عدولة دخل سنة اولى

"عدولة دخل سنة اولى....يالا نغنى لعدولة". جزء
من أغنية قديمة من التراث المصرى أنا شخصيا بسمعه كتير لأن أى ولد صغير أو
بنت عندنا بيدخل سنة اولى -ابتدائى يعنى- ماما بتقوله ليه. أى حد فينا
عنده عدولة وداخل سنه أولى سوا كان عدولة ده ابنه ولا اخوة بيبقى فرحان بيه قوى مايعرفش ياعينى اللى مستنى عدولة لما يدخل سنه أولى .........

وهما بقى ياحول الله بيقولوا بسلامة نيه " الدكتور عدولة راح .....الدكتور عدولة جه " ربنا أمر بالستر.

التعليم عندنا بيطلع اللى هيبقوا دكاترة -زى الدكتور عدولة
كده- من ثانوية عامة مايعرفوش حاجة يعنى كل طالب مهما كان شاطر بيقى كل
اللى يعرفه منهج سنته وخلاص وأول ما يخرج منها ؟؟؟؟ يامولاااااى كما
خلقتنى !!!!!
يمكن ايوة العيب شوية فى الطلبة بس كمان طريقة التدريس و المناهج اللى تجيب احباط يعنى .....اه والله.

ده اللى خلانى افكر فى الموضوع ده وفى المستقبل وقال ايه..!!!! عمار مصر على أيادى جيلنا -lol-
بنعانى
من إننا بنخرج من سنة لسنة أعلى وإحنا محتاجين كل كلمة درسناها , ونكتشف
إن احنا علشان نفهم اما الدكتور يشرح المنهج القديم تانى , او نروح
المكتبات وندخل على النت بعد الشر نجيب نشرح وتفسير واكيد ده ما بيحصلش .
*ليه ده بقى ....؟؟؟!!! ............. ليه؟؟؟
علشان
مااتعودناش من الاول اننا ناخد طبيعة مناهج بتخاطب الفكر وبتقرب من طبيعة
اللى بيدرسوا مش بتاعت كلمتين حفظ وتسميع فى الامتحان ...-وكان الله بالسر
عليم-
مناهج تعبانة بلا دع الخلق للخالق،،،،،،،

ويا فرحتى "شالوا سنه ساته .،، حطوا سنه ساته .،، عالم رايقة وفاضية " - كما قالت الحكيمة فرح -

،،،
معتقدش ان فى حد فى مصر دلوقتى مايعرفش إن فى فجوة عندنا فى التعليم بين
اللى عايزين نبنى بيه فكر أولادنا وشخصيتهم وبين اللى بندرسه ليهم - ده
طبعا فى المراحل اللى قبل ثانوى -
وبين اللى هياخدوة فى الجامعة واللى بيدرسوه فى ثانوى
اما عن الداهية الكبيرة الا وهى الفجوة بين مناهج الجامعة واللى هيطلعوا الغلابة طلبة الجامعات يطلعوا يشتغلوا فيه فى السوق.

........ويا أسفاااااااااا على الدكتور عدولة ..........

والله من كتر ما أنا شايفة قدامى أزمة فى تعليمنا ..أنا حاسة إنى لما ابقى أم عدولة مش هبقى ادخلة سنه أولى ...........
"ويالا نغنى لعدولة ............-lol-"
عدولة
فى انتظار مشاركاتم وردودكم الحلوة

يلا نغنى لعدولة

المشكلة يا أميرة فى التقليد الأعمى للمناهج
مصر بتحاول تطبيق أى منهج أو خطة دراسية
بدون تفكير فى متطلبات وامكانيات تطبيق هذه المناهج

وكل مايشغل الطلبة أو أولياء الأمور هو نجاح ابنهم
ومش مهم هو استفاد ايه من دراسته
المهم ينجح ويدخل كلية حلوة

وتخفيفا للضغوط النفسية عملو الجامعة المفتوحة
مشروع فاشل بجميع المقاييس
وكمان فتحو كلية الطب البيطرى بمصروفات
يعنى انا ممكن أكون دكتور دلوقتى بفلوسى

الكلام كتير وانا فعلا من أشد الناس حزنا لما يحدث
المهم


ان عدولة يدخل سنة أولى وخلاص
وعلى رأيك ( يلا نغنى لعدولة )

هو الموضوع فعلا ذاد عن حده
تخيل لما انتى يطلع عينك فى التعليم ودروس ومصاريف وحرقة دم
وتلاقى حد زميلك عاااااااااااااااادى جدا
لمجرد انه عارف انه بفلوسه هياخد اعلى شهادة
والبيه الزير
قصدى الوزير ولا هو هنا
عااااااااااااااااادى جدا ان الامتحانات تيجى زبالة
وعاااااااااااااادى جدا ان الامتحانات تتسرب
عاااااااااااادى جدا انك وانت بتذاكر تقلبب ضهر كتاب المدرسى بتاع الحكومة ويقولك ان فى غلطات علمية والمفروض برده انك تذاكرها
وعااااادى جدا لما تكون فى امتحان اخر السنة يكون ادامك اجابتين واحده صح بتاعة المدرسين ووحدة غلط بتاعة كتاب الحكومة والمفروض فى الاخر انك تسقط يعنى هتسقط

يلا الحمد لله على كل شئ
بس المهم يلا نغنى لعدولة
شكرا ليك يا عادل

تمنياتى بالتوفيق يا أميرة

وليك انت كمان يا عادل

الله يكرمك