حوار بين القلب والعقل .....

من طرف hoss65 الخميس مارس 27, 2008 2:48 pm

القلب : انا هفضل مع حبيبى اللى جوايا

يرد العقل : لأ مينفعش لازم تاخد اللى يحبك ويحافظ عليك وإلا هتتعب

القلب : بس انا بحب حبيبى ومش قادر اسيبه

يرد العقل : اهم حاجه يكون هو كمان بيحبك وتكون متأكد انه هيحافظ عليك

القلب : بس انا خايف منه علشان ممكن يسبنى

يرد العقل : شوفت اديك قولت خايف يسيبك يعنى مفيش ثقه وممكن فى اى لحظه يجرحك

القلب : طيب انا محتار اعمل ايه اكمل ولا اسيبه

يرد العقل : انا عندى اقتراح حلو اوى ايه رأيك هتسمع ولا مقولش احسن

القلب : بس يكون اقتراح هين مش صعب

يرد العقل : بص يا سيدى احنا نتحد مع بعضنا ونفكر احنا الاتنين فى نفس الوقت وبكده مش هيبقى فى حيره ايه رأيك

القلب : ده فعلا اقتراح حلو اوى بس ياللا نبتدى بالتفكير بسرعه علشان انا تعبت

يرد العقل : طيب كل واحد فينا يقول حل وبعدين نتفق

القلب : خلاص ابدء انت الاول وقولى الحل بتاعك

يرد العقل : بص المفروض احنا نختار اللى واثقين فيه واللى بيحبنا ويكون مش بيضحك علينا

القلب : طيب واللى جوايا وبحبه اعمل فيه ايه

يرد العقل : انا قولتلك بس تفكيرك ده اللى هيسبب الحيره وهيتعبنا

القلب : انا مش عارف اعمل ايه خلاص انا هحاول انسى اللى جوايا

يرد العقل : انت كده تمام وانا هحاول اساعدك وابعد تفكيرى فى اللى جواك

القلب : وانا بشكرك على وقوفك جمبى وبكده الحيره اكيد هتروح ونعرف نعيش مستريحين

يرد العقل : بس اهم حاجه تعمل اللى قولتلك عليه علشان نرتاح بجد ونشوف اللى بيحبنا بجد ويخاف علينا

القلب : يارب معانا ويقدرنا

العقل : يا رب

وده كان حوار مابين القلب والعقل بس قلبى وعقلى انا ومش لوحدى برضه علشان فى كتير بيبقوا

محتارين ما بين قلبهم وعقلهم وياريت يستفادوا من الحوار ده ويحاولوا يفكرو فى كل حاجه

بقلبهم وعقلهم مع بعض وربنا يوفق الجميع

من طرف عاشق الابيض الجمعة مارس 28, 2008 11:19 pm

موضوع جميل جداااااااا ........ بس اعتقد القلب والعقل لايتفقوا .. ولو اتفقوا يبقى صاحبهم غير عادى ...... شكرا للموضوع يا حسام

من طرف hoss65 السبت مارس 29, 2008 9:30 am

شكرا ياعاشق على مرورك ورايك

حوار بين القلب والعقل .....

حوار بين القلب والعقل .....

رد: حوار بين القلب والعقل .....

رد: حوار بين القلب والعقل .....