مشروع اقتصادى

بسم الله الرحمن الرحيم


أنا هحكى موقف وقصة حقيقية لأن ممكن كتير من الشباب والفتيات
يستفيدو منها انا بقول ( ممكن )

تبدأ أحداث القصة
المنظر الاول :
جالس مع اخى الصغير فى التراس ونتحدث وأمامنا كوبين من الشاى
وطبق به بعض الفول السودانى واللب السوبر
وأثناء حوارنا قال لى أخى
انت تعرف (م)
قلتله صحبك قالى ايوة
قلتله مالو ايه ( ماااااااااااااااات )
قالى لاء ده هيخطب
قلتله ما شاء الله ده لسة مخلص دبلوم فنى صنايع معاك من 3 سنين
وأهلو على أد حلهم
قالى أصلو عمل مشروع يا عم
مفيش شغل وهو قال اذا كان بتوع الكليات مش لاقيين شغل احنا هنشتغل ؟؟
قلتله عمل مشروع ايه


قالى ربى أرانب ( محدش يضحك أرجوكم )
ربى أرانب !!!!!!!!!!!!!!! فين يبنى
قالى على سطوح بيتهم عمل ما يسمى ( بوكس )
والمشروع نجح وأصبح قادر على فتح بيت
وقالى ده أنا بكسب أكتر من الموظف


أكيد المسدج وصل
أنا عاوز أسمع سقفة للشاب ده لو سمحتو

وياريت لو فيه حد عندو تعقيب على القصة القصيرة دى

و الله الشغل مش عيب يا عادل و الشاي ده فعلا مكافح
شكرا يا عادل على الموضوع

زي ماقولت الشاب دا عاوز سقفة وعالية اوي
لانة موقفش عند الظروف وانة لما يلاقي شغل وكدا
فكر واشتغل علي طول
ودا نموزج من الشباب يترفعلة القبعة
وميرسي علي الموضوع يا عادل

واللهى حقيقى برافو عليه
انه مستسلمش للظروف والتعليم والكلام ده
بس حقيقى برافو عليه وهو بكدة ممكن يبقى رجل اعمال كبير اوى اوى واحسن من اللى معاهم بكالوريوسات
ربنا يوفقه فى حياته
وياريت كل الناس تتعلم منه مش شرط الاولاد بس
لا الاولاد والبنات وكل الناس ان محدش يستسلم للظروف
والارزاق دى بتاعة ربنا
وميرسى على الموضوع الجميل ده

أنا سعيد جدا بأرائكم
وخصوصا البنات
لأنى مش أى بنت هتقبل الجواز
من بياع أرانب الا اذا كانت بنت متحضرة
ومتفهمة لظروف الحياه وعندها وعى ان ده
اسمه كفاح وعدم تواكل


شكرا جداااااااااا
على أرائكم الجميلة


بس أنا مسمعتش حد سقف للشاب ده غير لفلى