حماتك يا راجل..... حماتك يا ست

موضوع الحماة هو موضوع كل الاسر العربية مفيش حد مبيشتكيش من حماتو
هتقولولي لا في ...... هقولك طب بدمتك عمرك محاولت تتفادى غضبها
طب ازاي نعاملها
اقولكم السر...........لالالالالالالا بعد متحكو عن عمايل الحماوات و ساعتها هديكم الحل

انا شوفت الموضوع يا قمر بس حبيت اننا نقول قصص الحماوات يعني ندي للموضوع شكل تاني

بالنسبة للراجل الموضوع يكاد يكون أسهل شوية

لو الراجل قوي و شخصيته قوية الحما ساعتها بتكون حمل وديع خوفا على بنتها و مصلحتها

لكن لو شخصية الرجل مهزوزة الحما بيكون التعامل معاها صعب شوية

بل ممكن تكون مستحيلة ... انا أعرف شخص حماته في بادئ الأمر كانت ملاك

وبالرغم من أن الجميع بيشهد أنها أنسانه كويسه لكن لأن شخصيته مع بنتها كانت مذبذبه

تحولت إلى وحش كاسر بالنسبه له ... المشكلة أن الموضوع قلب على دماغ بنتها لما طلقها

و بدأت المراسلات و الناس اللي عايزة تصلح تدخلوا في الموضوع

و البنت رجعت لجوزها

لكن في النهاية الحما ما بقتشي بتشوف بنتها تقريبا علشان ما تخربشي عليها تاني ...

و جنت على نفسها براقش ....

أما بالنسبة للبنت يمكن مهمتها مع حماتها أصعب في البداية ... لكنها أسها بعد كدا

لو حسست حماتها أنها مراعية أبنها و مخلياه متهني و مش متعكنن أكيد حياتها مع حماتها

هتكون زي حياتها مع أمها بل يمكن أكتر ...

شكرا حمادة على مرورك الرائع

الف شكر يا استاد ماستر على كلامك وردك الرائع

شكرا على مرورك يا استاد سند
الحمد لله ربنا وفقني في موضوع بسيط مخلاكش تناقضني الحمد لله
بس بجد الموضوع دة شائك شوية وموضوع كل العائلات و الحماة المغربية لا تقل باي درجة على الحماة المصرية او العربية بصفة عامة
طب الحماة كان لازم تفكر شوية انها هي كمان كانت زوجة الابن يعني تراعي شوية لزوجة ابنها ولا هو انتقام متوارث طب لو الحما كانت قمر و زي العسل و ربنا يحفضها لابنها يعني مش عايزة تجيب وجع الدماغ لابنها هنلاقي في عوامل خارجية بتحرك نقطة الانتقام دي عند الحماة يا اما اخت الزوج او اخوه او حد من قرايبو بيلاحظ ان العلاقة حميمية بيقول ايه دة هو مفيش مشاكل في البيت دة يبقى لازم اولعها
فتروح تزن على الحما ولو منفعش تروح تزن على زوجة الابن
شيطان بقا و انتو عارفينو لو عايز يولعها يولعها و يقعد يضحك و يتفرج
طب ايه الحل؟ الحل هنا عند الاتنين لا زم ميسمعوش كلام ويخلو الشيطان يتفلق و ياكل نفسو
بس المشكلة ان الشيطان مبياسش بيحاول تاني لحد متولع
ربنا معاكي يا حما وربنا معاكي يا زوجة الابن
نيجي من ناحية الزوج دة لازم يبقى بشخصية قوية يسمع لامو شكواها و يخلي الشكوى في مكانها متخرجش برة و يسمع لمراتو ويخلي الشكوى في مكانها يعني الزوج ممكن يطق .....
بعدين نشوف مشاكل تانية
شكرا لمروركم الجميل