لما أعتمد على نفسى الأول أبقا أفكر فى الكلام دة

بسم الله الرحمن الرحيم
************


- هو أنا ليه بلاحظ دايما فى ردود 50 % من الشباب والبناات وخصوصا فى موضوع الحب الجامعى دة بحس إنهم عاوزين يعملو إللى هما عاوزينو... يعنى حب وبس مش بيفكرو فى المستفل ولا لبكرة مع إن اللى ميفكرش فى بكرة المفروض مش يعيش
بمعنى......
بشوف دايما إن الحب فى الجامعة دة شىء عادى جدا وكلكم عارفين إن 10 % منه لما بيكمل اصلا والاتنين بيرتبطو بعض
كل واحد أو واحدة عاوزة تحب لما تدخل الكلية او مش شرط كلية عاوزة تحب وخلاص والمصيبة إللى بتحبه دة لسه طالب
والمصيبة الأكبر إنه لسه أدامه كتيييير أوى على بال مايكوون نفسه !!!!
هما ليه البنات مش بتفكر فى مستقبلها وإللى بتعوزو بتلاقيه على طووول من غير متافكر إذا كان الإنسان اللى بتحبه دة هيكون نصيبها فى يوم من الايام ولا لا
يعنى اما متهيألى إن معظم إللى عاوزين يحبو ويرتبطو دووول عاوزين حب وخلاص مش بيفكرو
ولا خطوبة ولا جواز.... الله أعلم بس كتير منهم بيفكر فى كدة خصوصا البنات
لإن البنت فى الاخر لما تكون مرتبطة بشاب لسه جامعى وبياخد مصروفو من والده أول مايتقدملها عريس لقطة وغنى توافق عليه على طوووووووول وتيجى فى الاخر تقول لحبيب القلب
" أسفة ياحبيبى أهلى وافقو على عريس كويس وإتقدملى وأنا مقدرش أقولهم حاجة"
مش دة إللى بيحصل بالله عليكم ؟
طب طالما إنتى عارفة إن لسه المشوار أدامه طويل ولما يجى يتقدملك لازم يبقا جاهز بتربطى نفسك بيه ليه وخلتيه يبنى أحلامه عليكى؟
والشباب نفس الكلام..... معظمهم عارف إن كل واحد منهم مش أدامه أقل من خمس سنين ويبقا راجل مقتدر معتمد على نفسه يقدر يفتح بيت ويشتغل وظيفة محترمة
ليه بنعيش نفسنا فى وهم وفى الاخر نصحا منه على مافيش
والله العظيم الكلام اللى بقولو هو اللى بيحصلو ومافيش اى حب فى الجامعة او غيره سواء كان الولد لسه طالب او عاطل بيكمل بسبب الموضوع دة
الا بقا الطاليب اللى بيشتغل ومعتمد على نفسه ويقدر فعلا يتقدم بس دة نادر جدا وانا شوفتو فعلا !!!
أنا عاوزة أقول إننا ليه مش بنبص لأدام مع إن كل خطوة للمستقبل أصعب من قبلها وعشان نوصل للى عاوزينو لازم نتعب
أنا عاوزة اعرف اجابة من البنات والشباب على السؤال المحير دة
طالما كل واحد من جواااه عارف إنه ميقدرش يتقدم لحبيبته دلوقتى بسبب ظروفه وإنه لسه طالب
رابط نفسه بيها ليه

وانتى طالما حاسة من جواكى واكيد دة مش إحساس إن إللى معاكى دة مش هتقدرى تستنيه حتى سنتين لإنك إنتى مش ملكة نفسك ليكى أهل من حقهم يخافو عليكى ويطمنو على مستقبلك..... لازمتها ايه نعيش الحب والوهم دة
ايوة وهم لما منفكرش لمستقبلنا ونعمل حساب له يبقا بنعيش وهم كبير بس بنكابر وبنطنش عشان الحياة تمشى ونتمتع بكل حاجة عاوزينها فى الدنيا

ملحوووظة بس مش كل الشباب كدة بس نادر فعلا لما نلاقى طالب جاهز والله وأكيد إنتو عارفين كدة كويس

كل واحد بيهمه دلوقتى انه عاوز يحب ويتحب ويرتبط ويخرج مع حبيبته ومسك إيد و و وو
طب متكون نفسك الأول وبعدين حــــــــب يا سيدى زى منتا عاوز
والبنت بردو نفس الكلام ... البنت همها تبقا مع حبيبها وخلاص ميفترقوووش لحظة واحدة عن بعض
وفى نفس الوقت عارفة ان ادامه السكة طوييييييييييييييييلة جدا وفى الاخر تسيبه وتجوز واحد تانى
لو حد عنده راى غير كدة يقول لإن دة اللى بيحصل دلوقتى والله
وفيه حاجات واساسيات كتير أقوى من الحب بس للأسف مش بنفكر فيها
السائد فى تفكيرنا اننا نحب وخلاص واللى جاى نسيبه على ربنا ومش فارقة