الغاء مهنه المحاماه !!!. الى معاه ليسانس حقوق يشتغل فران

محمود ممدوح كتب:مش خريجى الحقوق فقط
كل الناس مش لقية شغل
حتى خارجين الطب

اقرأ الموضوع تانى يا مدير
عيب لما المدير يقرأ العنوان فقط

كرم العوامى كتب:

محمود ممدوح كتب:مش خريجى الحقوق فقط
كل الناس مش لقية شغل
حتى خارجين الطب

اقرأ الموضوع تانى يا مدير
عيب لما المدير يقرأ العنوان فقط

magedelzamalkawy كتب:طيب اقلك حاجة احلي
انت بتقول ان ممكن المحامي يطلع واحد مذنب
افرد المحامي بيشتغل في 10 قضايا يوميا افرد منهم 6 منهم مذنبين و 4 مش مذنبين
مش شايف ان مهنة المحامي مهمة لأنهم كما يبرأون المذنب ففي بعض الاحيان يبرأون البريء

الكلام دة مش كلامي دة كلام محامي كانوا مرة مستضفينه في المدرسة هو محامي وفي نفس الوقت امام جامع النادي الاهلي بتاع مدينة نصر ولأن مدرستنا قريبه من النادي ومن منزله ايضا فجه مرة يتكلم معانا علي اساس اننا شباب وكدة واتكلم معانا علي الجنس واه اضرار العادة سرية وخلافة طبعا بطريقة دينية وفتح باب الاسئلة كله طبعا سئله عن الجنس وهو كان بيرد بمصطلحات محترمة بامانة انا الوحيد اللي سالته سؤالين ملهمش دعوة بالموضوع قلتله
1 انت اهلاوي ولا زملكاوي
قلي اهلاوي طبعا وبسخافة مه هو فيه مصر حد مش اهلاوي قلتله انا
2 سالته هل مهنة المحاماه حلال ولا حرام رد عليا زي ما قلتلك ممكن يبرأوا مذنبين بس برضة ممكن يبراوا اناس ابرياء وقلي المفروض ان المحامي لو عارف ان اللي قدامه مذنب ميدفعش عنه
قلتله ماهو برضة ممكن واحد يتظاهر بانة بريئ قلي يبقي مش ذنب المحامي
وجهة نظر برضة صح

محمود ممدوح كتب:
من وجه نظرك هل انت ترى ان المحامين فى صالح العدل ام فى صالح الموكل ؟؟

هى ممكن تكون حسب القضية ولكن فى كل الاحوال اكيد فى صالح الموكل

هل لو النيابه قامت بدورها على اكمل وجه هل سنحتاج الى محامين ؟؟
ممكن ولكن النيابة مرات بكون مش واخد بالة من بعض الحجات ولكن لو قامت بدورة على اكمل وجهة ممكن منحتجش لمحامين
ولكن كدة خارجى الحقوق هيزعلة
هههههههههههههههههههههه

هل فعلا لا احد فوق القانون ؟؟

هههههههههههههههههههه
شكلك هتودينا فى داهيا بموضوعك دة

سندريلا كتب:موضوع اكتر من رائع بجد شكرا ليك يا كرم

من وجه نظرك هل انت ترى ان المحامين فى صالح العدل ام فى صالح الموكل ؟؟
فى زمانا دة المحامى فى صالح الفلوس ورشوى
______________________________________
هل لو النيابه قامت بدورها على اكمل وجه هل سنحتاج الى محامين ؟؟
لا طبعا لية هنجتجهم وفى ناس عرفة شغلها كويس وعندها ضمير
______________________________________
هل فعلا لا احد فوق القانون ؟
القانون مش بيفرق بين غنى وفقير
لاكن فى زمانا دة بيقرق والفقير بينداس
______________________________________

hoss65 كتب:كل مهنة فيها الكويس والوحش لاكن الأكيد انه لاغنى عن مهنة المحاماه لأنه هو إلى بيتكلم بالإنابه عنك أما النيابه فهى تتكلم فق عن الحق العام وقد يكشف المحامى ما قد يخفى على النيابه
شكرا على الموضوع الجيد

jussylove كتب:بص يا كرم موضوعك جامد بس انا بصراحة شايفة ان المحامين ليهم لازمه ومهمة كمان
لان القاضى معندهوش وقت انه يقرا تفاصيل القضيه من اولها لاخرها ولا يروح لهنا او هناك لا القاضى بتجيله القضيه طازة قدامه وهو يادوبك يقرا ويسمع الشهود وبس ويعلن بالحكم بس لو ملهاش لازمه مكنش ناس كتير دخلتها اى كليه واى مهنه فى العالم ليها لازمة سواء معهد او كليه

