سؤال لكل اهلاوى بس ردو بامانة و صدق

اولا الف مبروك لكل اهلاوى الفوز بكاس السوبر المصرى
بس انا عايز اسالكو سؤال واحد بس و لكن ارجو الصدق
ايه رايكو فى جمهوركو و الشتيمة و هل احد سمع صوت جمهور الزمالك المحترم
انا مش عايز اعمل مشاكل و الله بس هو سؤال عايز اجبته
و شكرا

انا ملاحظ ان محدش رد
اعتقد لان السؤال اجابتة واضحة جدا
انا بعترف ان جمهورنا غلط وشتم هانى سعيد بس الموضوع كلة خمس دقايق وخلص
بس انا بردو مش بنفى الخطا
بس من غير زعل لو بتتكلم عن الاحترام تعالى نراجع مع بعض
مين اللى شتم اينو اكتر من ساعة فى متش الاهلى والزمالك
بلاش دى نشوف حاجة تانية
شيكابالا لما رفع الجزمة فى وش الجماهير
حسام حسن لما رفع الجزمة بردو فى وش الجماهير وهو فى الزمالك
مرتضى منصور لما رفع الجزمة بردو فى وش الجماهير
(مش ملاحظ ان رفع الجزمة دى عادة او يمكن الاعيبة بتتمرن عليها هى كمان)
سيبك من الجذم نشوف حاجة تانية
عبدالحليم لما شاور لحسام البدرى وجهاز الاهلى كلة انهم حرامية فى متش 4-2
بلاش يمكن عشان كنتم خسرانين وزعلانين نشوف حاجة كمان
عمرو زكى لما شتم الحكم فى متش البلدية الموسم اللى فات
فوت دى حاجة كمان
الاشارة بالصوابع لما عملها مدحت عبدالهادى
نفس الحركة عملها جونيور فى متش المصرى
نفس الحركة لما عملها محمد ابوالعلا
(هى دى كمان شكلهم بيتمرنوا عليها)
جمال حمزة وعمرو زكى لما اتخانقوا على ضربة الجزاء كانهم بيلعبوا فى الشارع
عمرو زكى وشيكبالا لما اتخانقوا
واخيرا حتى الواد الجديد ريكاردو اتعدى فى يومين من باقى الاعيبة واتخانق مع جمال حمزة وضربوا بعض




معلش على الاطالة بس دة الرد على سؤالك وياريت اعرف ردك ومش هضايق لو ردك عكس ردى
الاختلاف فى الراى لا يفسد للود قضية
وعلى فكرة انا بحب جمال حمزة جداااااااااااااااااااااااا
بامانة لو عرفتم تستغلوة صح هيبقى احسن لاعيب فى مصر
هستنى ردك

مع احترامي للجميع الجمهورين مثل بعض

نحن كزملكاوية وانا كزملكاوي بشتم الاهلي

وايضا الاهلوية بيفعلون مثلنا واكتر شوية ههههههه

لأن دة سلوك عام للشعب المصري الشتيمة وقلة الادب عالفاضي والمليان

وشكرا

ههههههههههه
عندك حق
بس فى شتايم غير شتايم
ولا اية

لاتبرر الموقف يا عزيزي مش عايزين نختلف في المسميات بدل النهاية واحدة قلة ذوق وادب

ماشى يا عم وانا موافقك فى الحتة دى تماما