بتسألينى ليه بحبك

من طرف محمد الجندى الخميس يوليو 05, 2007 7:58 pm

!بتسأليني ليه بحبك

لو اقلك تصدقيني؟

لانك اجمل حاجة فيّه
الوحيدة الي قدرت
قدامها تبكي عنيه

!بتسأليني ليه بحبك

لو اقلك حتفهميني؟

لأنك الوحيدة الي
شافت حزني في بسمتي

وابتسامتي في دمعتي

الوحيدة الي بعيدة
بس مالكة دنيتي

!بتسأليني ليه بحبك

لو اقلك تساعديني؟

لأنك طول ما انت معايا
بكون انا مش حد تاني

بكون بريء مليان اماني
واحيان كتير بكون اناني

بس دايما بتحتويني
بحس اني دايما حبيبك
حتى يوم ما جيت اسيبك
سمعتي يومها كل كلامي

ما انت عارفة طبعي حامي
بغضب في ثانية
وبثانية تانيه
بنسى

بنسى اول ما تحضنيني

!بتسأليني ليه بحبك

هو ده سؤال بردو
اياكي تاني تسأليني