الوصايه المبركه

من طرف محمد الجندى الإثنين أغسطس 13, 2007 12:44 am

الوصايه المباركه

أسمعو الوصايا والوصايا وجبه
هعرفكم اللعبه حبه حبه
أن كنت عايز تفضل كتير
ولا يهمك غنى ولا فقير
جوع شعبك يتبعك
وأن فتح بقه قله فين يوجعك
وأن حد قال كفايه
أقطع رقبته قبل ما تبقى حكايا
وبسرعه قوم بيع البلد
مش مهم لمين بيع ياولد
والفلوس هتها معايا أنا
أشلها فى أمان هناك مش هنا
واللى يتنادل أبعتلو حبيب عادل
عرفت أصول اللعبه يا غافل
أحنا كده بالهداوه بنتعامل
ونقدر نلعب القرد على الشناكل
بس لسه فى خير متلمش
لازم يجى هنا ويتهمش
ودى وصايا أبوك يأبنى جمال
نظف جيوب الشعب ينام خفيف
والايام الى انت عرفها جايه
واللى مش معايه مش هيلاقى الرغيف
وأنت شفت أبن جمعه جراله أيه
ولا أبن نور طفينا النور عليه
ودا جزات الى ما يسمع الكلام
نخليه لا يصحه ولا ينام
وانتم يا أولادى يا بتوع الحكومه
الشعب ده نايم فى نومه
وأن قاضى صرخ أنا رئيس محكمه
ولا بنت صحفيه ال أه متعلمه
ما يهمكوش عسكرنا رايحه مبرشمه
أضرب يا واد يضرب ولا يهمه
هى الخلق دى أبوه ولا أمه
عساكر نقاوه من من قل فهمه
شرط الغباوه شرطنا فيهم
والفقر والزل لاهيهم
يسمعوا الكلام حتى لو غلط
ما نعرف عقلهم حجاره ولا زلط
وبكده تبقى البلد فى ايد من حديد
وحببنا العادل راجل شديد
وكمان عارف لو يوم يحيد
اللى جرى لأخوه رشدى مش بعيد
ولا أبن موسى شيخ العرب الجديد
أهم بقوا عيره وللى بعدهم يستفيد
وبكده يابنى تعيش فى امان
وتركب عليهم لأخر الزمان