عندما يخفق القلب لشخص في المنتدى ..!!

عندما نتابع موضوع لشخص ما ويعجبنا طرحه وفكره ..

عندما نرى فكره واتجاهاته من خلال كتاباته .. عندما تتبين اخلاقه من مواضيعه وردوده ..

اشخاص لا نعرفهم .. لم نراهم .. ولانسمع اصواتهم ..

لم نحاورهم الا امام الملأ .. قرأنا حروفهم فلامست فينا حقيقه لم نكن ندركها !!

ننتظر اقلامهم بشغف كي نرد عليها بشفافيه ..

لسنا ضعفاء ولكن قلوبنا لامست قلما فانجذب له !! حينها فقط يصبح القلم سلاح يغزو

حياة الطرف الأخر حين يخفق القلب لقلم شخص




هل من الممكن ان نميل للقلم ؟؟



وهل من الممكن ان نميل للشخص بسبب قلمه ..؟؟

هل من الممكن ان نصل الى درجه الافتتان بالفكر او الاسلوب ؟؟


وهل من الممكن ان يتحول الاحترام والاعجاب الى انجذاب ..؟؟


متى تخرج المشاعر عن السيطره ... ومالسبب في ذلك ؟؟


وهل هذا خطأ .. ومن يتحمله ..؟؟

بصى يا أميرة
الانجذاب هو أول درجة فى سلم الحب
ويحدث الانجذاب نتيجة لعوامل عديدة ومنها
التفكير ـــ الشخصيه ـــ الشكل
الشخصية بتتحدد من خلال التفكير والتفكير بيتحدد من خلال الكتابة ( القلم )
ويأتى الشكل فى النهاية
فمن الممكن جدا ان ينجذب الشخص لشخص أخر عن طريق تفكيره وسلوكه
وهذا يتضح طبعا من خلال كتابته مما يؤدى الى الاعجاب أو الانجذاب للشخصية
الى درجة التمنى لرؤية هذه الشخصية ودى زى ما قلت أول درجة فى سلم الحب ولكن
هذا الانجذاب أو الاعجاب لن يصل الى درجة الحب الا اذا توافرت باقى العوامل
يعنى ببساطة لازم يحدث الانجذاب فى التفكير والشخصية والشكل معا
وعلى فكرة انا ليا أصدقاء تزوجو والله من خلال النت بس ده طبعا لما اتقابلو
وجها لوجه وفى منزل الأسرة مش على الكورنيش
لانك لا تستطيعى مطلقا الحكم على شخصية أى انسان من خلال كتاباته فقط
يعنى انا مثلا حكمتى عليا ان ردودى غريبة وبالزات على موضوع الأسئلة اللى تحرق الدم وانا كان قصدى أهزر ولكن الحقيقة لو حصل وحد سألنى مثل هذه الاسئلة انا ردى هيعلمه ميسألش تانى خالص
يمكن يبان من ردورى انى انسان بارد لكن والله وبكل صدق انا عصبى بعض الشىء وأكتر شىء بيعصبنى هو الغباء
هل هذه الصفة ظهرت من خلال ردودى او كتاباتى اعتقد لا
المهم انا أقصد ان شخصية أى انسان أو تفكيره ممكن تبان من كلامه أو يبان جزء منها أو متبنش خالص
انا حاسس انى طولت
يارب تكون الرسالة ( المسدج ) وصلت
وتمنياتى بالتوفيق
وبجد موضوعك مثير للمناقشة
شكرا ليكى

انا وضحت فى الموضوع التانى حتة الغرابة دى وبيتهيالى انك فهمتنى ورسالتى انا كمان وصلتلك
المهم
انا معاك فى موضوع الانجذاب للتفكير والاعجاب بالشخصية اول درجات الحب بس اضعفها لانه مش كفاية
وعشان الحب يكتمل يكلمو بعض اكتر وده مش هيحصل الا لو اخدو ايميلات بعض(واتكلمت فى حوار الايميلات قبل كده)وبعدها يحسوا انهم قربو من بعض فياخدو تليفونات بعض وبعدين يبداو يتقابلو ومتقليش فى الاسرة مش على الكورنيش لان مستحيل اسرة هتخلى بنتهم تيجى تقابل حد عرفته عن طريق النت فى البيت لان ده مش هيحصل
ويفضلوا يتقابلو وبعدها يا اما يكتشفوا انهم يصلحوا لبعض يا اما لا ويفركشوا ده بعد مايكون حصل تجاوزات كتير اوى من البنت عشان تشوفه وتكلمه
وبعدين عندك اصدقاء اتجوزوا عن طريق النت لانهم كانو جادين والنوع ده قليل
يعنى بنسب95% من الشباب المصرى محدش يثق فيهم
وده للصراحة
انا رايى ان الاعجاب حاجة
واللى عاوزين يحولوه لحب دول بقى يبقو بتلككوا
او يمكن انا اللى دماغى صعيدى ودقة قديمة
مش عارفة
بس انا شايفه ان المبادئ مبتتجزئش
وو................
هنام والصبح نكمل كلامنا لاحسن تعبت

