سؤال لشباب ... وسؤال للبنات ... ؟؟

سؤالين ... واحد للشباب ... والثاني للبنات ...


بس نريد الإجابة بصراحة وبدون مجاملة ...


حتى نتعرف على رغبات الجنسين في اختيار شريكة حياته ... فارس أحلامها ..



سؤال خاص للشباب : لو خيروكـ من تتزوج ؟؟؟


1/ المخلصه صاحبة القلب الحنون والحب الجارف .

2/ الفاتنه صاحبة الجمال والدلال والوجه الجميل .

3/ المتدينه صاحبة الطاعة لزوجها والمربيه لأبناءها .


---------------------------------------------------



سؤال خاص للبنــات : لو خيروكـ من تتزوجين ؟؟؟



1/ الزوج صاحب المال والثراء .

2/ الزوج صاحب الحب والحنان حتي ولو كان فقيرا .

3/ الزوج صاحب الدين متوسط المعيشه ولايرغب بخروج المرأة كثيراً.


يلا الردود ... وبصراحة ...

واللهى بتحرجنى بكلامك ده
اولا ولا واحد فى الاسئلة اللى موجهة للبنات تنفعنى ولا واحد للاسف مش عارفة ليه
اما عن اختيارك فهو اختيار عقلانى جدا وجميل معاك
بس فى بنات بتتعمد انها تظهر التدين الجامد اوى وتروح مساجد وتعمل للاسف شو لنفسها بالتدين لان دى الموجة لطلبات الشباب فى اليومين دول
مع ان ممكن تكون واحد حنونة وطيبة وحلوة وتدينها متوسط بس على الاقل مش بتمثل
عموما
خد يالك وده نصيب
لكن راى الرسول فى الحديث هو الاعظم والاجمل بس مش عارفة انتو هتعرفو ازاى ان البنت اللى عاوزها فيها الصفات دى هتختبرها يعنى!!! نفسى اعرف
وصلت المسدج
تقريبا رصيدك خلص النهاردة بسبى هع هع هع هع هع

هههههههههههههههههههههههههههههههههههههههههههههههههههه
ولا يهمك الرصيد كتير والحمد لله
المهم
اولا عن اختيارك انا معاك مفيش اختيار تقدرى تحدديه ولكن
الاختيار اللى مفيش بنت تقدر تختلف عليه
هو الزوج الذى يتقى الله فى زوجته هو ده اللى
تختاره اى بنت وهى مغمضة مش مهم المال لان الارزاق بيد الله
بس يعنى ايه يتقى الله فى زوجته : هقولك
يحبها يخاف عليها يعاملها معملة الاسلام وخلى بالك الكلمة دى
لازم يقلها الزوج وهو بيكتب الكتاب ( ريت بوك ) انا شوفت ( ريت بوك )
كتير لازم الزوج يقول ( وان اعاملها معاملة الاسلام )
ايه هى معاملة الاسلام ( هى كل الأشياء الجميلة اللى تختر على بالك )
وانا بوعدك انى هكتب عن معاملة الزوج لزوجته فى الاسلام
لأن الموضوع ده كبير كبير كبير وانا مش عاوز أطول
هههههههههههههههههههههههههههههههههههههههه
لانى فعلا مفيش حد بيرغى أدى فى الرد ( ده أنا غريب غرابه !!!)
أما بخصوص اختيار البنت ومعرفة اذا كانت بتمسل ولا لاء
فاليك التالى :
من السهل جدا ان تخدع البنت أى شاب بتدينها
وبعدين أنا اقصد بالتدين مش انها ليل ونهار على سجادة الصلاه
التدين بالنسبة للبنت كزوجة يعنى : أن تعرف ما عليها من واجبات
وما لها من حقوق بس الأمر بسيط
يعنى مش عاوزين نتجوز من رابعة العدويه لانى اللى هيدور
على راااااااااااااااااابعة مش هيلقيها
المهم يا ميروو وخلاصة القول :
سواء كانت البنت بتمسل ولا لاء
فالزواج زى البطيخة لايمكن ومستحيل ومما لاشك فيه ومن المؤكد ...
عدم معرفة البطيخة اذا كانت حمراء ومعسلة الا بعد كسرها
واليك أنواع البطيخ ( اقصد أنواع البنات )
1ـ بطيخة حمرا ومسكرة ( البنت اللى مش بتمسل )
2 ـ بطيخة حمرااا ومش مسكرة ( البنت اللى تكون صادقة بس
بتبالغ شويه حتى تنول الاعجاب ودى ممكن تتاكل بردو ( أقصد البطيخة طبعا )
3ــ بطيخة قرعة هههههههههههههههههههههههههههههههه
( ودى بءا البنت اللى معندهاش صدق ( ملعب ) وبتمسل
وكل أنواع البطيخ سيدتى لا يظهر الا بعد الكسر أى بعد الزواج أى
بعد ما تقع الفاس فى الراس
طيب وايه الحل وكيف نوفق فى اختيار البطيخ على قدر الامكان
فيه طبعا دلائل وبشاير تدل على نوع البطيخ
وهذ ما سوف نتناوله بس بعد الفاصل !!!!!!!!!
على فكرة البطيخ مش بس للبنات ده كمان للشباب
يعنى كل كلامى عن البطيخ للبنات وللشباب

