عندما تغرقنا الدموع وتؤلمنا الاحزان

فى بعض الاحيان نجد ارواحنا وقد تملكها بعض الضيق وغرقت فى امواج الحزن دون اى سبب وعندما يبادر احدا من المحيطين بنا موجها تساؤله لنا ما الذى حدث ما الذى حدث ليجعلك غارقا فى احزانك لهذه الدرجه ونجد انفسنا نجيبه لاشئ وبرغم ان من وجه لنا التساؤل يظن فى داخل روحه اننا نريد ان نحتفظ باحزاننا لارواحنا ولكن الحقيقه اننا فعلا لانعرف ماالذى حدث لنا هل فعلا عشقت قلوبنا الا حزان وبات معتادا لها تلك الدموع ام دائما يحيطها ماضيها ويذكرها دائما بالامها هل هذا الذى يحدث لنا بدايه انزلاق قلوبنا الى طريق الياس ام بدايه النهايه لصفحات قلوبنا فى عالم الاحبه والعشاق هل هو احساس بالتقصير من جانب قلوبنا باننا لم نحافظ على ما كان عنوان للسعاده والفرح فى حياتنا ونجد كثيرا من الاسئله تغمر ارواحنا هل حقا لقد ضل الفرح طريقه الى قلوبنا هل فعلا نحن قلوبنا لا تستحق ان تحيا ولو لحظات فى عالم الاحبه والعاشقين هل ما نحن فيه نتيجه اى ظلم ارواحنا لاى من البشر يوما ما ونجد دموعنا تغرق جبهتنا مره باكيه على ما نحن فيه ومره متمنيه لنا حلما تمنينا ان نحياه يوما فى واقعنا وكم كنت اتمنى ان اسطر نهايه جميله لتلك الكلمات ولكنى مثلكم احيا على امل ان يكون قدرى رحيما بى ويهدينى يوما الى طريق الفرح والحب والاطمئنان الى ما هو اتى فلنتشبس كلنا بالامل والتفاؤل بانه ابدا لن نعيش دوما فى عالم الاحزان والفراق

شكرا يا حودة
ولا انا انا ساعات اكون مبسوطة وكويسة وعادية ومرة واحدة
الدنيا تقلب نعاية وابقى زهقانة وقلقانة وخايفة واعكنن الدنيا من غير سبب
بزهق كتير اوى

والله يا اميرة انا فى معظنم الاوقات فى حاله من الكابه بس دى عند معظم الناس
وساعات كتير بحس بقلق وخوف وقلبى مقبوض مع ان الدنيا بتكون ماشيه عادى
وساعات تحس انك عايز تضحك على اى حاجة بس دى بتبقى قليله اوى

ههههههههههههههههههههههههههه
كل الناس بتمر بالحالات دى
بس اكتر حالة بتتعبنى لما بحس بخوف وقلق وان قلبى مقبوض
ربنا يفرحنا كلنا ان شاء الله

يارب يا مرمر

شكرا يا اميرة على الموضوع
انا برده سعات كتير ببقا تعبان نفسيا و بتوهم بحات هتحصلى
و ببقا خايف جدا وانا الخقيقة من النوع القلق شوية و التوهم ده بيتعبنى جدا و باذن الله خير
و شكرا على موضوعك الجميل

mido zamalek كتب:شكرا يا اميرة على الموضوع
انا برده سعات كتير ببقا تعبان نفسيا و بتوهم بحات هتحصلى
و ببقا خايف جدا وانا الخقيقة من النوع القلق شوية و التوهم ده بيتعبنى جدا و باذن الله خير
و شكرا على موضوعك الجميل

واللهى التوهم ده بتعب ناس كتير وبينغص عليهم حياتهم
بس ناس كتير كدة ودى سنة الحياة
بس ربنا يبعدنا عنه
اللهم امين
ومتقلقش من حاجة طول ما بتقول يارب
يبقى خلاص
كله يتحل

نور الاسلام كتب:

انا بقه لما قلبى يكون مقبوض كده ويدق كتير اعرف ان هيحصل حاجه هتزعلنى وفعلا بيحصل بروح معيطه عشان اخفف عن نفسى

معلش يا نهلة
انا اتعلمت ان مفيش اى مصيبة تحصل فى الدميا الا وليها مخرج او حل
بشرط هدوء الاعصاب
عشان تتحل
وربنا يعديها على خير