أنـــــــا بتـــــكـســــــف

من طرف الحضرى الخميس مارس 13, 2008 7:33 pm

بسـم الله الرحـمن الرحيـم

*******************

* طبعـاً الكـسوف دة شىء طبيعى فى البنـات وكلنا عارفين كـدة

بس هل طبيعى بردو فى الـشبـاب ؟؟؟

دة إللى عاوز أكـلم معاكوا فيه واشوف إذا كنتو مؤيدين الفكـرة من أصلها ولا لأ

فى شبـاب بتتكسف من نحية إنها تكلم بنت مثلا زميلته فى الكلية

فى شـباب تكسف تحط عينيها على بنت فى أى حتة

فى شـباب ميعرفوش يكلموا مع حبيبتهم مثلا لإنهم بيكسفوا يكلموا فى كـلام الحـب والغرام مثلا

فى شبـاب تتحرج تـطلب حاجة من أى حـد سواء ولد أو بنت متفرقش

يا ترى الكسـوف فى الولد شىء طبيعى وكويس يا جماعة , يعنى معنى إنه مكسوف إنه إنسان محترم وكويس

ولا لما يكون إنسان طبيعى يبقا أحسن ؟؟

أنا طبعا ماقولتش إنه يبقا بجح وجرىء لإن الشـىء إللى يزيد عن حـده يتقلب لضده

بـس فى حالات معينة ينفع الولد يقول على نفسه بيتكسف لمجرد إنه بيتحرج مثلا

أنا مش قادر أستوعب بصراحة ومش معنى كـدة إنى بحتقر مثلا إللى بيكسفوا

وفى نفس الوقت مش بطالب إن الشباب تكون جريئة

بس هو بنـات تحـب إن خطيبها أو حبيبها يبقا مكسوف مثلا ولا تحبه عادى على طبيبعته

أصل خيـر الأمور الوسـط ولا تبقا كـدة ولا تبقا كـدة

* هـل سبب كسـوف الولد دة بيبقا نابع من تربيته والبيت إللى عايش فيه ... أكيد النقطة دى ليها عامل كبيـر

* هـل دة طـبع طبيعى فى الولد وشايف إنه عادى وهو بيـه كـدة طالما مش بيضـر حـد

* هل ممكن يأثر عليه فى مستقبله وحيـاته

أنـا عاوزة أعـرف رأيكم بكل صـراحـة وهل الكسـوف فى الـولـد دة ميزة ولا عيـب

( منقـــــــــــــــول )

من طرف ™MR.Spider الجمعة مارس 14, 2008 11:47 am

الكسوف شيى جميل يحفظ الحياء عند الولد ولكن الكسوف الزائد غلط

من طرف الحضرى الجمعة مارس 14, 2008 2:45 pm

حبيب المنتدى كتب:الكسوف شيى جميل يحفظ الحياء عند الولد ولكن الكسوف الزائد غلط

شكرا على مرورك يا حبوب ورأيك الجميل

من طرف **سندريلا** السبت مارس 15, 2008 7:20 pm

شكرا ليك ياحضرى
على الموضوع الرائع

من طرف ميرا السبت مارس 15, 2008 11:34 pm

هو موضوع جميل جدا يا حضري وانا هجاوبك عليه
بالنسبة لموضوع كسوف الولد هو بيبقي ساعات كتيره نابع من البيئة اللي متربي فيها وطريقة واسلوب تربيته كمان بتاثر في طريقة خجله وكسوفه وموضوع انها تاثر عليه وعلي حياته في المستقبل طبعا اكيد هتاثر كتير .وانا عن نفسي محبش ارتبط بواحد بيتكسف لان الخجل والحياء من صفات البنت ولو مش موجوده في البنت متبقاش بنت
لكن الولد معروف برجولته وعقله وشخصيته القوية ولو بيتكسف يبقي في راي اي بنت انسان ضعيف ومش هيملا عينها بجد.لان البنت بتحب الرجل القوي صاحب الشخصية القويه والعاقله .وشكرا

من طرف الحضرى الأحد مارس 16, 2008 7:05 am

ثانكس سندريلا للمرور

وشكرا يا ميرا على ردك الجميل

من طرف lovly girl الأربعاء مارس 19, 2008 10:48 pm

اولا ميرسي يا حضري علي الموضوع الجامد دا
ثانيا انا اتفق مع ميرا في اني محبش الولد اللي بيتكسف لانة كدا ساب للبنت اية
واتفق معاك في ان خير الامور الوسط وان الشئ لو زاد عن حدة اتقلب ضدة
ودا بيبقي غلط الاهل اللي بيدلعوا الولد ويربوة علي انة بنوتة في كل حاجة
حتي الكسوف دا ممكن يعتمد علية ازاي وازاي يفتح بيت ويتحمل مسئولية اسرة كاملة