هل فاقد الشيء لا يعطيه؟؟؟

السلام عليكم و رحمة الله و بركاته...

هل فعلاً فاقد الشيء لا يعطيه؟؟؟.....

الكلمة دي بنسمعها و بنقولها...و أحياناً بنؤمن بيها...و هي_من وجهة نظري_فيها من المنطق...

يعني لو فرضنا شخص اتربى على القسوة و الجحود....ياترى نتوقع تعاملاته و تربيته لأولاده شكلها ايه..!!!!!..

بني آدم تاني اتربى ع البخل...في كل حاجة...بخل المادة...بخل المشاعر و العواطف...هل ممكن نتوقع إنه في يوم من الأيام هنشوف الشخص ده جياش المشاعر...!!!!!!....

بس يجي الواقع...و يعلنلنا بكل صراحة....إنه في حالات كتير لناس اتعذبت و اتهانت طول حياتها من أقرب الناس ليها...مع ذلك ما حاولتش إنها تورث أي عدائية لأبنائها....


هل ياترى فعلاً فاقد الشيء لا يعطيه؟؟؟؟؟.....
ايه اللي بيحكمنا أكتر و بيرسم ملامح شخصياتنا....هل هي طبيعتنا اللي اتخلقنا عليها؟؟؟و لا البيئة اللي نشأنا و كبرنا فيها؟؟؟...
و لا عوامل تانيه غير دي؟؟؟؟....

في إنتظار ردودكم...

بسم الله الرحمن الرحيم
المثل طبعا صحيح
فاقد الشىء لا يعطيه
ولكن دعنا نبحث فى معانى هذا المثل
فالأب الذى تربى على البخل أو الأهانه ليس من الضرورى ان يعامل ابناؤه
كذلك لانه يمكن ان يكون بداخله الكرم والحب
يعنى انا مثلا والدى رجل عصامى يعنى تعب جدا وهو صغير وبالرغم من ذلك كنت احاول ان أفعل مثله يعنى أروح أشتغل مثلا فى العطلات الصيفية
ولكنه كان يرفض ويقول لى أنا مش عاوزك تتبهدل مثلى بكره تزهق من الشغل والله هذا صدق
المقصود يعنى أن لكل قاعدة شواذ
ولا ينطبق هذا المثل على كل شىء او كل الناس ولكن على بعض الأشياء
وعلى بعض البشر
شكرا لموضوعك الجميل
عادل

ميرسى ليكم يا جماعه على الدخول وطبعا انا بحترم رايكم جدا
شكرا على المرور

ميرسىىىى يا قمر على الموضوع الجامد وفعلا فاقد الشئ لا يعطيه
لان بيبقى خلاص اتعود على الحاجة دى فمستحيل اننا تتغير بعد كدة ده من رايئ

ميرسى يا عسل على مرورك

بصي يا ايناس هو مش شرط
لان فية ناس كتير بتتعامل بقسوة وبخل وهما صغيرين
فيعوزوا انهم يعوضوا اولادهم عن الحاجت دي علشان ميعشوش الحياة دي لكن عايزينهم العكس
وفية ناس تانية تقولك اشمعني انا اتعاملت بقهر وزل لازم اعاملهم زي ما اتعاملت علشان يحسوا بقيمة اللي هيبقوا فية بعد كدا
وميرسي ليكي علي موضوعك يا جميل