كيف تحافظين علي الحب في حياتك كل ساعة؟

MASTER كتب:تسمعوا منى ولا مش فاضيين
حتى لو مش فاضيين
انا هقول ورزقى على الله ... شوفوا ياسيادنا .. حد سمع عن القناعة الزوجية
بمعنى تعرفوا كيف يقتنع الزوج بزوجته والزوجه بزوجها بجميع حالاتهم ، نفسية . مادية ، شكلا ، موضوعا ، كله على كله زى ما الناس بتقول .
يعنى متجيش الست تقول .. زيزى بنت خالى اشترت كذا ، اشمعنى انا ، هاتلى ، اتصرف . تنشال تنحط لازم تجيب . مع اختلاف الرقة من واحده لواحدة ممكن تفهمه بأيد المكنسة ، وممكن تطلب بشوية دموع ودلع وتمنع .
هو ... شاف مرات صاحبة بتفتح الباب له . بدل ما يتفضل وعينة على الارض . لا قارن بينها وبين مراته . يا بخته صحبى ، وهباب اسود على دماغ اللى فى البيت .
دى امثلة والامثلة كتير . مطولش عليكو .. مفيش قناعة مع اختلاف الطبقات ( لكن مع محاولة الوصول للاحسن طبعا )
المشكلة فى القناعة ، كيف اقتنع بزوجتى أو اقتنع بزوجى . كيف اعرف امكانياتنا ، كيف نعيش ، كيف نحدد طلباتنا والتزاماتنا ومتى نعرف حدود الطاقة المادية وكيفية التعامل بالكلمة بينهما وعلاقتهم بالآخرين وكيف نكون اكثر رقه فى التعامل والمظهر ومع ما قالته اختنا ميرا مع ان اللى بتقوله ده هين وسهل ومقدور عليه . لو اقتنعنا بما نحن فيه وحاولنا التحسين إلى الافضل ، بدون اى شىء تستمر حالة الحب بين الزوجين إلى ان تصل لدرجة التوحد .
شكرا ميرا ... اسف للازعاج .

ميرا كتب:شكرا لكل الردود الجامده دي وشكرا يا ماستر علي كلامك الرائع وانت يا جندي متقلقش لما نتجوز هنفذ كل الكلام ده هههههههههه .فعلا يا جماعه لو كل واحد وصل لدرجه قناعه كبيره بشريك حياته هيقدر يحقق السعاده الزوجيه وشكرا لكل اللي رد عليا