رحمتك رحمتك يا رحمن

من طرف محمد الجندى الجمعة سبتمبر 21, 2007 2:12 am

رحمتك يارحمن

رحمتك رحمتك يارحمن
ياخالق البر والبحر والانس والجان

سبع سنين عجاف مرت زمان
وأرسلت يوسف ينقذ البلدان

واليوم سبعه وعشرين سنه والخلق تعبان
سنه بعد سنه يزيد الهم على الغلبان

البلد بعوها وشعبها غفلان
خصخصه خصخصوها لجبهم المليان

وتشكى بعوها جمله مش بالفدان
بالظلم والقهر حكموها وقالوا بلد الامن والامان

أهلك يابلد ذاقو كل الالوان
غلابه طيبين ويتحملو الهوان

وأستلمهم تركى وعثمانى وأنجليزى جبان
كلهم مصو خيرها وقهرو الابدان

وفرناند الفرنسى فى القناه سخر الولدان
كل ده يعقله العقل ويصدقه الانسان

لاكن لما الام تمص دم أبنها العيان
والاخ ياكل أخوه مش يبقى ده أخر الزمان

الظلم والفساد أنتشر

رحمتك رحمتك يا رحمن

من طرف ميرا الجمعة سبتمبر 21, 2007 3:47 am

لاكن لما الام تمص دم أبنها العيان
والاخ ياكل أخوه مش يبقى ده أخر الزمان

الظلم والفساد أنتشر

رحمتك رحمتك يا رحمن

بجد حلوة اوي. شكرا يا محمد علي الكلام الجميل ده.