هل تقبل بان تكون زوجتك اكبر منك او زوجك اصغر منك شارك برأيك

يعني مثلا لو الفرق 5 سنين ولا حاجة
لما يبقي عندها 40 سنة انت حيبقي عندك 35 يعني بالبلدي هي بتخلص وانت لسة في شبابك لازم الموضوع يبقي فية عقلانية شوية

بص يا ماجد السن مش كل حاجة يعني فية ستات بيبقي عندهم 45 وتشوفها تقول دا عندها 25 سنة مش شرط انها تبقي بتخلص زي ما انت بتقول
وفية راجل يبقي سنة صغير بس لما تشوفة تقول علية دا كبيييييييييييير وعجوز
الشكل مش مقياس
المهم انهم يكونوا متفاهمين وبيحبوا بعض وباقين علي بعض
يعني انا مش شايفة ان عامل السن دا مشكلة بس برضو ميبقاش اوفر يعني ميكنش الفرق 10- 15 سنة يعني سنة اتنين تلاتة يبقي كويس وكمان علشان يبقي المستوي العقلي متقارب في التفكير ميكونش كل واحد فيهم في وادي
وميرسي ليك يا ماجد علي طرحك للموضوع المهم دا

الجواز مودة ورحمة واولا وحاجات تانية برضة والكل لازم يتواجد لكي تنجح تلك الزيجة
دة رأيي

والله زمان ياباشا اتفق برضة معاك في هذا الرأي مش اكتر من سنة او اتنين بالكتير

ممكن يكون فيه بس نادر جدا
وانا مش معترضه المهم الشخصين نفسهم هما احرار
معتقدش انى ممكن يحص معايا كده
بس مين عارف

شكرا يا ماجد

مين عارف دة قدر ومكتوب يانهلة

شكرا يا ماجد علي طرحك للموضوع المهم ده
وانا رايي بجد ان موضوع السن ده حاجه بين الاتنين وهم اللي يتكلموا فيها ولا حد من اهلهم ليه انه يتكلم فيها خالص. بس اكيد لو جواز صالونات وكده هيختلف الموضوع عن الجواز عن الحب وانا اعرف ناس كتيره جدااااااااااااا متجوزين والبنت اكبر من الولد ومادام الواحد موافق علي المبدء ان البنت ممكن تكون اكبر من الولد يبقي مش هتفرق سنه او اتنين او تلاته حتي. مفيش حاجه مشروطه ومحدده تقول انها تبقي سنه او اتنين بس .وبعدين ممكن البنت يكون شكلها صغير جدا اصغر من سنها الحقيقي بكتير ويبان شكل الولد اكبر منها بكتير .وانا شايفه ان الموضوع نسبي من شخص لشخص. مش قاعده عامه يسلم بها كل واحد وحريته ووجهة نظره الشخصيه.

شكرا لمداخلتك ياميرا لأن فية واحد صاحبي بيحب واحدة وهي بتحبة بس فية مشكلة انها اكبر منة بسنتين وانا اعرفهم جدا هما الاتنين وهي سألتني انها مرة ناوشت اهلها وقلتلهم لو حد اصغر مني اتقدم اية رأيكم قالولها لية من قلة العرسان وكمان البنت جميلة جميلة فأهلها ممكن يقفوا في هذة الزواجة اعتقد كدة