صدقنى مهنة المحاماه مهنة مهمة جدا بس للاسف الشعب المصرى عمرة ميفهم كدة

عارف لو مكنتش ليها لازمة مكنتش تبقى فى امريكا من اهم المهن وتبقى رقم واحد افهم كلامى صح

هو انا اقدر مردش ..!!!
لكن انا سايبك للاخر عشان احلى
انا مقلتش ان المحامين ملهمش لازمه ومقلتش كمان ان القاضى عنده وقت عشان يدور فى اوراق القضيه ويبحث عن الظالم والمظلوم . لكنى قلت ان لو النيابه اخدت وقتها فى التحقيق والبحث عن الحقيقه كنا استخدما المحامين فى بعض القضيايا الشائكه وليس كل القضايا كما يحدث الان , النيابه لازم يكون دورها اكبر من دورها الذى تستخدمه الان ولازم يزيد عدد الافراد , لازم يقوموا بدور العدل الى هو اساس الحكم ...
كام واحد فى مصر يقدل يجيب محامى ؟؟؟؟
الموضوع مش هجوم على المحامين بقدر ما هو دفاع عن الغلابه الى معندمش مقدره يجيبوا محامى
فى مره فى احد البرامج كانوا مستضيفين وكيل نيابه وساله المحاور ... لو فيه واحد معندوش محامى هل بيقف فى ساحه القضاء بدون محامى ..؟؟؟
فالوكيل رد عليه رد عجيب اوى
قاله لا طبعا الدوله بتقوم محامى يدافع عن المدعى عليه بس بيكون دوره روتينى !!!!!
عرفتى بقى انا ليه زعلان من القضاء ؟؟
على فكره الشعب المصرى بيفهم كل الحاجة بس ممكن يكون مش عارف يوضح وجه نظره

كرم العوامى كتب:

بسم الله الرحمن الرحيم
مديرى ومشرفى واعضاء وزوار منتدى الفنان الغالى
كل سنه وانتوا كلكم طيبين بمناسبه العيد وراس السنه
بدون مقدمات لان الموضوع مش محتاج مقدمات فهى فكره خاصه جدا من العبد لله
الفكره تقول ان المحامين من الممكن ان يحصلوا على البراءه لشخص مذنب ,
ومن الممكن ان يتاخذلوا فى انتقاذ شخص غير مذنب من السجن والعقوبه .

هناك قاعده فقهيه بعتبرها اساس حياتى تقول درء المفاسد مقدم على جلب المنافع
فراى الاساس انه لا تظلم
الست معى ان حصول برىء على حكم او حصول ظالم على البراءه شىء شاذ وقليل وليس هو الاساس وارى انه لا يجب ان يعم الشاذ
وان حدوث هذا الشاذ ليس لوجود المحامى لوكنه لتقصير فى دور احد اطارف الموضوع من محامى ونيابه وشرطه وقاضى
وهذا هو الفرق بين محامى كبير ومحامى صغير
وهذا هو الفرق بين من يقدر على الدفع ومن لا يقدر

اخى ان طبقنا هذه النظريه فهى ليست قاصره على المحاماه فقط ولكنها كل المهن
فمثلا الست معى ان مثلا فى الطب
لو فى بدايه مرض ما وذهب الشخص الى استاذ كبير يستطيع معه سرعه التشخيص والعلاج يفيد اكترمن لو ذهب الى طبيب على اد حاله ممكن تتفاقم الحاله
فهل هتطلب الغاء الطب او الغاء الاستاذ الكبير او الغاء الطبيب العام اللى اد على حاله
لالالالالالالالالالالا كل واحد له دور ومكانه

