قصص مرعبة ودروس مستفادة .....

من طرف hoss65 الخميس يناير 24, 2008 8:03 am

دول قصتين من القصص المرعبة جدا انا خايف أحكيها لكم .

القصة الأولى : .....................................
كان فيه زمان ملك عنده غابة كبيرة فيها وحوش كتيرة طبعا الأسود كانوا اكتر حاجة فى الغابة
وفى يوم كان الملك فى زيارة لأحد المدارس الإعدادية ووقف يسأل التلاميذ عن بعض المواد إلى بيدرسوها ووعد مدير المدرسة أن إلى هيطلع الأول على المدرسة سيعطية الملك 100000 جنية أيوة مية ألف جنية ومش بس كدة ده هيودية فى رحلة للغابة وفعلا بدأت الأمتحانات وكل الطلبة عينهم على الجوائز ونجح الشاب خالد وطلع الأول وفى حفل ضم جميع المدرسين تسلم المية ألف جنية وذهب مع المرشد إلى الغابة وطلع عليهم أسد وأكل الشاب خالد وقطعة مية ألف حتة .
الدروس المستفادة من هذه القصة أن محدش يذاكر كويس علشان مينجحش ويطلع الأول والأسد ياكلة
وعلى كل الطلبة انهم يهملوا ويلعبوا علشان يعيشوا

القصة الثانية ......................................
كان فية مرة اتنين راحوا رحلة إلى هرم سقارة ومعاهم السندوتشات والعصير بتاعهم وقرروا يدخلوا الهرم وانتم عارفين انه مغلق لأسباب امنية ولكنهم غافلوا رجال الامن ودخلوا جواه ومشوا فى ممر طويل ظلمة جدا وفجأه سمعوا صوت بيقول لهم إيه إلى جبكم هنا طبعا اتلبشوا من الخوف والخضة ومسكوا فى بعض وظهر ضوء فى آخر الممر قوى طلعوا جرى عليه لقوا غرفة كبيرة فى وسطها تابوت وفية واحد نايم وفجأة قام وقلهم أيه إلى جابكم هنا
سألوة انت ميييييييين وهما مرعوبين قال لهم انا سقارة نفسة ونفخ فيهم نفخة طيرتهم عشرين متر للوراء ووقعوا على الارض وطلع من بقة نار ذى الديناصور وحرقهم وقعد ياكل السندوتشات وشرب العصير
الدروس المستفادة من هذه القصة أنك متخدش سندوتشات ولا عصير فى أى رحلة تطلعها علشان محدش ياخدهم منك .

أرجوا أن تكونوا إترررررررررعبتوا .