اضحك .. كركر .. مع أخبار الصباح .. وشدى حيلك يابلد

http://sports.filbalad.com/Arabic/News.asp?NewsID=34901

ورفع الفوز رصيد الهلال السودانى من المباريات المتتالية التي خاضها على ملعبه بدون هزيمة إلى 91 مباراة متتالية على كافة الأصعدة المحلية والإفريقية والعربية منذ ما يزيد عن خمس سنوات كاملة.

بسم الله الرحمن الرحيم

على كده الهلال السودانى هيدخل موسوعة زيزى للأرقام القياسية ، والموسوعة دية بعد موسوعة جينيس على طول على الشمال على الطريق الدولى وانت جاى من الخرطوم ، والصفحة الأولى فى الموسوعة مخصصة للهلال السودانى ، يأتى فى الخلف بالتأكيد ريال ودريد ومانستر يوه ياسيد ، ووبار اللى سألونا ، وربنا يخلى الهلال للكرة العربية وأفريقيا يارب ، ونشوفهم فى كأس العالم للأندية اللى سيقام فى الخرطوم ، ويسعدوا الأمة العربية بهذه النتائج اللى تودى فى داهية يارب

هو صحيح ال 91 مباراة اللى لعبهم على أرضه كانت برده فى كرة القدم ولا تنس الطاولة ، وبصراحة الهلال السودانى بتألقه هو المشكلة الرئيسية فى مشكلة دارفور ، وربنا يستر

وشدى حيلك يابلد

محمد مصطفى كامل

من طرف el-pop الثلاثاء أغسطس 14, 2007 9:56 am

موضوع جامد جدا

انت نسيت ان نادى اسيك ومن قبلة انيمبا بردو كان فى موسوعة زيزى

ههههههههههههههههههه

من طرف نبضات قلب الثلاثاء أغسطس 14, 2007 11:22 pm

والله بجد نفسي نكسر الهلال هناك

زى اسيك

و نكسب هناك

يارب

http://sports.filbalad.com/Arabic/News.asp?NewsID=34926

وقال حسن بلهجة حملت التهاون تجاه اللاعب الإسرائيلي ردا على سؤال إذا ما كان اللاعبون المصريون يتعمدون بالفعل التحرش به: "باليلي؟ أنا لا أعرف هذا الاسم ولا أتذكر هذا اللاعب. لقد جئت إلى هنا من أجل التحدث حول مباراة أندرلخت وفينيرباهتشه فقط، لكني أود أن أشير إلى أنني متأكد أن أيمن (عبد العزيز) لا يتعمد إيذاء لاعب ما ولا يتحرش بأحد".

وكان التحام بين عبد العزيز لاعب طرابزون وباليلي لاعب سيفاس في الدقيقة الأخيرة من مباراة الفريقين تسبب في اشتعال الأمور بين الفريقين، مما أدى إلى اقتحام الملعب من قبل جماهير طرابزون وإلغاء المباراة.

بسم الله الرحمن الرحيم

لازم كل مرة نرفع لك القبعة ياكابتن مصر ، أحمد حسن الذى رفض الافطار فى رمضان ، وأصبح بكرم من المولى عز وجل أحد النجوم الساطعة فى بلجيكا ، نتمنى من الله تعالى كل التوفيق والفوز فى ماتش يوم الأربعاء أمام فنار بخشة التركى الذى يلعب به روبرتو كارلوس ، وأنت بطل ورجل نفتخر بك كمصرى محترم خلوق ونجم

وشدى حيلك يابلد

محمد مصطفى كامل

من طرف hamada066 الأربعاء أغسطس 15, 2007 5:23 am

بجد من الشخصيات المحترمة اللي بفخر أن مصر فيها واحد مثله

كمان بيعمل أعمال خيرية في مغاغة بلدة بيساعد الشباب على الزواج و يساعد من يريد الذهاب للحج و غيره من أعمال خيرية كثيرة

و لاعب مثل هذا سيظل في قلوبنا لآخر العمر

بعكس آخرين ألهتهم الدنيا فنسوا دينهم و نسوا أهليهم

و شدي حيلك يا بلد

http://www.yallakora.com/news/details.aspx?ID=25077

http://www.yallakora.com/arabic/news/details.aspx?ID=20000

أ ش أ- قرر المديرالفنى للمنتخب الجزائرى الفرنسي جان ميشال كفالى استدعاء 19 لاعبا تحسبا للقاء الودى المقرر أمام البرازيل الأربعاء القادم بأستاد "لاموسون بمونبيليه" بفرنسا.

ومن بين اللاعبين 19 لاعبا يوجد 14 منهم يلعبون لاندية فرنسية فى مقدمتهم مهاجم اولمبيك مرسيليا سليم عراش الذى غاب لفترة طويلة عن الملاعب بسبب إصابة خطيرة تعرض لها.

واستغنى كفالى عن عدة لاعبين كانوا قد شاركوا فى المباراتين الاخيرتين ضدالأرجنتين التى أنتهت بفوز الأرجنتين 4/ 3

بسم الله الرحمن الرحيم

أيوه على الجهل اللى فى العالم دية ، برازيل ايه وأرجنتين مين ، قولهم حاجه ياحاج حشن ، قولهم يا أبو كريم ، البرازيل ولا ماتش الكويت اللى كنت هتموت عليه ، وجرجرت لعيبة الأهلى المرهقين وبرده اتكسفنا واتغلبنا ، قولهم حاجه ياحاج شوبير ، ولا حضرتك مشغول بالفضائيات ومجلس الشعب ، وبصراحة أجمل تصريح عجبنى بعد ما اتوكسنا واتغلبنا من منتخب الكويت اللى تعبان ياقلبى أوى أوى ، تعليق الكابتن عبدالظاهر السقا ، أفضل مدافع فى تاريخ مصر يجيب اجوان فى نفسه وهو بيقول انه احنا لازم نعرف معنى المباريات الودية والفرق بينها وبين المباريات الرسمية ، ماشى ياعم عبدالظاهر ، ادينا بنتعلم ... وياريت تبقوا تنقلوا لنا ماتش الجزائر والبرازيل علشان نستمتع ، وراح علينا ماتش الجزائر والأرجنتين ... وسلم لى على الكويت

وشدى حيلك يابلد

محمد مصطفى كامل

من طرف عاشق الابيض الخميس أغسطس 16, 2007 10:48 am

يااااااااااااااااااااااااريت على رأى حماقى الاهلى يكسب .......... بس اشك

من طرف el-pop الخميس أغسطس 16, 2007 10:20 pm

ايه يا عم ان شاء الله الاهلى يكسب

اضحك .. كركر .. مع أخبار الصباح .. وشدى حيلك يابلد

اضحك .. كركر .. مع أخبار الصباح .. وشدى حيلك يابلد

رد: اضحك .. كركر .. مع أخبار الصباح .. وشدى حيلك يابلد

رد: اضحك .. كركر .. مع أخبار الصباح .. وشدى حيلك يابلد

رد: اضحك .. كركر .. مع أخبار الصباح .. وشدى حيلك يابلد

رد: اضحك .. كركر .. مع أخبار الصباح .. وشدى حيلك يابلد

رد: اضحك .. كركر .. مع أخبار الصباح .. وشدى حيلك يابلد

رد: اضحك .. كركر .. مع أخبار الصباح .. وشدى حيلك يابلد

رد: اضحك .. كركر .. مع أخبار الصباح .. وشدى حيلك يابلد