فضفض وهات الى فى قلبك

thequeen كتب:

خير يا أستاذ حسام
اعملك شاى يظبطلك المزاج؟

thequeen كتب:

تحت امر حضرتك
بس بلاش تكشر كدة
ايوة حلوة الابتسامة دى

شكرا للتفاعل ... وان شاء الله الكل يتفاعل .. ويفضفض ويقول كل اتلى فى قلبة

انا بقا مش عارف اروح الكليه ولا لا ... متردد......... مش عارف ليه ؟؟؟

بجد موضوع جميل يا محمود وفكرته حلوة اوي
بس صدقوني ساعات السكوت بيبقي احسن من الكلام والفضفضه عشان ساعات الكلام بيوجع ويجرح جامد صاحبه. بس مش معني كلامي اني متضايقه هههههه لا الحمد لله علي كل حال انا بخير ومزاجي كويس الحمدلله ولو لاقيت نفسي متضايقه في يوم هدخل واكتب كل اللي جوايا وبالنسبه لكلام نهله .هي عارفه انا بحبها قد ايه وبجد هي بني ادمه بجد رقيقه ومحترمه جدا وبشوشه كده وانا بحبها اوووي وربنا يوفقك يا نهله

نور الاسلام كتب:

فكره جميله يا حوده

انا نفسى اقول الكلام ده من زمان



انا بنت بسيطه جدا بسيطه فى كل حاجه عمرى ما حبيت انى اتكبر

ولا احسس اللى قدامى بده لذلك بحب اعيش عيشه اللى حواليه

بحب شويه حاجات قليل اوى اللى يفهمنى غير اغلب البنات

يعنى بعمل شويه حاجات بحيث اعيش مع الحدث ونفسى القسم

اللى انا فيه يكون فيه احسن طلبه واحب المعلومات اللى عندى تكون عندهم

لذلك بساعدهم بطريقه غير مباشره وبسالهم اسئله كده

كتير منهم لما بيشفونى بيقولوا عليه سوسه مش فاهمه ليه

وكتير بيقول عليا بشوشه لانى على طول مبتسمه

كتير منكو ممكن يفتكرونى كئيبه ولكن انا فى الطبيعه مش كده خالص

وانا بحب انى اكون هاديه جدا ولكن عشان محسسش اللى ادامى انى مش عوزه اكلمه

فببداء انا الكلام واهم حاجه فى حوراتى انى لازم اضحك اللى ادامى لانى بكون مبسوطه جدا

واحب صحابى يكونوا اصدقاء بجد وعمرى ما حبيت واحده عندها لامبلاه وده كتير بشوفه

انا اه معنديش اصحاب فى القسم ولكن عندى فى قسم تانى تصدقوا لو قولتلكوا انهم

بعد المحاضره بيفضلوا يدوروا عليا واول ما يشفونى يخدونى فى حضنهم ويوقوللى وحشتينا

مع ان ممكن اكون معاهم قبليها بيوم ولكن للاسف مش معايا فى القسم بتاعى

ممكن تفتكرونى زاى الممثلين فى طريقه كلامهم واحاسيسهم بس والله الكلام ده جوايا انا ونفسى اخرجه ومش بخرجه الا هنا فى المنتدى

انا بتكسف جدا من اقل حاجه وبتحرج برده من اقل حاجه لذلك ليا رجاء

لو زعلت حد يبعتلى على الخاص ويقولى انتى زعلتينى وانا هحذف المشاركه على طول

ولكن محدش يحرجنى ادام الكل ياريت

وكلامى معاكم لو فهمتوه حاجه غلط قولولى برده

لان كتير بيفهمنى غلط ومش بيرضى يقول

اى حاجه انتوا شايفنها غلط انا عملتها قولولى برده

دى حاجه تبسطنى مش بتزعلنى

ازيك يا نور الاسلام .. هو مش اسمك نهلة ؟؟ انا متلخبط خالص

انتى غيرتى اسمك ؟؟؟؟ ما علينا .... منورة التوبيك والله .. انا معاكى

ان الانسان ممكن مايكونش صداقات جوة مجتمعة زى القسم بتاعه او حتى جوة الكلية

يعنى انا صاحبى المقرب منى مش معايا خالص فى الكليه ... لكن احذرى الانطواء لان

الحاجات الى انتى قولتيها دى علامة من علمات الانطواء انتى مش كدة بس مع الوقت ممكن

تكونى منطوية عن نفسك ...... وحكاية سوسة دى هى اقرب للصحة هههههه .. شكرا لمرورك

بطاطس كتب:

انا مفيش حاجه معينه نفسى اقولها
ولكن برده اهو عشان تعرفوا البطس اكتر
ههههههههههههههههههه
انا شبه نور فى حاجتين
اللى انا بتكسف نوعا ما
وبسيط
غير كده انا عكسها تماما
طول النهار بضحك
ومش بروح الكليه بقالى فترة
العيال اللى معايا فى الكليه
لو اطول اجيب رشاش و اولع فيهم كلهم
هيحصل
هههههههههههههههههه

وغير كده انا مش عارف نور عرفت تكتب الكلام ده كله ازاى
هههههههههههههههههههههههههه
انا كاتب سطرين بالعافيه هههههههههههههههه

يلا كفايه كده

التوبيك ده ظريف على فكرة
شكرا يا نحنود
ههههههههه

ازيك يا بطس .. منور التوبيك يا مان ... حوار الكليه دة

انا كمان بقالى كتير مارحتش انا خايف انسى .. شكلها

وسيبك من نور دى بتكتب الكلام دة من كتب عندها يا عم

مش احنا بنكتب الى عاوزين نكتبة من جوانا .. وشكرا لمرورك يا بطس

ميرا كتب:بجد موضوع جميل يا محمود وفكرته حلوة اوي
بس صدقوني ساعات السكوت بيبقي احسن من الكلام والفضفضه عشان ساعات الكلام بيوجع ويجرح جامد صاحبه. بس مش معني كلامي اني متضايقه هههههه لا الحمد لله علي كل حال انا بخير ومزاجي كويس الحمدلله ولو لاقيت نفسي متضايقه في يوم هدخل واكتب كل اللي جوايا وبالنسبه لكلام نهله .هي عارفه انا بحبها قد ايه وبجد هي بني ادمه بجد رقيقه ومحترمه جدا وبشوشه كده وانا بحبها اوووي وربنا يوفقك يا نهله

شكرا يا ميرا على مرورك .. الجميل دة

فعلا السكوت بيبقا مطلوب لكن فى اوقات بنبقى لازم نتكلام .. زى المقولة الى بتقول ابكى علشان ترتاح ..... انا بقا بقول اتكلم علشان ترتاح .. وترمى همومك على غيرك .. واعتقد الفكرة دى
بتقربنا جدا من بعض كأعضاء واسرة واحدة مع بعضينا نبقا اسرة مع بعضينا (زى خالد الصاوى )