تعالوا نحكم بواقعية

احنا انهاردة كل واحد هيقول نقد لكل لاعب من لاعبى الاهلى بس بشرط انة يكون حكم ونقد واقعيين بدون ان تفكر انت اهلاوى ولا لا
يعنى وانت بتحكم انسى انك اهلاوى
وانسى انك بتحب اى حد من لاعبى الاهلى
انا هبدا


عصام الحضرى:حارس ممتاز بس مستفز جدا وفية شوية غرور وبيحب اوى يكون ظاهر والناس تتكلم علية


شادى محمد:لاعب جيد ولة خبرة كبيرة ولكنة لة بعض الاخطاء اللى ممكن تودى فى داهية وساعات يكون هادى فى وقت محتاج سرعة ومتسرع فى وقت محتاج هدوء غير انة بطىء




عماد النحاس:مدافع صلب ذو خبرة عالية ولكنة كسووووووووول جدا لدرجة انة ساعات يكسل يجرى او ينط على الكرة





وائل جمعة:لاعب صلب جدا ولكنة ليس ذكى فى التعامل مع الكرة يعنى بمنتهى السهولة ممكن لاعب ذكى يلبسة طرد او ضربة جزاء فى اى لحظة



احمد السيد:لاعب جيد ومجتهد جدا ولكن تنقصة الخبرة وان يتعلم كيف ان يتعامل مع الكرة على حدود منطقة الجزاء وايضا ممكن اى لاعب تانى يرقصة بسهولة





جلبرتو:لاعب سريع وطويل وجسمة ممتاز بس هو بغزالة ساعات يبقى ممتاز وبيكمل هجوم ودفاع وساعات يبقى نايم على الخط والعرضيات اما ان تكون بالمسطرة او ملهاش علاقة بكلمة عرضيات




اسلام الشاطر:لاعب جيد ذو خبرة عالية دفاعيا ولكن جهودة الهجومية قليلة جدا غير انة بطىء وعرضياتة غالبا ما تكون خاطئة



حسن مصطفى:لاعب جيد ولكنة مستواة مش ثابت متش يبقى عشرة على عشرة ومتش يبقى صفر على عشرة ومبيعرفش يشوط كويس



حسام عاشور:لاعب مجتهد ولكن ينقصة الخبرة والجراة لانة ليس لدية الجراة على ان يكمل ويسدد على المرمى



انيس بو جلبان: لاعب عااااااااااااااااادى جدا مش مميز لدرجة انة يشغل مكان لاعب اجنبى فى القايمة لان اى حد ممكن يقوم بدورة بنفس الشكل اللى بيقوم بيبة




بركااااااااات:لاعب اكثر من ممتاز ومجتهد جدا ولكن سنة لا يساعدة كثيرا غير انة ميعرفش يلعب غير حر ومستواة مع الاسماعيلي لا يقارن بمستواة الان لو شفتم اى متش لية لما كان بيلعب فى الاسماعيلي كان احسن من كدة بكتير




ابوتريكة:لاعب ممتاز طبعا وفنان بجد ومهارى جدا جدا ويعرف يتصرف فى الكورة بس عندة مشكلتين سنة وكمان فى بعض الاوقات اداءة بيبقى فردى زيادة عن اللزوم







فلافيو:لاعب جيد ولكنة عصبي جدا وعصبيتة بتخلية يفقد تركيزة ساعات ويبقى ملوش اى وجود فى المتش غير انة كل همة اليومين دول انة يحترف



عماد متعب:لاعب ممتاز ولكن الحظ والتوفيق يعاندونة جدا ويحتاج ان يركز اكتر ويهدا شوية على كورتة لكن تحركاتة ممتازة



اسامة حسنى:لاعب جيد ومجتهد ومخضرم ولكن ميعرفش يلعب متش كامل من اولة لاخرة
وميعرفش يبدا المتش من اولة ابدا يعنى عشان يشتغل صح لازم ينزل فى اخر المتش








دة رايي واحب اسمع ارائكم كلها ولكن بدون اى تحيز
وعلى فكرة ممكن كمان تنقدوا رايي فى اى لاعب

