اغنية شعبان الجدية عن الحضرى

الواد أكيد اتجنن .. الواد أكيد اتهف
لو جه هنقول يحنن .. فيه غير الحضري ألف
ايييييييييييييييه

قالوا الحضري كت .. أنا قلت أكيد هزار
و بعديها انكبست .. زي اللي انضرب بنار
ايييييييييييييه

كان لسه في غانا بيرقص .. و قلوبنا بترقص معاه
فرح حسن و مرقص .. و تعبنا كتير وياه
اييييييييييييه

ازاي بعد المحبة .. و الرقص و البطيخ
يغافلنا حبة حبة .. يضرب فينا صواريخ
ايييييييييييييييه

قال ايه الحضري احترف .. رايح يلعب في سيون
يا جماعة الواد انحرف .. شدوا عليه السيفون
ايييييييييييييييه

هتعمل ايه يا حضري .. بالكام مليون دولار
بكره هتعرف يا حضري .. أنك أكبر حمار
اييييييييييييه

هتعمل ايه يا حضري .. بالكام مليون يورو
سيبوه .. هيتوه هناك .. و اللقمة تقف في زوره
اييييييييييييييه

يا حضري فاكرها ايه؟ .. فاكر الدنيا ظايطة
ضحكت عليك الخلق .. و كسفت الدمايطة
ايييييييييييييه

قالوا الحضري احترف .. أنا قلت مين وراه
بكره الدنيا تدور .. و هنسمع منه الاه
ايييييييييييييه

النادي الأهلي حبيبنا .. النادي الأهلي كبير
لو راح الحضري في داهية .. بكره هيلعب أمير
اييييييييييييييه

شمت فينا الغير .. و هربت زي الحرامي
مش ده خليفة شوبير .. و لا ثابت و لا اكرامي
ايييييييييييييييه

النادي الأهلي عظيم .. بانجازاته الكبيرة
مش عايزينك يا حضري .. في قلعة الجزيرة
اييييييييييييييه

اخر كلامي هقول .. القلب عشانه داب
الفاتحة يا رجالة .. على روح عبدالوهاب اغنية شعبان الجدية عن الحضرى Ani0512qh2