هههههههههههههههههههههه
عندى كلام
وعندى اعتراض
مفيش مانع يتقابلو فى بيت الاسرة
يعنى براحة كدة وواحدة واحدة وخليك ريلاكس وركز معايا
يعنى ادخل على اهلى واقولهم ده واحد اتعرفت عليه من على النت وهو جايلى هنا عشان نتعرف اكتر يمكن نتخطب ولا حاجة
مش فاهمة ازاى صعبة شوية
الا بقى لو جاى وناوى خير
والنوع ده قليل شوية
ولا ايه
وشكرا على رايك ان دماغى مصرية اصيلة
على الرغم من انه كله بيقول عليا
انى لسة طالعة من كتاب تاريخ

عندك حق طبعا فى ان النوع ده نادر
ولكن
هو يبنتى اللى هييجى البيت ده اكيد هيكون جااااااد
وعلى العموم بردو هو نوع نادر فعلا


ومين يا ستى اللى بيقول ان دماغك طالعة من كتاب تاريخ
انتى دماغك طالعة من كتاب علوم الفلك
وده طبعا لأسباب عديدة
عاوزة تعرفيها طبعاااااااااااااااااا
هقولها بس بعد الفاصل
وألف مبروووووووووك ع الادارة

علوم الفلك
اشمعنى ليه

الله يبارك فيك
ومبروك عليك الاشراف
وربنا يسهل ان شاء الله واعرف حكاية علوم الفلك
بس بعد الفاصل

بصي يا اميرة في البداية احب اشكرك علي المواضيع اللي بتتكلمي فيها لانها بجد تستحق المناقشة
لان دي حاجات بقت منتشرة في مجتمعنا بطريقة كبيرة
وبالنسبة للموضوع انا شايفة اني مش ممكن احب حد علشان بس طريقة كلامة عجبتني او اسلوبة شدني او كدا
لان في عوامل كتير في الموضوع مش الطريقة وبس لان الطريقة كتير اوي بتختلف عن الطريقة اللي بيتعامل بيها الشخص في حياتة العادية
يعني انتي مش هتقدري تلمي بكل جوانب الشخصية من خلال الموضوعات والردود وبس

ألف مبرووك يا جماعة
والله انا فرحتلكم كتير


هو امتى الفرح
ان شاء الله


أكيد بعد الفاصل

ههههههههههههههههههههههههههه
الفرح قريب
والمنتدي كلة معزوم
وربنا يتمم بخير
لولولولولي

فرح مين
ها
فرح مين
طب اعزمونى
وعموما
لولولولىىىىىىىىىىىىىىىىىىىىىىى

الحب من خلال النت وهم

لأني اكيد انا بعرفها من خلال اسلوبها في الكتابة وهي ايضا

واكيد انتم عارفين ان الواحد لما بيتكلم مع اي حد مبعرفهوش بيتكلم احسن طريقة وبيختار كلماتة لأنة يعلم ان كلماتة عبارة عن صورتة امام الاخرين

بجد بجد بجد موضوع فاشل عن تجربة والمثل بيقول اية اسأل مجرب متسألش خبير

لفلى
أميرة بتقول انه ممكن يحصل اعجاب
مش حب ولو قرأتى الردود كويس هتفهمى
انك انتى شخصيا ممكن تعجبى جدا بشخص
أو بمعنى أخر تعجبى بأسلوب كتابته وده شىء جائز

اما عن تطور العلاقة للحب فهو شىء نادر فعلا
بس بيحصل


وكلام ماجد فيه ناس مؤيدة ليه وفيه ناس معرضة ليه
بس صدقنى يا ماجد الموضوع ده حصل لواحد صحبى
واتجوز من النت فعلا
بس صدقنى انا مؤيد لكلامك بجد

اولا يا ماجد عندك حق فى كل حاجة
ورايك ده اغلب الناس مقتنعة بيه كويس جدا جدا
وزى ما قولت فى الاول
فى ناس ارتبطت وكانت جادة من الاول بس دول نسبة قليلة اوى اوى اوى
ومش موجودين كتير
عموما انا كدة كدة
معاك فى حتة الارتباط من على النت فاشل
بس ممكن يحصل اعجاب

انا فاهمة الموضوع بس متهيألي اميرة تقصد
الاعجاب بطريقة الكتابة او الاسلوب
وبيتحول بعد كدا لانجذاب عاطفي وحب وكدا
وفي ناس بيحصل معاها كدا
وانا شايفة ان دا غلط وبعد كدا بيحصل مشاكل وكدا
لان كدا في حاجات كتير ناقصة
ومش كل الجوانب معروفة فبتتصدم بحاجات مكنتش تعرفها

تمام يا ايمان
بس مش ملاحظة حاجة فى كلامك

كلمة ( كدا ) بتقوليها كتير ليه
ههههههههههههههههههههههههههههههههههههههه