال
وتبدا تشاكل و تعمل مشاكل
وتنكش مسائل و تسال سؤال
هبهدل جنابك واذل اللى جابك
وهيكون عذابك دا فوق الاحتمال
هتقبل هحبك هترفض هلبك
هتطلع هتنزل هجيب لك جمال .