هههههههههههههههه
عشان تعرفى انى بعرف اقرا افكارك
ههههههههههههههههههههه

ايه يا محمد دا انت خليت كل اللاعبين لهم عيوب قاتله وهرد عليك على كل كلامك ان شاء الله
دا كدا الاهلى مش هياخد المركز العاشر فى الدورى

ردك ورايك على عيني وعلى راسى
بس كل واحد لة راية
وبعدين انا مقولتش ان العيوب دى معاهم على طول انا بقول دى العيوب اللى ساعات يقعوا فيها
وبعدين مفيش لاعب واحد فى العالم معندوش عيوب واخطاء ولا اية رايك
وانا متشوق جدا انى اعرف ردك ورايك فى اللاعبين
واعتقد ان رايك هيكون احسن من رايي كمان

عصام الحضرى \ حارس ممتاز بس اخطاء قاتله
شادى محمد \ مدافع صلب وجميل بس دايما يشوط ضربات الجزاء فى اليمين وبيتقدم كتير
وائل جمعه\ انا مش شايف فيه عيب مدافع بكل المقاييس
عماد النحاس \ المفروض يعتزل من اكتر من سنتين كفايه كده
احمد السيد\ على اسمى بس بطىء اوى اوى اوى
رامى عادل \ محتاج خبره مش اكتر
احمد عادل\ سريع جدا بس ميعرفش اى حاجه عن واجبات مركزه بيجرى وخلاص
احمد صديق \ لاعب رائع وممتاز بس جوزيه مبيحبهوش معرفش ليه واحسن من يشغل اليمين
اسلام الشاطر \ احسن لاعب فى يمين الاهلى دفاعيا بس كبر
احمد شديد\ محتاج قوه وخبره ومعرفه بعض واجبات مركزه مثل الدفاع
جلبيرتو\ لاعب مهارى وسريع بس الاصابه ظلمته
حسام عاشور \ لاعب جميل كخط وسط مدافع بس مبيعرفش ييشوط
اينو\ لاعب كويس بس محتاج الصبر عليه شويه مش اكتر
انيس بو جلبان \ كفايه كده مع الاهلى يشوفله نادى تانى
حسن مصطفى \ خط وسط رائع بس جوزيه ظلمه
ابوتريكه\ نجم الاهلى الاول بس نفسى يعرف انه مبيعرفش يشوط فاولات خالص
محمد بركات\ الدينامو المحرك للاهلى فهو لاعب رائع جدا فى كل المراكز الهجوميه
فلافيو\ لاعب مهارى وقوى بس نفسى يبطل يشوح للحكم بايده وشتيمه بالبرتغالى
متعب\ احد ضحايا جوزيه لاعب رائع ومهاجم على اعلى طراز بس جوزيه ضيعله ثقته بنفسه
اسامه حسنى \ عشان متدين فربنا بيوفقه لما بينزل ويجيب اجوان بس هو بيتعب فى التمرين
رضا الويشى\ مشفتهوش بيلعب فمقدرش احكم عليه
احمد فتحى\ اضافه كبيره للاهلى ويجيد اللعب فى اليمين وفى الوسط والدفاع

انت كدة خرجت عن الموضوع خااااااااااااااااااااالص
انا قصدى من الموضوع ان احنا نقول عيوب فريقنا من غير مجاملة
وانت فى لاعبين كتير جدا مقولتش فيهم اى عيب
مع ان مفيش حاجة اسمها لاعب بدون اخطاء
وشكرا على مشاركتك

زى مين يا محمد انت قولت رأيى ايه وانا قولته فى كل لاعب انا بقولك الاخطاء الموجوده فى بعض اللاعبين بالنسبه لمركزه لاعب كامل زى محمد شوقى كخط وسط مدافع مالوش مثيل
وشكرا يا محمد

ماشى يا سيدي
دة رايك وانا بحترمة
بس انا بردو رايي ان مفيش لاعب كامل حتى ولو فى مركزة
ومحمد شوقى كمان كان لية اخطاء
بس عموما دى مجرد اراء مش اكتر
والاختلاف فى الراى لا يفسد للود قضية

ود مين يا جدع ده انت حبيبى انت عارف والله يا محمد احنا بنتناقش بس وشد حيلك فى المذاكره

ان شاء الله