مشاكل الناس (الحب علي الانترنت)

مشكورة جدا يا نهلة ويارب يكون الجميع يرد
بجد دي ابسط مشكلة انا شوفتها لكن في مشاكل تانية وتقطع القلب ومشكورة مرة تانية يا نهلة وفعلا ده الحل انها تصلي رقعتين استخارة

بس دى لسه فى الاول ده فى ناس صح يا راندا
بيدخلوا فى مشاكل سودا
ههههههههههه

بطاطس كتب:

ده تقريبا نفس راى
بس انا بقول ان حب النت ده احداث على الفاضى
وكلهم داخلين يلعبوا
او نسبه كبيرة جدا منهم
يعنى متتعبيش نفسك واعمليله بلوك
هههههههههههه

انت بتزيد همها كده
هيا عاوزه تعرف حقيقه مشاعره وتصدقه او لا
تقوم تقولها اعمليله بلوك

بطاطس كتب:

انتى مش فاهمانى
انا قصدى ان الاغلبيه بيتسلوا
ومفيش حاجه هتاكدلها اللى هو كويس
غير لما يظهر اى تصرف رسمى
واهلها يعرفوا

وعلى ايه كل ده وهو ممكن يطلع بيتسلى فى الاخر
يبقى تعمله بلوك وتريح نفسها

ما هيا تقولها يجى يتقدملها
وتصلى الاستخاره
لو مرديش يبقى بيتسلى

بطاطس كتب:

وايه اللى يخليها توجع دماغها
على واحد عمرها ما شفيته
ومرمى طول النهار على النت

يعنى كل اللى بيقع على النت بيبقى فاضى
ومش وراه حاجه ومرمى وخلاص؟

شكرا اولا يا راندا علي الموضوع الجميل ده. انا هقولكم علي تجربة واحده صاحبتي مرت بيها
هي كانت تعرف شاب عن طريق النت والشاب ده كان مسافر بره مصر كان تحديدا في الامارات وكان بيشتغل محاسب هناك. المهم هي عرفته شهرين علي النت وبعدين اول زياره ليه لمصر اخد اهله وراح يتقدملها وفعلا اتخطبوا وكتبوا كتابهم وسافر وبعدين هيجي كمان كام شهر وهيتجوزها وهياخدها معاه ان شاء الله وعاوزه اقولك اني حضرت فرحهم وبيحبوا بعض جدا

انا كمان عاوزه اقول حاجه مش لازم اي حاجه غلط تكون جايه من النت. ممكن الواحد يغلط بردو بعيد عن النت. وكمان في علاقات كتيره غلط ومكنتش عن طريق النت. اللي عاوزه اقوله اهم حاجه تبقي اختارتي صح وعارفه بتعملي ايه. مش مجرد واحد قالك كلمتين حلوين وثبتك يبقي بيحبك. وبردو لازم تبقي عاقله وعارفه بتعملي ايه بالظبط. غير كده الواحد ممكن يغلط كبير ويبقي بعيد عن النت خالص. احنا في مجتمع فيه الحلو والوحش وسواء قعدتي علي النت او مقعدتيش لازم هتخطلتي بالمجتمع ده ولازم تبقي قادره تعيشي فيه بكل حلوه ومره.انا اعرف كتير كانوا مرتبطين ايام الجامعه الاربع سنين وبعدين اول ما اتخرجوا كل واحد راح في طريق واعرف كمان اتنين من نفس بلدي اتخطبوا اربع سنين الجامعه وفي الاخر البنت سابته وطلعت بتتسلي بيه كمان وراحت اتجوزت واحد غيره. اللي بيشوف مصايب الناس بتهون عليه مصيبته. اهم حاجه تبقي صاحيه لنفسك ومتعمليش حاجه تندمي عليه في يوم.ولو الانسان اللي بتحبيه بيحبك بجد لازم هتسحي بده من طريقته معاكي وخوفه عليكي وانك تحسي انه بيعاملك غير اي بنت عرفها قبل كده.