واللهى كلامك حكم يا بتاع البطيخ
هههههههههههههههههههههههههههههههههههههههههههه
اللى غايظنى بقى ان شباب اليومين دول بيجروا ورا البنت اللى عايشة دور التدين
ويخلو مثلا والدتهم يروحوا المسجد عشان يدوروا على بنت كويسة
والموضة بتاعة البنات اليومين دول
انهم يلبسوا النقاب او الخمار
ويروحوا يصلو كل الفروض فى المسجد
عشان اى ام تشوفها تعجب بيها وتاخدها لابناه
واللهى العظيم انا اعرف بنات كتير بتعيش الدور عشان عاوزة ترتبط باى طريقة
وده مش معناه طبعا ان كل اللى بيروحوا المسجد كدة
لكن طبعا فى وفى
المهم
ابقى خد بالك انت كمان
ولما ترتبط
ابقى اعدها على جهاز كشف الكدب
اما بالنسبة للشباب والبطيخ
فاعتقد انهم سهل اوى انهم يبانو وخصوصا ان النت مش عاوزة حاجة من اللى هترتبط بيه
غير انه يكون حنين ومش بخيل ويغرقها هداية وحب
وميكنش عينه زايغة
ولا كداب
وكل ده بيبان من فترة الخطوبة عكس البنات واسالنى انااااااااااااااا
الاولاد ممكن يعيشوا الدور على البنت اللى ماشين معاها فانتازيا يعنى وهبل وعبط
لكن خطيبته نو نو نو نو
كله بيبان
عموما انا نفسى اتفتحت على البطيخ ورايحة اعملى طبق
ونلتقى بعد الفاصل

انا هختار طبعا المتدينة صاحبة الطاعة لزوجها و الربية لأبناءها
الجمال مش كل حاجة و الجمال بيذول
و بعدين اهم حاجة التدين و اللى هتخلى ولادى يحفظوا قراءن و يصلوا و يعرفوا ربنا
و هبقا واثق فيها و لو كنت فين
و اكيد هيكون فيه بينى و بينها عشرة طيبة و هتحبنى فى الله و محدش يكره ده
شكرا يا اميرة على المواضيع الجامدة

اولا احب اشكرك يا ميرو علي الموضوع الجامد دا
ثانيا زي ما انتي قولتي الاختيارات التلاتة مش مناسبة
يعني انا عاوزة واحد يراعي ربنا فيا ويكون حنين
ومش شرط يكون غني لان دي حاجة بتاعة ربنا
وزي مابيقولوا خدوهم فقرا يغنيهم ربنا ولا اية
والفلوس بتيجي وتروح يعني ممكن اخد واحد غني وبعدين
تحصل حاجة والفلوس تروح ويبقي فقير ويبقي كدا الغرض اللي كنت اخداة علشانة
(اللي هو الفلوس)راااااااح
ويا واخد القرد علي مالة يروح المال ويفضل القرد علي حالة
كفاية عليكي كدا دلوقتي
هههههههههههههههههههههههه

mido zamalek كتب:انا هختار طبعا المتدينة صاحبة الطاعة لزوجها و الربية لأبناءها
الجمال مش كل حاجة و الجمال بيذول
و بعدين اهم حاجة التدين و اللى هتخلى ولادى يحفظوا قراءن و يصلوا و يعرفوا ربنا
و هبقا واثق فيها و لو كنت فين
و اكيد هيكون فيه بينى و بينها عشرة طيبة و هتحبنى فى الله و محدش يكره ده
شكرا يا اميرة على المواضيع الجامدة

