يوميات اتنين اتجوزه علي الشات

من طرف قطة المنتدي الأربعاء أبريل 18, 2007 3:26 pm

يوميات زوجين اتجوزو من علي الشات ... الشات لحس مخهم خاااااااالص ...

-بعد التعارف على النت قرروا يتقابلو ....

هي_ حبيبى انت جيت .... ؟

هو -ايوة يا حبيبتى امال خيالى .. انتى مش شايفة اسمى اون لاين ؟ يبقى انا جيت ..ده سؤال يا سوسو ؟

هي _آسفة يا حبيبي .. اصل فرحتى بظهورك طيرت عقلى

ها ...قوللى بقى

عملت ايه امبارح اما خرجت انا اوف لاين ؟

هو_معملتش حاجة ابدا ... قعدت فى رووم اسمع اغانى ..

هي_ آه , واظن الست دلوعة كانت موجودة ..

هو_وحياتك كانت موجودة بس عملتلها بلوك ..

هي_ممممم

يعنى مكلمتهاش

هو_لا .

هي_ولا حتى هاى .

هو_لا هى سلمت عليا فى الرووم قبل ما اعمللها بلوك و انا قلتلها برب

هي_اها

طب كويس

يا ريت تعمللها ديليت خالص من الليست

هو_عينيه يا حبيبتى انتى تؤمرينى بس

الجزء التانى

هو_أخيرا يا حبيبتى اتجوزنا و اتقفلت علينا رووم واحدة

هي_ايوة يا حبيبى أخيرا

بس مال الصوت بيقطع هنا ليه ؟

هو_يا ستى واحنا هانعوز الصوت فى ايه

_اعملى ميوت

هي_ههههههههه

على رأيك...

هو_باقوللك ايه ؟

هي_ها

هو_عملتى باس وورد للروم , احسن نلاقى الناس جاية

هي_اطمن عملت باس وورد طبعا و لا يهمك

بعدين انت بقيت آدمن البيت

يعنى اى حد مش على مزاجك

باند على طول

يوم الطلاق

انتى يا ولية ..

ولية

هي_أنا ولية ..

انت ناسى أد ايه حفيت عليا فى الروومات و الماسينجرات ؟

ان كنت ناسى افكرك

هو_كان يوم اسود ياختى يوم ما عملتلك آد "add"

يا ريتنى كنت برب"brb" و لا ديس كونيكت مكنتش شفت خلقتك

هي_نعم نعم

مالها خلقتى .. مش كنت بتموت عشان تشوفنى على الكام

وكل شوية تقوللى فين كامك

هو_كنت أعمى و أضبش و أطرش .. ارتحتى

هي_يا خاين يا غدار

يخونك اللى بيننا؟

ده احنا بيننا روومات و هىء ومىء و دوت و كوم

يخونك الإنفيتات اللى كنت بابعتهالك عشان تبقى جنبى فى الروومات

خلاص نسيت الإيميلات و السهرات

انت أكيد فى مخك فيروس عاوزلك فورمات

بقى يرضيكم ياهووووووووو

ياخدنى أون لاين

يرمينى أوف لاين

منك لله

من النهاردة انت إنفيزيبل فى حياتى

هو_وانتى ريموف بالتلاتة

هي_لا متقلهاش يا خاين

هو_لا اقولها انت متستحقنيش انا مستويه اكبر من كدا

هي_ليه يا بابا هو انت لقاتني مرميه في شات معفن ده انت لقاتنين في شات كببير

هو_كبير طب عنده كام سنه

هي_عنده مايكات و كاميرات و برامج وصور وحااجات كتير

هو_طيب ياختي اشبعي بيه انتي ريموف بالتلاته