هذا هو الفرق بين من هو فوق القانون ومن هو تحته

اخى دا نظام بلد وليس للمحامى دخل فيه

اخوانى الاعزاء
الفكره التى خطرت ببالى تدعوا الى الغاء مهنه المحاماه !!!!!
طبعا الكل هيستغرب انت بتتكلم فى ايه يا كرم ,, انت اتجننت ولا ايه ؟؟؟
طب اذاى الناس تدافع عن نفسها ؟؟؟
واذاى البرىء يثبت برائته بدون محامى ؟؟
كل هذا صحيح لكن الحل فى يد من يملك القوه ومن يملك القدره على اثبات هل هذا الشخص برىء ام مذنب
اذن الموضوع كله فى يد النيابه واهل الشرطه
فلو كانت التحقيقات سليمه واخذت وقتها فى يد النيابه
ولو كانت التحقيقات تعاملت مع كل شخص على انه اما مذنب او غير مذنب ويكون هدفهم هو اظهار الحقيقه وليس هدفهم هو اثبات ان هذا الشخص هو المذنب
نعم دور النيابه فى الدول العربيه هو اثبات ان هذا الشخص هو المذنب

اخى لماذا تاخذ هذا الموقف من النيابه اعتقد ان هذا الانطباع عن النيابه من افلامنا المصريه التى دائما ما تجد النيابه كل هما اثبات التهم وطبعا المحامى العكس
اخى ان كان هناك حقيقه فى هذا الموضع فى لانه ترى نهايه القضيه فقط فالنيابه بعد ان تبحث وترى ان هذا الشخص هو المطلوب فلها كل الحق ان تدافع عن الادله التى دفعتها لتقديم الشخص وكما ان للمحامى ان يثبت عكس ما تقول او يقدم ادله اخرى

يجب ان يكون القانون فوق الجميع فعلا وليس فوق الضعفاء
والله العظيم لو كانت التحقيقات فى القضايا حقيقيه وهدفها هو اظهار الحق فسوف نلغى مهنه المحاماه بايدينا
وحتى تعرفوا معنى كلامى
اسالو مفسكم كم من الوقت يسنغرق فى التحقيق ؟؟
اسالوا نفسكم ليه فى كتير من القضايا وبعد التحقيقات وبعد اثبات من النيابه ان هذا الشخص مذنب وفى الاخر المحامى بيطلعه براءه ؟
اسألوا نفسكم ما هو دور المحامى ؟؟؟
المحامى بيبحث فى اوراق القضيه وبيبحث فى ملابسات الحادث اذا كان فيه حادث وبيحاول بكل الطرق اظهار براءة المدعى عليه
فهل النيابه غير قادره على اثبات ذلك ؟؟!!!
اعتقد ان سلطتها ونفوزها وعدد من يناقش القضيه كافى جدا لاظهار هل هذا الشخص مذنب ام لا ؟؟
لكن اذا ارادت ذلك !!!
انا هتجنن والله !!!



اساله النقاش
من وجه نظرك هل انت ترى ان المحامين فى صالح العدل ام فى صالح الموكل ؟؟
هل لو النيابه قامت بدورها على اكمل وجه هل سنحتاج الى محامين ؟؟
هل فعلا لا احد فوق القانون ؟؟[/color]

اخى ما هو المانع ان يقوم كل بدوره على اكمل وجه نحن بحاجه للنيابه والمحامى ولا تعارض
وعن نفسى لا اعرف احد باسم لا احد الذى ذكرت انه فوق القانون
ولكن اعرف ناس كثيرون فوقه مثل محمد وحسنى ومبارك وجمال وشاذلى وطنطاوى وغيرهم كثيرون
شكرا للجميع واسف على الاطاله

[/size]

jussylove كتب:ماشى يا كرم اضحك عليا بكلمتين

يبقى العيب من المحامين انهم مش بيقللوا الثمن للفقراء بس مش معنى كدة انهم ملهمش لازمة
لا دول ليهم لازمة كبيرة
على فكرة انا مش فى حقوق

والله انا مش ضد المحامين ولا ضد كليه الحقوق والعيب مش فيهم بكل تاكيد لكن العيب فى النيابه
وممكن يكون العيب فيا انا وانا مش عارف

كرم العوامى كتب:

jussylove كتب:ماشى يا كرم اضحك عليا بكلمتين

يبقى العيب من المحامين انهم مش بيقللوا الثمن للفقراء بس مش معنى كدة انهم ملهمش لازمة
لا دول ليهم لازمة كبيرة
على فكرة انا مش فى حقوق

والله انا مش ضد المحامين ولا ضد كليه الحقوق والعيب مش فيهم بكل تاكيد لكن العيب فى النيابه
وممكن يكون العيب فيا انا وانا مش عارف