دار السلام

هذة القصيده للشاعر /محمد بن شاعي الغنامي والتي القيت في مزاين قبيلة عتيبه وارجوا ان تنال على اعجابكم واستحسانكم ولكم جزيل الشكر
مهما كتبنا فالوطن من اجزل انـواع الكـلام
مانوفـي حقوقـه علينـا يشهـد الله العظيـم
هو بيتنا اللي فيه نلقى الدفءوالماء والطعـام
مستقبل الأبناء وحاضرنـا وماضينـا القديـم
يحضن حرم طيبه وقبله يحضن البيت الحـرام
هي مهبط الوحي وبلاد العز والخيـر المقيـم
مهد الرساله منبع الأسـلام هـي دار السـلام
الله يحفظها ويحميهـا مـن أبليـس الرجيـم
نحب كل ترابها أن كان غرب أو كـان شـام
حب أرضها واحد مانفرق بين جده والقصيـم
توحدت أركانهافي عهد أبـو تركـي الأمـام
عبد العزيز اللي عسى قبـره لجنـات النعيـم
واليوم في عهد أبو متعب فـي تقـدم
للامـام قامت صرورح شامخه في خدمة الشعب الكريم
وحنا لها وقت اللزوم حصون ودروع وحـزام
عدوانها نحدهم عنهـا علـى صـال الجحيـم
لالايهمك ياوطـن زمـرة خفافيـش الظـلام
ضلوا بعيد عن الهدى وعن الطريق المستقيـم
افتوا بتحريم الحلال وحللـوا شـيء حـرام
افكار مرفوضه من الأسـلام والعقـل السليـم
تجردوا من كل خير وصاروا ألـد الخصـام
من أفعالهم كم حرمة رملا وكـم طفـل يتيـم
يحاولون بفعلهـم يانـاس زعزعـة النظـام
وافشلهم الله ووقعوا والفضـل للـرب العليـم
حسبي عليهم خططوا مابين زمـزم والمقـام
استخدمو شتى الوسائل ولبسوا لبس الحريـم
أي فكر هذا اللي ماراعا لاصـلاه ولا صيـام
ولايفـرق فالبعيـد وفالقـريـب وفالحمـيـم
ارهـاب للأطفـال والشيـاب بكـل الانـام
هم في نظرهم كل طفل وكل شخص الهم غريم
ياللأسـف استخدمـوا اداة لتحقيـق المـرام
استخدمهم اعداء الوطن لاهداف يفهمها الفهيـم
والدين الأسلامي بريء منهم قليليـن الرحـام
لو شوهوه امام الاعـداء ديننـا يبقـى قويـم
هم مادروا ان الوطن دونـه عيـون ماتنـام
دونه رجال تحرسه من كل مجنـون وغشيـم
يقدمون ارواحهم دون الوطن وقـت الزحـام
رجال تقدم للخطر في ظلمـة الليـل البهيـم
وحنا جميعاً ضدهـم وبـدون فرقـه وانقسـام
شعب وحكومه كلنا سيوف في وجه الخصيـم
متكاتفين تحـت راي القائـد الشهـم الهمـام
مليكنا اللي نفح جوده مثـل نفحـات النسيـم
اللي عفا والعفوا من شيـم المياميـن الكـرام
لكنهـم تمـردوا تـمـرد الخـبـل اللئـيـم
ونطلب من الله يهدي اللي عاد منهـم وستقـام
ويثبته لاعـاد يرجـع فـي سراديـب العتيـم
والحمد لله انجـلاء عـن جونـا ذاك الغمـام
الجو صافي للعيـون الصاحيـه مافيـه غيـم
الله يديم العز الـك يادارنـا فـي كـل عـام
قولوا معي امين يالأجواد من جوف الصميـم