مفيش حاجة اسمها حب عبر النت هذة سذاجة يقع فيها الفرد اذا كان الفرد هذا ولد ولابنت هذا حلم ساذج الواحد بيمسك فية بكل ما اوتي من قوة ولكن مش حيعرف يوصلة لأنة حلم مها قرب منة هو حلم وخيال انصحكم جميعا بالابتعاد عن تلك الاحلام المزعجة اسف هي كوابيس مش احلام لأن الواحد لما بيصحي منها بيتصدم والاحلام
لاتصدم

انا في رايي ان في حب عن طريق النت وعن طريق غيره وده بشهادة الجميع وعلي فكره لو انا ارتبطت عن طريق النت واتجوزت الشخص ده هقول لاولادي لما اكبر اني عرفت ابوهم عن طريق النت ومش هتكسف من كده وعشان هبقي عارفه اني مربيه ولادي صح وانهم هيفهموا كلامي كويس وهيختاروا بردو صح .انا قولت اهم حاجه تختار صح .طيب ما في ناس بتتعرف علي ناس في الشغل او اي مكان وبيطلعوا في الاخر مش كويسين .ليه كل حاجه بتجيبوها علي النت وخلاص.بلاش كل واحد يعلق شمعته علي النت وبس.الغلط ساعات بيبقي من جوانا احنا .ولاسف مبنبقاش حاسين بيه الا بعد فوات الاوان.

صاحبتك دى يا ميرا ممكن تكون صدفه مش بتتكرر كتير
انا بتكلم على الاغلبيه
انا كل معظم صحابى اللى اعرفهم وعندهم نت
زبااااااااااااااااااااااااااااااااله
ههههههههههههههههههههههههههههههههه
مفيش غير قليلين

بص يا بطاطس في كتير جدا اعرفهم غير صاحبتي دي ومش شرط اذكرهم كلهم يعني في كلامي.غير كده مش شرط اتقابل مع ناس سوري زبالة زي ما انت بتقول من النت بس لا عادي ممكن اقابل ناس زي كده من كل حته وفي اي وقت مش شرط يكون النت هو الحاجه الوحيده اللي غلط بالعكس ساعات النت بتتكلم فيه مع ناس بصدق وبتبقي مفيش حاجه تجبرك ولا تجبرهم انهم يضحكوا عليك. يعني مثلا انا ليا اصحاب كتيره اعرفها من النت مش هقولك انهم ولاد بس الاغلبيه بنات ومع ذلك بينا كل احترام وتقدير وعلي فكره انت اللي بتجبر اللي قدامك يحترمك او لا.

متشكرة جدا يا جماعه علي الاراء الجمادة دي
ويارب نكون فدنا واستفاد نة وادي المشكلة التانية
.


في الحقيقة انا حبيت واحد على النت و هو كمان حبني حسب قوله،و انا ما تجاوبت معاه الا بعد مدة لاني عن جد لقيت نفسي احبه و تبادلنا ارقام الجوال ، وكان يتصل عليا واذا غبت عنه وطولت ما يصبر الا القاه داق عليا، حتى انه مرة سويتها متعمدة و ما فتحت المسنجر عشان اشوفه اذا صدق مايصبر علياو صحيح لقيته كمان داق عليا. المهم من شهرين قالي انه مسافر شغل اسبوع بس الاسبوع طول و صار شهر ونص فانا ما احتملت خفت يكون صاير معه شئ ،اتصلت عليه قالي بعدي مسافر ،مروا شهرين و اتصلت عليه ثاني قالي يومين و ارد و اكلمك بس اليومين مروا والحين صاروا اسبوع .قولوا لي شو اسوي اتصل عليه و لا انسحب مع اني حاسة انه هو اللي انسحب؟ و الله ما دري شسوي بليز اعطوني رايكم و لو كنتم في مكاني شو تسون.

خدى بالك يا راندا
وبعدين انتى مصريه صح؟

اه بس انا والله بنقلك الموضوع بعد ما بقراء وانا قولتلك ان انا جايبة المشاكل دي من موقع وانا مش بكدب علشان كدا بنقله بنفس اللهجة خدي باليك انتي

اه يعنى المشكله مش بتاعتك انتى

نعم يا اختي ازاى يعني بزمتك انا يخش في دماغي الهايفة دي ربنا يسمحيك

لا متزعليش
انا اسفه

عادي يا ستي وارجو انيك تقري العنوان كويس جدا وبعدين تقرائي بقة الموضوع القديم من اوله علشان تعرفي ان انا قولت كدا وله لاء وبعدين فين رائيقة علي المشكلة التانية