الله يكرمك ياعرفة على ذوقك وكلامك عن البنات فى المنتدى
طبعا بالنسبة ليكم كاولاد
لازم التدين والاخلاق
وعلى فكرة الشكل بردو مهم وعليه عامل
يعنى مش لازم يهمل
اما موضوع المنتديات اللى اهم حاجة فيها التعارف والهبل ده
فربنا يهديهم وبالذات البنات
هما كدة مش عارفين انهم بيضيعو نفسهم

اميرة كتب:واللهى كلامك حكم يا بتاع البطيخ
هههههههههههههههههههههههههههههههههههههههههههه
اللى غايظنى بقى ان شباب اليومين دول بيجروا ورا البنت اللى عايشة دور التدين
ويخلو مثلا والدتهم يروحوا المسجد عشان يدوروا على بنت كويسة
والموضة بتاعة البنات اليومين دول
انهم يلبسوا النقاب او الخمار
ويروحوا يصلو كل الفروض فى المسجد
عشان اى ام تشوفها تعجب بيها وتاخدها لابناه
واللهى العظيم انا اعرف بنات كتير بتعيش الدور عشان عاوزة ترتبط باى طريقة
وده مش معناه طبعا ان كل اللى بيروحوا المسجد كدة
لكن طبعا فى وفى
المهم
ابقى خد بالك انت كمان
ولما ترتبط
ابقى اعدها على جهاز كشف الكدب
اما بالنسبة للشباب والبطيخ
فاعتقد انهم سهل اوى انهم يبانو وخصوصا ان النت مش عاوزة حاجة من اللى هترتبط بيه
غير انه يكون حنين ومش بخيل ويغرقها هداية وحب
وميكنش عينه زايغة
ولا كداب
وكل ده بيبان من فترة الخطوبة عكس البنات واسالنى انااااااااااااااا
الاولاد ممكن يعيشوا الدور على البنت اللى ماشين معاها فانتازيا يعنى وهبل وعبط
لكن خطيبته نو نو نو نو
كله بيبان
عموما انا نفسى اتفتحت على البطيخ ورايحة اعملى طبق
ونلتقى بعد الفاصل

اممممممممممممممممممممممممممممممممم
ال بتاع البطيخ ال
ههههههههههههههههههههههههه
بصى يا أميرة
كلامك عن فترة الخطوبة غلط ليه بقا ؟؟؟
هقولك :
اولا فى فترة الخطوبة لابد من التصنع
سواء من البنت أو الشاب أنا كلامى عام
وخلى بالك ان لكل قاعدة شواذ بس كلامى ده
هو السائد على النسبة العظمى للشباب والفتيات

المهم
الشاب من دول بيروح لخطبته وهو لابس قناع
أنى لا أكذب ولكنى أتجمل ودى حقيقة لا شك فيها
No dout
والبنت كمان بتتصنع وتلبس وش حبيبى دائما
بس طبعا أكيد بعض الأشياء بتبان ولكن رزاز
الطبع الحقيقى ــ السلوك الحقيقى ــ الشعر الحقيقى للبنت
مدى اهتمامها بنفسها ـــ كيفية ادارة سفينه الحياه الزوجية (تفكير الشاب )
كل هذه الأشياء لا تنكشف تماما الا بعد الزواج

وناتقى بعد الفاصل

مش عارفة
بس بردو بيبان
يعنى مش على طول هيكون تصنع
والكلام ده
مسيرهم يمروا بموقف يبين الحلو من الوحش
والمعدن الاصيل يبان والفالصو يبان
ولا ايه
مش معقول كله عسل عسل عسل
لازم تحصلهم حاجة
ويسكشفزا بعض
صح ولا غلط

