الخصخصة

من طرف hoss65 السبت مارس 01, 2008 2:38 pm

الخصخصه
يعنى ايه خصخصه
كلمه انتشرت فى الفتره الاخيره فى الصحف والمجلات فى الخطابات والاعلانات
هى ايه الخصخصه؟
الخصخصه هى كلمة اقتصاديه المقصود بيها تحويل القطاع العام للقطاع الخاص
يعنى أعطاء القطاع العام لمستثمرين ورجال اعمال سواء بالبيع او المشاركه او باعطاء حق الاداره للقطاع الخاص مقابل نسبه من الارباح
يعنى زى مابنجيب مدرب اجنبى من بره يدرب المنتخب.
طب ايه الفايده اللى هتعود علينا من اننا نبيع القطاع العام ونحوله لقطاع خاص؟
هو احنا اساسا نبيع ليه القطاع العام؟
نظرا للخسائر الكبيره اللى حققها القطاع العام فى معظم المجالات (ان ماكانش كلها)
ادى ذلك الى بيعه عشان الناس اللى تشتريه تشغل المصانع والهيئات المباعه بصوره تجيب ربح بدل الخساره اللى قطمت وسطنا
والفايده هنا ان لما القطاع الخاص يشترى الشركات الخسرانه دى هيدور على ازاى يحولها من الخساره للربح ولما الشركات دى تتحول لربح الاقتصاد هينتعش ولما الاقتصاد ينتعش ويقف على حيله, عجله التجاره والتوظيف هتمشى ، معدل البطاله يقل
مستوى الدخول يرتفع ، يحصل رواج فى البلد من الاخر الحياه تبقى احلى
طيب امال الناس بتشتكى ليه؟
لان للاسف الخصخصه فى مصر بتتطبق غلط , الحكومه بتبيع بالرخيص
رجل الاعمال بيشترى المصنع او الشركه عشان يسرح العمال ويديهم مكافأة نهايه الخدمه (كتر خيره) ويقوم قافل المصنع وبايع المكن خرده ويهد المصنع ويبيع ارض المصنع بالملايين ويطلع كسبان فوق اللى دفعه الطاق طاقين .
وطبعا مش هى دى الخصخصه لان بالمنظر ده مش هنلاقى مصانع فى البلد
ده غير ان الحكومه عماله تبيع بس مش بتبص للنظامين التانين خالص
طبعا اثار الخصخصه مش باينه
البطاله فى ارتفاع
الانتاج بيقل
المشكله مش فى نظام الخصخصه انما المشكله فى تطبيق نظام الخصخصه

من طرف **نور الاسلام** السبت مارس 01, 2008 3:33 pm

نظام الخصخصه انا درسته على خفيف
له اهميه حلوه جدا وخصوصا اتقان العمل

المشكله فعلا سوء البيع ومش فاهمين يطبقوه صح
وبدل كده بلاش البيع لاحسن فى الاخر نطرد

شكرا يا استاذ حسام

من طرف hoss65 السبت مارس 01, 2008 4:20 pm

تمام يانور
اشكر مرورك

من طرف **سندريلا** الثلاثاء مارس 18, 2008 8:48 pm

الخصخصة

الخصخصة

رد: الخصخصة

رد: الخصخصة

رد: الخصخصة