عاوزه رائيكو

على فكرة يا نهلة انا كنت ازهرى ودارس الحجات دى فى الفقة
بس انا ما بقولش انى علامة انا هقول الى انا اعرفة
ان صوت المراة عورة ايا كان المقصود من كلامها لان ديما مش كل
الى بيسمع قصدة الاستفادة من الكلام وانما التلذذ من الصوت المسموع
دا الى انا اعرفة والله ورسولة اعلم

اه طبعا كلامك صح
لكن النيه انى اقول الصح لان مفيش حد من الاولاد بيعمل كده

بصي يا نهله لازم تسألي شيخ متخصص لان بشوف براكج تليفزيونيه دينية فيها بنات بتتكلم مع شيوخ
الحاجة الثانية انتي بتقولي بتقرأي عن الدين المسيحي ايه المقصود لو سمحتي لان ده مهم جدا

ما انا بسالكوا لانى معرفش شيخ

القراءه عن الدين المسيحى من باب العلم فقط
ولكن انا مسلمه ولا عمرى هكون غير كده
لااله الا الله محمد رسول الله

يلا يا جماعه
فين الباقى

علشان تقري على الدين المسيحي لازم تكون متفهة في الدين الاسلامي يعني حافظة قرآن وقارية تفسير علشان تقدري تردي على اي تساؤل يرد على خاطرك
وفيه مواقع مهتمة بمقارن الاديان ههحطها ليكي في القريب العاجل

ايوه عندى موقع بيفرق بين
الاسلام والمسيح واليهود

لكن انى اكون متفهمه فى الدين الاسلامى
اه عندى معلومات بس مش كتير
ده انا جمعت معلوماتى خلال سنتين بس
لان ملقتش حد ياخد بايدى ويحفظنى ويشجعنى انى اعرف حاجه عن دينى
انا كنت فى الازهر فى حضانه وماما نقلتى لمدرسه عاديه عشان
مشوار الازهر بعيد
شوفت بقه نصيب
يعنى لسه هقراء اكتر

ياريت كنت اقدر اساعد
بس انا مش هفتى
مع انى شايف كلام احمد مقنع

اه ما انا محتاجه حد ياكد رايه

بصي انا بقول ليه لازم تتفقهي في الدين لان فيه شباب كان مسلم من غير ما يعرف حاجة عن دينه ولما وسوس له الشيطان بأفكار غريبه نتيجة مناقشات من غير مسلمين ترك الاسلام لانه لايعلم شئ عن دينه
والدليل محمد حجازي هو وزوجته ربنا يهديهم ويرجعوا تاااااااااني للدين الحق

على فكرة يابو محمود الدين المسيحى المسلمين ما منين بة
لان احانا امنا بالنبى الذى يدعوا الى المسيحية ونؤمن بجميع الروسل
والانبياء ودا الفرق بين المسلمين وغيرهم لان غير المسلمين بيامنوا بالدين بتاعهم ونبيهم بس وعلى فكرة يانهلة انا مع راى ابو محمود فى انك تتفقهى فى دينك بتعمق
لان الانسان ممكن يضعف ولو لحظة لشيطان والعياذ بالله

تسلم يا احمد باشا

السلام عليكم
معلش ياجماعة اتأخرت عليكم
هههههههههههه
بصى يانهلة وركزى معايا قوى
بالنسبة لموضوع كلامك فى المدرج فى الكلية :
موضوع صوت المرأة عورة :هو صوت المرأة يعتبر عورة فى حالة الخضوع بالقول يعنى ترقيق الصوت وتنعيمه وقال تعالى فى سورة الأحزاب :"فلا تخضعن بالقول فيطمع الذى فى قلبه مرض" وكانت النساء تأتى النبي صلى الله عليه وسلم يسألنه في أمر من أمور الاسلام ولكن بغير خضوع بالقول فيجيب عليهن النبي صلى الله عليه وسلم مثل المرأة التى نزل فيها أول آيات فى صدر سورة المجادلة ...........والآيات والأحاديث معلومة ومشهورة فى هذا الباب.
وبعدين يانهلة اذا كان فى المدرج شباب فأنا نصيحتى لكى بأن لا تتحدثين ولا تتكلمين أمامهم لأمن الفتنة وتجنب الشبهات أما اذا كنت تتحدثين أمام فتيات فأعتقد أنه لا بأس من حديثكن وتبادل وجهات النظر
والله تعالى أعلى وأعلم
والسؤال التانى ان شاء الله تعالى هجاوب عليه بس بعدين لأنى تعبان ولسة جاى من سفر
وأسأل الله تبارك وتعالى أن يرزقنا جميعا الفردوس الأعلى