ده صحيح بس بردو
مهما يحصل هيحاول يدارى
بس انا معاكى فيه بشاير طبعا بتبان
وخصوصا لو العريس بياكل لبان

تخيلى وهما مخطوبين وقاعدين مع بعض
هو : تشربى ايه يا حببتى ؟؟
هى : لالالالا ميرسى خالص
هو : عشان خاطرى قولى تحبى عصير مانجة ولا موز ولا فراولة
هى : اللى تختاره انت بءا
هو : انا لو بايدى هجبلك الدنيا كلها



بعد مرور عام عالأكثر من الزواج
هى : مش هنخرج بــ ءا شوية أنا زهقت من قاعدة البيت
هو : هو يعنى انتى شيفانى فاضى
هى : انت مش زى الأول ليه انا عاوزه أخرج معاك


وبعد مشادة عنيفة تنتصر هى ويخرجو
هو : هاااااااااااااااااااااا هنروح فين يختى ؟؟
هى : فاكر المكان اللى قاعدنا فيه أول مرة
هو : هه اه فاكره

ده الجزء الأول
وعلى وعد بتكملة الجزء التانى
بعد الاصل

3 في 1
لية لأ
لية لازم اتنازل عن الجمال لية اتنازل عن الحب لية اتنازل علي التدين 3 مهمين جدا

magedelzamalkawy كتب:3 في 1
لية لأ
لية لازم اتنازل عن الجمال لية اتنازل عن الحب لية اتنازل علي التدين 3 مهمين جدا

عادى هى ممكن تكون متوسطة الجمال
مش لازم مادونا
بس عندك حق ليه ميكونش الثلاثة

مش ممكن يا كابتن ماجد التلاتة

بلاش طمع

كده هتقعد تدور ومش هتلاقى
ما كامل الا سيدنا محمد

عليه الصلاة والسلام
على فكرة يا عادل
مجرد ماجد ما يحب واحده هيحس ان فيها كل اللى هو عاوزه
وادليل على كده اننا بنشوف بنات كتيرررررررررررررررر وحشين ومتجوزة ناس زى القمر والعكس بردو وبنكون مستغربين بس هو عشان بيحبها شايفها ملكة جمال الكون وشايف فيها احلى الصفات

أيوة بس أكيد هتكون بيضة
عشان يحبها الكابتن ماجد

ههههههههههههههههههههه
ههههههههههههههههههههههههههههه
ههههههههههههههههههههههههههههههههه

صحيح يا اميرة القرد في عين امه غزال

وعلي فكرة انا مبحبش البيض اوي ياعادي بحب حتي قمحي كدة

ههههههههههههههههههههههههههههههههههههههههه
قرد ايه انت فى جبلاية يا ماجد

وبعدين ياعادل انا ضد ان الولد يقول انا مش هتجوز غير واحده بيضة او مش هتجوز غير واحدة سمرا
لانه عادى ودى حاجة نسبية وبتختلف من شخص للتانى
والدليل على كده ان مش كل السمر وحشين ولا كل البيض حلوين
بالاضافة ان جمال الروح وخفة الدم بتضيف بعض الجمال للشخصية بالاضافة للعقل الكبير اللى يكون فاهم وواعى ومش بيحب يكبر المواضيع وعاوز يعيش الدنيا وميسبهاش هى تعيشه

يعنى فى النهاية بردو ده نصيب ممكن ماجد يحبها حمرا
ههههههههههههههههههههههههههههههههههه
لان الاهلى حديد

ههههههههههههههههههههههههههههههههههههههههههههههههههههههههههههههههه
ماترسى على بر
دوختنى يا عادل
انت مع القمحى ولا مع الابيض
ولا مع وجهة نظرى
ارسالك على بر

اولا مافيش حد كامل
بس انا بصراحة بختار
2/ الزوج صاحب الحب والحنان حتي ولو كان فقيرا .

3/ الزوج صاحب الدين متوسط المعيشه ولايرغب بخروج المرأة كثيراً
انا بحب ان يكون الصفتين دول موجودين
واهم حاجة انه لا يسمح بخروج المرأة كتير
لانى انا من اول شروطى انى مش هشتغل
بعشق قوى الاستقرار فى البيت
ودى وجهة نظرى