أبو محمود كتب:بصي انا بقول ليه لازم تتفقهي في الدين لان فيه شباب كان مسلم من غير ما يعرف حاجة عن دينه ولما وسوس له الشيطان بأفكار غريبه نتيجة مناقشات من غير مسلمين ترك الاسلام لانه لايعلم شئ عن دينه
والدليل محمد حجازي هو وزوجته ربنا يهديهم ويرجعوا تاااااااااني للدين الحق

ايوه بس دول ضعاف الايمان ومعندهمش خلفيه فتنصروا
اما انا فمتاكده من نفسى
لو طلبوا انهم يقتلونى وميرموش المصحف فى الارض والله اوافق
يعنى انا مسلمه وبحب دينى اوى اووووووووووووووووووووووووى

سيف الاسلام كتب:السلام عليكم
معلش ياجماعة اتأخرت عليكم
هههههههههههه
بصى يانهلة وركزى معايا قوى
بالنسبة لموضوع كلامك فى المدرج فى الكلية :
موضوع صوت المرأة عورة :هو صوت المرأة يعتبر عورة فى حالة الخضوع بالقول يعنى ترقيق الصوت وتنعيمه وقال تعالى فى سورة الأحزاب :"فلا تخضعن بالقول فيطمع الذى فى قلبه مرض" وكانت النساء تأتى النبي صلى الله عليه وسلم يسألنه في أمر من أمور الاسلام ولكن بغير خضوع بالقول فيجيب عليهن النبي صلى الله عليه وسلم مثل المرأة التى نزل فيها أول آيات فى صدر سورة المجادلة ...........والآيات والأحاديث معلومة ومشهورة فى هذا الباب.
وبعدين يانهلة اذا كان فى المدرج شباب فأنا نصيحتى لكى بأن لا تتحدثين ولا تتكلمين أمامهم لأمن الفتنة وتجنب الشبهات أما اذا كنت تتحدثين أمام فتيات فأعتقد أنه لا بأس من حديثكن وتبادل وجهات النظر
والله تعالى أعلى وأعلم
والسؤال التانى ان شاء الله تعالى هجاوب عليه بس بعدين لأنى تعبان ولسة جاى من سفر
وأسأل الله تبارك وتعالى أن يرزقنا جميعا الفردوس الأعلى

على طول معانا شباب
والبنات ضعف الشباب وهما دايما بيقعدوا فى الاول
فبكلمهم هما ودايما بقول فى حديثى للبنات بس
اصلا انا مش ليه صداقه باشباب حتى لو كان اخويا
وعملت اسره النور للبنات بس
وفيه مجموعه من الشباب عاملين اسره الحضاره الاسلاميه
وكان لازم اتكلم ومينفعش متكلمش
يعنى بنت من الدفعه طلعت مسكت الميكرفون قبل ما الدكتور يجي
وشغلت الموبايل وقالت هسمعكوا اغانى
وكلهم بصولها ولكن الموبايل والله العظيم جزء الاغانى اللى فيه مشتغلش
الحمدلله
فيعنى كان لازم اطلع ومسكتش
بعد كمان ما واحد قام قال لو قران مش هتبصولها ولكن قالت الاغانى الكل بص
كان لازم اطلع وافهمها لانى المفروض مسئوله دلوقتى لانى امينه على البنات على حسن ما بتقول الاستماره
ولكن انا بكون شديده فى كلامى وطبعا بكلهم بجديه ومش بضحك ولا بنعم صوتى